2016年1月3日 星期日

Day 5極地郵輪首站—冰島Grundarfjörður及極光初現


2016新年新氣象,祝各位身心健康、愉快,活出更精彩一年!

這星期花了不少時間為南美之旅作準備,還買了新相機,興致勃勃地試玩,就將網誌擱了下來。


地圖出自Hurtigruten,這天郵輪從首都雷克雅維克(Reykjavik)到達位於冰島西面斯奈山半島(Snæfellsnes Peninsula)的格倫達菲厄澤(Grundarfjörður)鎮。


早上起來,郵輪已泊進Grundarfjörður港口,乘客可隨意下船,只需按時返回郵輪就可以了。

由於Grundarfjörður鎮在兩年前遊覽過,只是一個不到千人的冰島西部小鎮,十小時的遊覽時間實在過於充裕,於是我們先到船上餐廳悠閒地吃個早餐。



三餐中只有早餐有水果供應,因此早餐以吃水果為主。

話說郵輪上的乘客以中年和長者居多,相信大多注重健康,後來在晚餐時發現一個有趣情況,明明自助餐桌上沒有水果盤,卻見人家的碟子上有水果,那麼水果從何來呢?細意尋找後發現水果是用來伴碟的,可見大家都渴求健康食物。我不好意思把廚子的伴碟藝術吃掉,只好趁早餐狂吃。

早餐後到甲板拍攝小鎮風光,然後回房間加衣外出,這天甚有寒意,要穿著羽絨大衣了。





正正在碼頭對開的路上就有小鎮地圖,非常方便。







向遊客中心方向走,發現中心內有免費wifi,正!我們決定遊覽過小鎮後回來上網。





在郵輪上見到小鎮外有條瀑布,於是沿著海岸步往瀑布。




路上見到冰島馬




還有一段長路才可走近瀑布,天色不大穩定,決定放棄。




回看走過的路,從郵輪處沿海走。




噢,要回程了!看得到的雨追著我們,我們不一會即被追及,幸好羽絨面層防水,雨下得很密,只好急步返回郵輪。


正好是午飯時間,三餐都是自助餐形式,雖然未肚餓也吃了一點。


午飯後雨停了,再到鎮上逛逛,今回往另一方走。












這個山很熟口面吧!Grundarfjörður最著名的景點就是這座Mt. Kirkjufell,它的頂部從不同角度看會呈現不同形態,見2013冰島網誌。由於今次只是徒步,走不了多遠,因此形態差別不算大。




眺望山上大大小小的瀑布







市內教堂及小鎮環境




到遊客中心上網,待了一會見天色轉壞又回到郵輪上去。



下午茶時間,邊吃邊欣賞雨後彩虹








原來鎮上可拍得完整彩虹,很美啊,照片由內地船友傳送給我們。


難得的藍天啊,到甲板拍了一會,然後在船上四處逛,認識一下各種設施。






郵輪在六時半啟航,再到甲板目送這個寧靜小鎮。












晚上八時許晚飯,丈夫的碟子盛得很好看,其實味道只屬一般。



九時正到Polhøgda演講室聽講座,介紹翌日抵達的冰島西北部小鎮Flateyri


這天晚上睡得不大好,凌晨接近一時醒來竟然發現極光蹤影,拿了相機試拍,真是極光啊!丈夫聽到快門聲也醒來了,於是加衣一起到甲板。


看來其他乘客並未有發現極光蹤影,甲板上只有我們和一位外籍男士,他主動走過來以不流利的英語分享他拍得的極光照。自然現象的魅力果真不同凡響,後來在船上重遇這位獨自上船的男士很多遍,每次都想和他打招呼,但他好像完全把我們忘記了,也見他十多日來都是獨來獨往的。看來只有極光能讓這位寡言男士主動起來,有趣呢!





這晚的極光沒甚美感,也沒甚動感,後來雲愈來愈多,我們也回房睡覺了。


北極三島郵輪極光2015目錄頁

「Venus遊世界」總目錄


您可能會對以下博文感興趣:
挪威北部 馬蹄灣 聯合國總部 紐西蘭南島
挪威北部郵輪
加拿大威士拿
紐約曼哈頓
新西蘭南島

26 則留言:

  1. 咁少人上甲板,船上有沒有廣播話有極光呢?

    回覆刪除
    回覆
    1. 船上冇廣播, 唔知係咪因為太夜又唔靚呢, 呢種一pat o既極光第一次見, 唔多郁架喎, 就咁個天綠左, 黑色o個d係雲
      之後o個d早左出現又活躍o既就有宣佈

      刪除
  2. 很寧靜的小鎮呀~~~~如果有單車踩下都幾正丫
    彩虹很美
    照計船上不多東方面孔,應不難認出你們吧

    回覆刪除
    回覆
    1. 係呀, 有單車就唔洗行得咁辛苦, 但我好多年冇踩, 唔知仲曉唔曉 >.<
      靚呀, 可惜我地已經上番船, 睇o黎落雨後會有好野影!
      我諗認得, 只係唔想應酬, 總之好似兩個人咁。佢o個晚好主動架, 一開始我仲俾佢嚇一嚇, 老公行開左去搵邊個方向d極光靚, 得我自己笠埋羽絨頂帽縮埋一角翻睇緊d相影成點, 點知無啦啦有人"質"個頭埋o黎一齊睇mon, o個下都幾驚嚇。我地觀察左阿「極光男」一排, 都覺得佢o個幾句說話好珍貴, 真係冇乜見到佢會同人講野 ^^

      刪除
  3. Mt. Kirkjufell好得意!!!我地話如果下次再去冰島要去睇~~~你覺得西北面d路難唔難揸呀?
    冰島真係可愛~時而大雨時而天晴~~~~~~~
    我想問下每日d自助餐....款式會唔會有唔同架?

    回覆刪除
    回覆
    1. Grundarfjörður所在o既Snæfellsnes半島屬於西面, 成個半島d路都好新, 超好揸, 景色都特別, 但我上次自駕去, 落雨落得好犀利, 幾個景點都冇落車行, 好希望自駕玩多一次。
      至於西北面個峽灣區, 只係今個trip用郵輪去過, 道路狀況唔知點, 或者可以去冰島道路網搵搵有冇實景睇下。
      自助餐d款式會有少少唔同, 但味道都係唔會令人好想食, 幾好架, 係咁易食下就自己識停 ^.*

      刪除
    2. 個山超得意~~~如果有少少積雪仲正~~~~
      係呀可以咁睇架等我上網睇下先~~~
      我見到其實都唔係好想食...
      我諗毛寶去既話早上會狂食生果~

      刪除
    3. 係呀, 個道路網有cam睇, 宜家積晒雪就唔多好行, 唔知夏天o唔ok呢, 網址係http://www.road.is/travel-info/web-cams/ 然後click番西北面個峽灣區。
      生果晏少少就唔refill, 我之後一開波就食, 其它野係麻麻

      刪除
    4. 你真叻~~~問你實攞到料~~~~~我去睇下先~~~
      我會夾哂生果埋位..然後慢慢攞其他....有無即煎太陽蛋哥d呀??

      刪除
    5. 唔叻啦, 只係一個冇冒險精神o既人, 所以要知清楚d
      有呀, 有幾樣野可以即時order, 有太陽蛋呀 ^^ 不過唔及妳煎得靚囉 ^.*

      刪除
  4. 南美我地淨係訂左機票同大部份房~
    希望快d搞掂哂~~~~~~~~~
    你個南極船程係幾多日架?

    回覆刪除
    回覆
    1. 我搞掂晒機票, 酒店仲差幾晚未book, 不過已經有心水, 等下有冇特價
      南極o個程船有16日

      刪除
    2. 你去幾多日呀~留阿根廷邊度?睇下有無緣~~~~

      刪除
    3. 同北極呢次一樣, 都係25日。1月尾出發, 2月中番
      阿根廷有兩個地方我好想去--莫雷諾冰川同伊瓜蘇瀑布, 但之後d內陸機時間砌唔掂, 只係去到其中一個, 揀左機程比較短o既伊瓜蘇, 阿根廷就只會留o係首都同伊瓜蘇

      刪除
    4. 咁無lu....我地2月中先出發....3月先去到阿根廷~
      我地又係阿根廷有幾個地方好想去....一係莫雷諾冰川二係伊瓜蘇瀑布三係春光乍洩哥個燈塔....又係由於機程...時間...同埋機票錢......我地最後揀左莫雷諾冰川同埋燈塔~~~~咁咪岩囉!!!!我地寫blog可以互相睇番無去既地方喇!!!!!!!!!!!!!!!!我都想睇伊瓜蘇瀑布..但我更想睇冰川!!

      刪除
    5. 車, 妳o係澳門咁近, 做乜我地係要o係地球o既另一邊先見呢, 浪漫d?! wakakakakaka ^0^
      咦, 燈塔o係Ushuaia嘛, 我地o係Ushuaia上郵輪, 所以我都會去呀 ^^
      其實呢..我想去冰川多好多架, 真心, 我覺得去唔到莫雷諾係有少少遺憾架。我老公都估到我鍾意莫雷諾多d, 因為我一向都鍾意白色世界, 但係係我自己話要去伊瓜蘇囉, 我都唔知自己係咩人o黎架, 理智到痴線, 理智到我自己都唔鍾意自己囉 >.< 點解揀伊瓜蘇呢, 因為個郵輪包左布宜諾斯來回Ushuaia機票, 如果我地之前自己買張來回冰川o既機票, 好似好低能, 因為由冰川落Ushuaia係近到發癲架, 為免自己覺得自己低能, 伊瓜蘇機程又短d, 我就揀左個我情感上應該冇咁鍾意o既景點囉。妳要寫詳細d莫雷諾冰川呀, 我好想睇!

      刪除
  5. 我今次都唔夠時間去冰島西面玩, 原來Mt. Kirkjufell好靚, 又有唔同形態.

    回覆刪除
    回覆
    1. 我第1次都冇去, 我諗正路都係金環+環島1號路, 其實已經夠晒豐富, 就留待下次再發掘冰島o既其它景點 ^.*

      刪除
  6. 整個島都寕靜舒服,可以住一晚都幾好,天氣唔錯,
    只是尾聲差啲,船上食物幾豐富,嘆杯茶食件餅好寫意,極光真喺要靠運氣。

    回覆刪除
    回覆
    1. 小鎮風情, 天氣就唔太穩定, 時晴時雨
      係呀, 極光呢家野我搵左佢幾次, 次次都係唔夠強, 再過多幾晚去到格陵蘭, 終於見到d好靚, 靚到覺得好感動o既極光

      刪除
  7. 北國情景, 令人有點無奈, 有點情緒低落.

    回覆刪除
    回覆
    1. 藍天個感覺係會開心d
      可能香港太繁忙, 步伐太急速, 所以縱然冰島大部份時間都灰灰暗暗咁, 但o個種寧靜同安全仍然好吸引我

      刪除
  8. 又換乜野正相機呢?
    獨來獨往?咁似我嘅~

    回覆刪除
    回覆
    1. 邊度係正相機, 無反咋, sony部A7II
      原本老公建議我正正經經用番單反(用無反就唔正經o既?!), 但全程係我孭架嘛, EOS部5D mark3重到痴線, 男人用就o岩
      唔係啦, 你係獨來獨往, 但你同人傾偈架嘛。但阿極光男係自閉架, 佢係會刻意唔同人有眼神接觸, 一副"睇你點撩我"o既樣, 反正我都輕度自閉, 咁大家都唔需要花腦力entertain大家, 都係好事, 旅程中我係好怕遇到停唔到口o個d, 我寧願遇到自閉o既好過

      刪除
  9. 今年我既長旅遊既目的地可能會係冰島

    回覆刪除
    回覆
    1. 好呀, 冰島好適合自駕! 避免冬天去, 積雪危險, 而且有好多道路會封閉, 春夏秋都係好日子 ^.*

      刪除