2012年8月23日 星期四

日本關西八天自由遊-京都(酒店篇)


未寫完大阪, 先寫京都酒店篇, 因為容易寫, 呵呵

八天關西之行, 兩晚到了京都, 入住了Citadines Karasuma-Gojo Kyoto, 那當然與tripadvisor的旅客評價有關, 它於一百三十多所京都酒店中, 排名高踞第二位! 此外, 它在2012年度取得了兩個由tripadvisor頒發的獎項, 分別是全日本最時尚酒店的第十三位 及 全日本最佳酒店服務的第七位。


上圖為酒店門口, 幸好有酒店名字, 因為格調烏燈黑火。先進上圖的門/玄關, 再入一度玻璃門, 走過長廊(見下圖)就到酒店大堂。



Citadines Karasuma-Gojo Kyoto也不是貴價酒店, 房價"平易近人", 正因如此, 很快客滿。入住前數月, 已見Hotels.com顯示只剩數個房間, 加上有些折扣, 所以馬上預訂, 當時訂房價格約一千港元一晚連稅。若非其客房快滿, 其實可以多等一會, 因hotels.com經常轉變折扣, 有時又會額外多減10-20%。當中以額外多減10%的優惠久不久就推出, 只要能守多一會, 是必定能夠享受到的。

及至出發前約兩星期, 丈夫碰巧發現Citadines網頁在做Last Minute Deals, 每房每晚比早前的訂房價便宜二百港元, 可惜只剩一個房間。雖然Hotels.com會於顧客訂房後在信用咭扣除全費, 但歡迎入住前取消, 並且不收取任何手續費, 全數退回信用咭戶口。於是我們立即以這個超級優惠價訂房, 成功後才到hotels.com退掉其中一間。呵呵, 入住兩晚嘛, 即慳了四百港元啊, 足夠四人在關西吃一餐了。

及後, 精明的丈夫叫我每天到Citadines網頁看看, 理論上我們在hotels.com退房後, Citadines會於相同日子再有吉房, 當它以Last Minute Deals姿態出現時, 我們重施故技, 另一個房間又可慳四百港元了! 真是想一下都高興, 慳錢固然高興, 覺得自己醒目更叫人高興啊, 呵呵呵呵..............可惜, 如意算盤到出發那天再沒有打響過。



上圖是酒店大堂。 下圖是從酒店大堂外望進入酒店的長廊。


爸爸媽媽表示旅程中最喜歡這家酒店, 相信是因為房間以淺色為主吧, 個人覺得三家各有優點。

這家酒店的景觀差異相當大, 我們的房間原與爸媽的"打對面", 我們的向著大馬路, 和對面樓宇有一段距離, 尚算開揚。爸媽房間的窗戶卻向著一面十分靠近的牆, 近到連光都透不進來。男士們一個說不介意; 另一個說是低價惹的禍。反正丈夫要保持形象, 換房這種事都包在我身上的, 問我的話, 面壁房是絕對不能接受的啊, 於是馬上動身到大堂。當然成功換房, 換到我們隔鄰, 即同樣是大馬路景, 好多了! 從來換房都未試過惡形惡相, 不明白男士的奇怪執著!



酒店房間附設小廚房, 煮食設施齊備, 可惜步往超市約需十分鐘, 而且只是小型的, 貨品選擇不多。反之酒店隔鄰就有幾家食肆, 其中一家更24小時營業, 入住兩晚, 到隔鄰食肆光顧了四次, 房內的小廚房卻一次也沒使用過呢! 如果有超市在旁, 買些和牛上房煎, 應該很不錯呢!



酒店外就是五条地鐵站。地鐵站旁就是上文提及光顧了四次的食肆群, 我們光顧了當中水準相若的兩家, 兩家都店面衛生且全面禁煙, 更令男士們高興的是兩店都「白飯任裝」, 還註明使用日本米。



酒店評價

優點: 房間衛生, 附設廚房、酒店旁有多家食肆、靠近五条駅、幾位前台服務員都能操流利英語
缺點: 非位於京都的旺區, 需倚靠地鐵、往超市有一段距離

樓下食肆吃甚麼? 其實只是水準不錯又價錢相宜的各式定食, 和大阪物價差不多, 也是六十多至百多港元不等, 不同的是可以「白飯任裝」。






另一間也是定食, 價格相若。





下圖啡色外牆的就是本篇介紹的酒店


到大阪酒店篇
http://venushk.blogspot.hk/2012/08/blog-post_7424.html


到關西之旅2012目錄頁



您可能會對以下博文感興趣:

格陵蘭
格陵蘭Ilulissat冰川2010
布達佩斯
東歐2007
峉里
峉里2010
愛丁堡
英國自駕2011-蘇格蘭


6 則留言:

  1. 已經三十年沒有去過日本了,謝謝妳的分享。
    如果想去看與香港不同的文化,可以考慮下北非的摩洛哥。
    [山水人士回覆09/08/2012 14:13:32]謝謝支持,去非洲登山其實幾輕鬆,因為有一大隊腳伕幫忙。
    下一個行程比較辛苦,去台灣登第二高山─雪山,10月尾去。
    去台灣登山沒有腳伕,相比非洲自然較辛苦。
    [版主回覆08/29/2012 15:17:22]我係您個blog o既粉絲o黎, 之前係search "quark expedition"無意中搵到您個blog, 完全就係鐘意睇呢類遊記, 您仲要寫得好pro, 學到唔少野
    見您未有南美update, 宜家追緊非洲之旅, 初時以為係摩洛哥, 原來係行非洲第一高峰, 真係不得了, 我冇諗過高峰唔係爬, 而係行上去架!
    又plan緊下個行程拿, 幾時出發?
    [山水人士回覆08/29/2012 11:28:55]如果真的去摩洛哥,要換多一點一美圓鈔票,因為拍照時拍到人會被要求付錢的,當然也可以不理。(希望有時間整理相片,遲一些登上網誌。)
    還有一個好地方─格魯吉亞,因還未被污染,很純樸,西邊靠黑海,東邊有五千米高山,我們正在找資料去登山。
    [版主回覆08/28/2012 23:20:53]嘩.......30年........未出世喎! (呢度係我主場, 請容許我扮年輕)
    世界咁大, 有太多超出我認知o既環境可以去探索, 對亞洲的確興趣不大。
    摩洛哥我有諗過架, 即刻諗到北非諜影同casablanca
    我細個時係三毛迷, 所以一定會去三毛生活過o既Canary Islands, 就o係摩洛哥對出o既大西洋, 可以o係同一個trip去埋, 多謝建議

    回覆刪除
  2. 個lobby好型吓喎~ 哎~有排都唔會去日本。。。
    [版主回覆08/28/2012 23:07:49]thanks, 都算係平靚正呀
    唉, 老老實實, 老公可以再多幾日假的話, 一定唔去日本
    日本唯一值得去係睇櫻花o既時候, 關西o既夏天熱到嘔泡又冇景睇, 若果唔係為左"有得去好過冇得去", 都唔會揀日本呢

    回覆刪除
  3. 這酒店幾好、價錢也好合理、我住在新、都(京東)。D房好細、雖然好多歺廳、但最後都是在車站下面食、說起來、京都無咁商業化、有些歷史睇!
    [版主回覆08/31/2012 19:15:38]以前internet冇咁發達時, 會好易中伏, 宜家訂房前一定上網睇晒comments先訂。
    呢間好ok呀, 唯一係要轉地鐵比較麻煩

    回覆刪除
  4. 一千一晚, 算抵呀, 估唔到經Hotels.com, 有退房免手續費咁好既!!
    最終每晚$800, 真超抵呀, 反而我係5月去東京時, 見每間房都要過千呀!!
    [版主回覆08/31/2012 19:27:12]係呀, 好抵呀, 可惜$800幾得一間, 抵唔盡!
    hotels.com只要唔係做緊超低價, 全部mark有free cancellation字眼o個d, 都可以o係入住前一日或之前免費退房, 話會20日內退回信用咭戶口, 其實好快已經退番。

    回覆刪除
  5. haha~~~ 估唔到book酒店房都可以咁有策略啊! 我通常直接through酒店book房算架喇!完全唔曉格價呢!
    [版主回覆09/09/2012 22:35:49]格價係一種樂趣呢, 搵到平d會覺得醒左, 呵呵, 好師奶添

    回覆刪除
  6. would you recommend this hotel?? Thanks thanks
    [版主回覆01/04/2013 00:20:36]yes I do, the room is clean and as it runs by an international group, staffs can speak fluent english, these are the important criteria for me to rate a hotel

    回覆刪除