2013年5月23日 星期四

小腳尋寶 Ferragamo Private Sale




向來有說女性特別喜歡買鞋,我十分認同此說。不知在看文的妳們,是否同是鞋癡?



幸好天生腳小,很多店子出售的鞋履都只可以欣賞,卻穿不來,例如i.t.vanilla suitepedder red等等,價錢平易近人,款式不錯,我卻只能買boots,那只好自我安慰,相信能省下不少金錢呢!


小腳只能買millie’sstaccato等有小碼的品牌,每到減價的季節,就是幾雙幾雙的買回家,然後好穿的日復日穿著;刮腳的穿一次就丟回盒子內。由於鞋子的外觀簇新,總是捨不得丟棄,奢望會有再穿的一天,鞋櫃早已不敷應用,索性在樓梯的轉角處堆起比人還要高的鞋盒牆,由於數量太多,走過也覺得危險,而且難以打理,近年每逢轉季就趁機整理一下,將肯定不會再穿的鞋子視乎狀況捐出或丟棄,也更替一下放置在鞋架上慣性穿著的鞋子。剛數了一下,那墻鞋牆現在還有六十多個盒子,那意味著「雞肋鞋」(即穿之刮腳,棄之可惜的鞋)還有很多。



以下圖片分別取自SFRV的官網





 
自從數年前不敵Salvatore Ferragamo的蝴蝶魅力,後來也敵不過Roger Vivier的高貴方扣,在沒有下雨的日子,我都喜歡踏著它們,反而少買了大型連鎖店的鞋子。我在想:雖然SFRV鞋履的價格高昂,但因購買的次數和數量減少,家中必然會整齊些,人也高貴些,或許金錢也可以省下來呢(沒有正式統計,但的確有這個可能)。那樣看來,購買名牌鞋履是百利而無一害的。



收到Ferragamo Private Sale的邀請咭,決定前去看看,初時還能走近看,是非常吸引的半價啊,看中款式就請售貨員拿取合適的碼數。我很快就看中了一雙低跟的,卻只拿來一隻鞋子,說另一隻遍尋不獲,他表示若有客拿回來的話會替我保管,很匪夷所思呢,客未算多已管不好鞋子?! 我在離開前追問了多次,答案仍是只得一隻,氣壞!

後來人多,售貨員開始弄不清是誰叫取鞋子,為免合心意的鞋履"冇回頭",我會認著叫了哪位售貨員取鞋,見他拿著鞋盒走出來就叫住他。鞋部的場面是相當混亂的,椅子也坐滿了客人,想找個位置試鞋也見困難。



Ferragamo的鞋履小至3號半(即33碼)都有,這是我喜歡它的主要原因。相比起Roger Vivier,個人覺得RV更美,可惜碼數偏大。Ferragamo特賣場內不少款式只剩超小碼和超大碼,我是超小碼的一員,絕對值得走一趟。媽媽屬正常碼數,問了多個款式都缺貨呢!



看下圖,Taissa幾個顏色都很美啊,是合腳的4號/4號半。


還有Thinkerbell,除了下面兩個色,後來還看到了美得很的裸粉色。



Thinkerbell的紫色和裸粉色,可惜兩雙都有明顯瑕疵--金屬牌花了、膠水糊出來了,最後選了下面兩雙。其中Thinkerbell半價後低於二千元啊!




場內的客人愈來愈多,腦袋開始不清醒,不過倒有一個原則是清晰的,就是想買一雙淺色,一雙深色的以便配襯衣服。最後選了的顏色雖不是最愛的,卻達到了目的。


唯一後悔的是因人多的關係,沒多走幾步試清碼數,看中款就叫售貨員4號或4號半,以為一定會合穿。回家仔細試穿,發覺Taissa款應該買大半碼;Thinkerbell卻以4碼較合適,現在買的碼數卻錯配了。早幾天外出吃飯穿著Taissa,車子交到酒店門外代泊,全晚走了不到200米的路,已經發覺我那稍大的左腳被鞋子迫得有點疼呢!


小腳子雖未能於水貨店購得合適的鞋履,卻易於在正店做特價時找到合適的碼數,相信往後的ferragamo private sale我都會前往尋寶呢!

「Venus遊世界」總目錄


您可能會對以下博文感興趣:

神戶牛
神戶篇2012品嚐神戶牛
玉蕾
紅磡米芝蓮星級中菜
酒莊
墨爾本酒莊遊2012
Brighton
英國南岸2013


9 則留言:

  1. 愛樂。音樂室。Fani*2013年5月27日 下午3:11

    i like buy shoes as well..~
    [版主回覆05/27/2013 23:00:55]yeah

    回覆刪除
  2. 我以前返工都買落一堆雞肋鞋呀,而家做咗師奶好好多,一雙crocs走天涯~~~ XDXD
    [版主回覆05/27/2013 22:59:49]要返工呢, 表面原因係要見人, 俾個藉口自己去買o野, 潛意識可能係想release下, 我都幾享受買o野o既自主
    咁妳宜家做少奶奶嘛, 唔洗番工激鬼氣, 咪冇不滿需要發洩囉, 幸福呢

    回覆刪除
  3. hehe..你對腳真係幾細喎~我公司要行好耐先到,所以宜家都少著有爭鞋,仲要越舒服越好。
    [版主回覆05/29/2013 22:29:06]我地都係要命唔要靚呀, yeah!!!!!!!
    初出o黎做野時曾經日日踩住幾吋番工架, 冇耐已經換晒低跟, 後來索性著平底添, 宜家只有特別場合先出動低跟

    回覆刪除
  4. 裸色鞋子美美又好襯!!! 我也想來一雙裸色呢~~~
    [版主回覆05/30/2013 19:37:07]係呀, 好靚架, 不過個金屬牌有一條好明顯刮痕我一放低, 即刻有另一位女士拎去試囉

    回覆刪除
  5. nice pick !
    [版主回覆06/03/2013 16:13:53]thanks

    回覆刪除
  6. Venus
    妳個blog出到咁多字真好,我放咗相,就擺唔到字,16,000字元真喺出微博先得
    Diy
    [版主回覆06/04/2013 20:12:39]正常番喇, 嘩, yeah, 多謝路霸兄通知, 太好喇
    [路霸回覆06/04/2013 19:49:40]Venus
    多謝妳提供,
    今次事件我覺得 yahoo blog友們真齊心
    大家都為件事好,向yahoo編輯部反映意見後,
    現在取消字數限制,回復正常了
    再重新上載內容!
    Diy
    [版主回覆06/04/2013 19:37:56]咦, 呢篇好順利出晒呀。反而我搞掂呢篇之後edit另一篇blog, o個篇就唔見左尾段, 後來我好友兼blog友"信毅媽媽"教我寫完之後去html版面度將重覆o既語法delete左佢, 我之後試過係得架, 不過都幾花時間, 睇到眼都矇, 路霸兄可以試試呢個方法

    回覆刪除
  7. haha!! 我也喜歡買鞋!! 但因我自知3分鐘熱度..差不多每季都會買新鞋..所以我不會買太貴的XD $600是我的max :P
    btw..你的腳真的好小!! 哈哈!! 我識得既人入面, 最細既size係34!
    [版主回覆06/14/2013 19:54:22]讀書年代呢, 都係洗屋企人錢, 可能佢地未必介意我買幾多錢, 但自己會就住就住

    如果大多1個碼就好, 咁就大部份o既品牌都買到喇

    回覆刪除
  8. 好靚,好斯文既鞋呢~~
    [版主回覆06/15/2013 16:18:28]靚呀, 仲要半價, 更靚

    回覆刪除
  9. 我最近都買左對SF蝴蝶款,又係買時無試清楚,以為合腳,點知第一日行左陣,先發現應該買大半碼,現在懊惱中
    [版主回覆06/26/2013 00:37:44]唔緊要, 我宜家對策係著得短時間, 例如出去食餐飯就番屋企o既, 就著細o個對, 或者著絲襪著都會好d, 唔好嘥嘛
    如果妳唔係private sale時買, 又未著出街的話, 有得換架喎

    回覆刪除