2015年6月1日 星期一

Day6──白馬whitehorse市郊



今天將轉往市郊居住,早上起來吃過早餐,悠閒地在小屋的裡裡外外拍照,中午十二時就留下鑰匙離開。


車子沿Alaska Highway走,逐漸離開白馬市中心。由於未到是晚住處的check-in時間,於是先走景點,向著位於白馬市東南方的Marsh Lake馬歇爾湖(地圖中的粉藍色標示)駛去。





沿路經過育空橋,停下來拍拍照。



到達Marsh LakeSwan Haven,四月至五月初是觀天鵝的最佳時份,據其網頁載,這段時間可看到TrumpeterTundra swanswigeonsCanada GeeseNorthern Pintailsshorebirdseagles等。





Swan Haven Interpretive Centre







結了冰的馬歇爾湖,整個地方都充斥著天鵝的叫聲,沿著指示走一段路可見到湖上的天鵝群。



丈夫和媽媽走了不遠就因為雪深難行和天氣冷而回到觀景台。
爸爸見路途有點遠,放不下心我一人步行,於是全程陪著我。








來回合共走了半小時,假若我不是對白色世界有著熱切的嚮往,這段路是不太值得走的,因為四月是溶雪的時候,遊人都不敢靠近天鵝的位置,怕冰面不夠結實會掉進湖中。因此,儘管雙腳插了半小時雪,仍是與天鵝有一大段距離,那倒不如留在觀景台透過望遠鏡觀看了!





離開Swan Haven Interpretive Centre後續沿湖南下,見到美麗的湖景就停下來拍照,那裡的交通並不繁忙,只要喜歡就可停在路旁。





有些小路被厚雪覆蓋


到了馬歇爾湖的放船處







差不多到check-in時間,回到地圖中的粉紫色標示,那是我們將要入住兩晚的Northern Lights Resort & Spa的位置。


快要到resort,車子要走過一小段沒有鋪上柏油的積雪小路,小路只夠一架車通過,縱然車子已用上雪軚,仍感到有少許跣,幸好就只一小段。

屋主Wolfgang見有車駛進resort範圍,很快出來相迎,寒暄幾句後帶我們到已準備好的兩間小屋,並指導我們如何使用屋內的設備。


 我們入住的兩間相鄰小屋--chalet Arnika和Enzian。其中Enzian有full kitchen,方便煮食。詳細的住宿資料將另文介紹。


上圖是丈夫和我入住的小屋;下圖則是爸媽的。


 小屋外觀



Wolfgang著我們安頓後到主屋找他,原來是為我們介紹早餐地點、spa設備和附近的景點。




在主屋的辦公室見到很多相機鏡頭,Wolfgang想必是極光攝影的愛好者,一問之下,原來這兒幾間屋皆正對北方搭建,方便等候極光。

小屋周邊環境













晚上走到爸媽的小屋一起吃晚飯,然後各自在屋內等候極光,這晚雲層較厚,間中走到屋外望望卻聽到狼的叫聲,感到有點心寒,也就不大敢長時間逗留在屋外了!



加拿大極光之旅2015目錄


「Venus遊世界」總目錄



您可能會對以下博文感興趣:

黃金瀑布 挪威北部 格陵蘭 塔斯曼尼亞
冰島金環2013
北極圈郵輪上的日與夜2012
格陵蘭海上美景2010
澳洲塔省荷伯特2012


13 則留言:

  1. 我喜愛白雪天好寧靚的感覺,
    本身我不怕冷,所以走走路不成問題,
    外國木屋好正,重木頭粗獷,
    我想一定有木材香味,
    好舒服(^^)

    回覆刪除
  2. 我喜愛白雪天好寧靚的感覺,
    本身我不怕冷,所以走走路不成問題,
    外國木屋好正,重木頭粗獷,
    我想一定有木材香味,
    好舒服(^^)

    回覆刪除
    回覆
    1. 係呀, 木屋都會有一種味道, 好在我都ok o個種木味 ^^

      刪除
  3. 天鵝湖個view都幾靚喎,如果夏天來又有另一番景致
    結果在這裏有沒有看來極光呢?

    回覆刪除
  4. 育空橋有點點淒美感覺~幾正~
    個結左冰既湖上面我見有人坐係度!!!!好正好正呀!!!!!
    我好想咁樣坐係度發呆.....好似好舒服咁~~~~~~~
    wow~向正北方咁咪易d等到極光囉~~~~間屋都幾正~

    回覆刪除
    回覆
    1. 白馬成個環境都好少人好寧靜, 感覺上遊客都唔多, 我都幾喜歡呢個懶懶地, 靜靜地o既旅程, 悠閒咁o係咁靚o既環境下抖下, 思考下 :)
      係囉, 坐o係個湖面, 堅型呀! 其實我一直都好渴望可以置身美景中寫生, 我畫畫ok, 但少練習所以畫得好慢, 唔知幾時先可以時間上好奢侈地實現願望, 或者要一個人的旅行先可以實現囉
      係呀, 向北係易睇呀, 至弊上半夜都冇出現過極光, 我地又唔想等通頂咁辛苦 >.<

      刪除
    2. 係呀我都覺得唔錯~~~~~唔怕好多人哥種嘈嘈閉~~~~~唔怪得我地都咁一樣咁鐘意冰島~~~~
      我覺得坐係結冰既湖面其實唔錯....不如下次你去畫畫...然後我坐係你隔離發呆啦~~~~幾正~
      好想睇下你既畫作~
      我覺得捱眼訓其實係幾辛苦的~~~~~~

      刪除
    3. 我鍾意冰島地貌o既多樣性, 同埋自駕玩好方便, 除非入首都要諗泊車問題, 首都外都可以想泊就泊。可能我兩次都係最peak時候去, 旅遊點好多人下, 要等靚位影相 >.<
      嘩......好感動呀!!!!!! 唔准走避, 要送妳一個big hug(女色狼出沒注意), 嘻嘻 ^0^
      好呀, 如果某次旅行真係捨得花費咁長時間去畫, 就算最後畫左pat..都一定會post出o黎, 呵呵 ^^
      我呢d年紀通頂的話, 第2日一定全日吽吽下~~

      刪除
    4. 無錯!!!冰島係超多唔同地貌睇呀!!!我今年先導左我個fd去冰島...佢成日話唔明點解我會話冰島好玩...佢去完番黎之後都上左癮~~~仲話如果唔係我推介可能一世都無諗過去哥度!!我可時6月去都應該係high season...不過我真係好彩唔算多人喎~~~~~~~
      哈哈~~其實我覺得唔錯丫~~不過唔會有人陪我地兩個咁樣發癲~~~(來吧~~我張開雙手中~~快d黎攬我~~)
      好呀好呀~~~~毛寶有時都話想去旅行時畫幅畫~~~不過一定要等自駕時先好畫啦~又要帶d畫具好重架嘛~
      我都係啦.....訓少晚真係頂唔順...................

      刪除
    5. 我兩次都係8月呀, 7-8月係暑假, peak中peak, 尤其金環多人到爆, 所以我恃住住得近, 夜晚先過去。
      好希望有機會癲下, 唔會好重呀, 我諗住帶本sketch book同硬筆咋, 不過時間上未必afford到

      刪除
  5. 雪好厚真係好難行,我試過係格陵蘭自己一人行山,行每一步都D雪都深入到膝頭,真係唔知邊條係山路,邊個位係深坑,唔想死都係回程吧! 哈哈~
    小木屋好正! 我都好鐘意住

    回覆刪除
    回覆
    1. 係呀, 雪下面係乜真係唔知, 咁厚雪千萬唔好行。呢個湖好d, 跟住其他遊人行過o既腳印行就可以, 有d雪已被踏實左, 我行行下唔小心踏左入好鬆o既雪度, 都係到膝蓋咁深o者, 但要拔番隻腳出o黎, 有少少狼狽 ^^
      係呀, 木屋係幾好feel, 好度假感覺

      刪除