2013年7月20日 星期六

Centara Ras Fushi 餐飲資料 Half Board vs All-Inclusive


看過我的馬爾代夫遊記的blog友們會知道,馬代的旅程是我的ad hoc trip,由買package至出發只有一星期。出發前對酒店所知不多,只因價錢相對其它奢華的馬代酒店便宜,又相信新酒店差不到哪裡就成行了!由於急性子,所有事情都想馬上知清楚,因此跳過了香港的旅遊代理,直接發電郵到酒店查問各種事情,或許是我太煩,在幾次電郵來回後,酒店職員索性將發給世界各地旅遊代理的文件──Sellers'Guide發了給我。


有見馬代旅程已經完了三個多月,仍然有不少
blog友查詢酒店的餐飲問題,香港的旅行社看來將酒店的餐飲弄得很複雜(是吸金技倆?! 還是沒有仔細看Sellers'Guide?!),現於下方剪輯酒店電郵給我的Sellers'Guide,供有意前往的blog友們仔細查看,看完後應該會清楚HalfBoardAll-inclusive Supplement的詳情,而酒店的確只提供這兩項餐飲選擇。 


睇嚟酒店同香港嘅旅行社應該要出糧俾我,點解我一毫子都冇收過架!我都聲明以後唔回答呢間酒店嘅餐飲問題喇,我所知都係睇呢啲文件,香港嘅旅行社都係睇呢啲文件,睇完應該乜都清楚晒架喇



 
先來Half Board:包每日自助早餐,包Oceans餐廳的自助午餐 或 自助晚餐連餐飲。open bar服務(即餐飲),只適用於在用餐的餐廳供應及選擇了餐飲的時段(即午餐或晚餐時段),上限是三小時。簡單一點來說,用餐期間可不限次數享用餐飲,不另收費。最後一點,個人覺得是重點,就是Dine Around(可任意到任何餐廳用膳),那是酒店免費送給客人的禮遇,因此內文以gift來表示。假若香港的旅行社要求blog友們加錢才能到其它餐廳進餐的話,那家旅行社並不老實!


最後三段解釋Dine Around的條款:

其一是需要提早預約。個人經驗,我是到埗後直接向餐廳預約的,可能當時酒店剛營業,客人未算多
其二是每位客人有40美元可於餐廳的菜譜內任選食物,不超過40美元的話無需額外付款,也可選擇當天的三道菜廚師推介。個人經驗,三道菜的廚師推介較"抵食",因40美元不足以在菜譜中選三道菜。



末段提到選Half Board的話,到阿拉伯餐廳用膳會有20美元的experience surcharge體驗收費。




 
到上圖的all-inclusive:每日可到Oceans享用自助早餐,也可到Oceans享用自助午餐及晚餐。然後可以到viu bar享用mid-morning的糕點小吃和咖啡/茶。Open bar service(即餐飲服務)可到酒店的三間bars享用,由每日早上11時至晚上11時供應。當中waves pool bar的餐飲供應由早上10是至下午6時。餐飲包括甚麼不在此翻譯,到達後請自行查詢,各餐廳及barsdrink list已清楚以符號註明哪些需要額外付款。

下午3:30-4:30時段,可到viu bar享用下午茶,有美點、三文治及咖啡供應。晚上6:30-7:30viu bar有日落派對舉行,有法式小點供應。個人經驗,viu bar供應小吃的三個時段──mid-morningafternoon teasundowners canapes,每次都並非準時開始,因此準時到達的blog友們如未見有小吃供應,請別失望,等一會就會擺放出來。

最後到
Dine Around(意即可任意到任何餐廳用膳),那是酒店免費送給客人的禮遇,因此內文以gift來表示。假若香港的旅行社要求blog友們加錢才能到其它餐廳進餐的話,那家旅行社並不老實!

上圖最後兩段解釋
Dine Around的條款:
其一是需要提早預約。個人經驗,我是到埗後直接向餐廳預約的,可能當時酒店剛營業,客人未算多
其二是每位客人有40美元可於餐廳的菜譜內任選食物,不超過40美元的話無需額外付款,也可選擇當天的三道菜廚師推介。個人經驗,三道菜的廚師推介較"抵食",因40美元不足以在菜譜中選三道菜。


特別值得一提的是:選all-inclusive的顧客到阿拉伯餐廳用膳的話,不需要付20美元的experience surcharge。所以選all-inclusive的我們,在四月初前往之時,是非常希望光顧阿拉伯餐廳的,可惜當時阿拉伯餐廳尚未營業!


簡單作一總結:
不論是half board還是all-inclusive supplement,都可任選餐廳,因那是酒店送給顧客的禮遇。

Half Boardall-inclusive的主要分別在於用餐數目──Half board只包兩餐,後者卻可吃足六餐(其中三餐只提供小吃),詳見下表。


飲品方面:half board只限用餐時段於該餐廳享用飲品。All-inclusive卻可於12小時內在任何一間bar無限次享用飲品。

先在此聲明我也只是這家酒店的顧客而已,看來已代回覆得太多,重申往後不再回覆有關酒店餐飲的疑問,因所知的在「馬爾代夫美食篇」和這篇已一一告知了,大家仔細查看自會找到答案。

到馬爾代夫Centara Ras Fushi目錄篇

到Venus遊世界總目錄

您可能會對以下博文感興趣:

巴黎鐵塔
巴黎遇小偷記2013
峉里
峉里2010
網購
網上購物樂
conrad macau
澳門康萊德酒店


13 則留言:

  1. Venus.........真係想比無限讚比你
    除左回覆得快之外 , 仲有解釋得非常全面 , 真心感謝你 !!
    ^^....呢幾日麻煩到你 , 要你解答我咁多問題 , 真係唔好意思 !!
    [版主回覆07/20/2013 15:58:04]嘩, 冇收過無限讚咁勁bor, 多謝多謝
    我都要講聲唔好意思, 完全冇覺得您煩呀, 我係嬲嬲地d旅行社好唔pro, 因為之前有位blog友同您個case差唔多, 都係旅行社搞到d餐飲資料亂晒! 佢地開得門賺錢, 可唔可以俾d專業操守, 刨熟份資料, 佢地有完全o既責任去清楚解釋俾d客知, 但佢地反而create麻煩, 搞到d資料亂晒。
    老公見我bi li ba la火火地, 話可能旅行社d人英文唔掂睇唔明, 佢地都唔想, 但我覺得唔係囉, 咁大間旅行社, d資料o既英文亦唔深, A唔識睇可以搵B睇, 我覺得根本係粗心大意o既錯誤, 睇完第一句可能已經冇再仔細地睇埋落去。大佬, 打開門做生意, 錢又識賺, 唔好咁離譜嘛
    所以千萬唔好誤會, 我完全冇覺得您或其他網友麻煩, 只係嬲某d旅行社好唔專業
    最後, 希望您揀到喜歡o既房種啦, happy and safe trip呀

    回覆刪除
  2. VENUS 姐姐~~~你哩個add on 係超級無比敵正. 我都因為你哩個blog 而報左centara ras fushi做我同我老婆既honeymoon,過程中都發覺好多旅行社係攪唔清楚half-board,full-board 同all-inclusive 既分別 (尤其full-board 同 all-inclusive 之間).
    [版主回覆07/22/2013 02:50:49]要引用劉華金句: "今時今日咁o既服務態度點得架 ! "
    [chifai回覆07/22/2013 00:56:27]多謝姐姐~~~~其實我覺得唔係佢地應唔應該講比d 客知,而係正如你所諗既一樣------想收多d 錢擋客!!!!

    我重記得我報既時候都係出去貨比三家。睇完之後有d 真係得淡笑,就好似係最專業果間咁,佢可以係乜資料都唔比我,只係一條數,5日3夜,full board,最抵嫁啦.............如果唔係周圍睇過,上網搵過資料既,真係唔知價。 問佢full board 包乜嫁,“乜都包囉,有晒嫁啦,最抵嫁啦”........................


    果時真係想講一句........唔想做生意既不如你話比我知啦,唔好浪費大家時間
    (P.S.果日重要係平日,近正午時候去,成個場都冇咩人,我都可以擁有咁既服務態度............)
    [版主回覆07/21/2013 14:37:31]好在係姐姐唔係嬸嬸或者姨姨
    多謝晒chifai, 用得著就好喇, 咁寫得有價值呀
    full-board同all-inclusive搞唔清都情有可原, 但連half-board同all-inclusive d條款都唔刨清楚就好唔專業。我覺得d客唔清楚係應該o既, 旅行社應該解俾d客知, 唔應該麻煩d客自己搵答案
    祝您同您太太有個愉快難忘o既honeymoon呀

    回覆刪除
  3. 勁!如果有機會去,定必返嚟揾你。。。。啲資料。
    [版主回覆07/21/2013 14:37:33]我去南美都一定搵您呀

    回覆刪除
  4. thanks ar

    i aslo booked this resort for honey moon trip in coming NOV ^^

    i through agent travel channel , the service ok wor ,explain the package very clearly & nice not hard sell^^
    [版主回覆07/22/2013 02:45:34]Thanks for the recommendations from chifai
    As I'm the unpaid spokesman for the hotel, vicki may visit the comments on the finale of my maldives' travel blog to get a brief idea of spa and excursions
    [chifai回覆07/22/2013 00:59:44]Although you find a great agent, but still better for you to send an email to the hotel for details about spa and dive activity.

    Wishing you a happy trip too~~~~
    [版主回覆07/21/2013 23:32:47]There's a black sheep in every flock, right?
    you are so lucky to find a professional travel agent
    wishing you a happy trip

    回覆刪除
  5. 解釋得好詳細~~~~勁~~~~~
    你呢次係第一次去馬爾代夫?
    [小t回覆07/25/2013 19:50:39]俾我都會啦~~~我都未去過呀~~我以前都幾想去...但唔知點解年紀越大....越無衝勁去......
    咁佢做得你生意就要解答你疑難啦~
    [版主回覆07/24/2013 21:39:39]係呀, 我係第一次去馬代咋, 所以打爛沙盆問到篤, 搞到酒店工作人員都怕左我, 呵呵呵呵

    回覆刪除
  6. 好詳細
    [版主回覆07/24/2013 23:32:02]係呀, 希望有blog友用得著啦

    回覆刪除
  7. 嘩,解釋得好清楚,勁!
    我覺得你可以出本馬爾代夫旅行書呀! ^0^
    [版主回覆07/26/2013 21:59:17]多謝琪琪
    唔得啦, 馬代n咁多個間resort, 我只係去過呢間咋

    回覆刪除
  8. Venus,你好!你寫得真好啊!
    我和家人有老有嫩將會到Centara Ras Fushi ,請問有沒有救生衣免費供應呢!
    [版主回覆08/04/2013 19:37:42]老人家落水千萬要小心,水流好急,要好用力先游得番villa, 祝旅程愉快呀
    [版主回覆08/04/2013 19:35:47]多謝晒呀,有blog友用得著就好喇。房入面有救生衣架,免費

    回覆刪除
  9. 馬代係靚, 但食方面真係好唔抵, 亦少選擇, 如果揀左個冇啖好食的resort就真係慘
    [版主回覆08/21/2013 01:50:06]去馬代, 食真係好緊要

    回覆刪除
  10. 四月看過妳的介紹後已即時搵旅行社安排8月行程,我和太太後日出發到這酒店,多謝妳的寶貴資訊...
    [版主回覆08/22/2013 23:34:53]咦, 唔係我bor, 我冇寫俾tips呀
    不過旅程愉快就好喇
    [Lucy回覆08/22/2013 21:22:22]今晚七時返到屋企喇,8日的旅程,5日Maldives和3日曼谷,算係唔錯,而Centara的員工服務和環境算是滿意,亦聽妳講換了一百張US$1的紙幣作各式各樣的小費(俾既開心、收既開心),唯一缺點是烏蠅較多,遲d寫番個report先...
    [版主回覆08/21/2013 01:53:10]唔洗客氣, 不過呢間新酒店做野都係有少少甩漏, 希望您個旅程愉快啦
    咦, 我今日剛番到香港, 可能我地同一日o係機場出現bor

    回覆刪除
  11. 請問可以係邊到換到US$1美金?問了銀行,回覆沒有小面額換?

    回覆刪除
    回覆
    1. 教俾1蚊美金tips的唔係我, 我覺得人家開杯飲品就俾tips, 搬個行李俾tips, 友善地答一兩句又俾tips, 感覺唔係咁尊重。雖然我唔知d員工會唔會覺得1蚊美金已經足夠, 佢地唔會介意, 但以心為心, 如果我去服務個客, 我答佢一兩句野, 係我份內工作, 冇話做得特別好, 但個客無啦啦俾1蚊tips我, 我諗我會把火到想用o黎掟番佢!
      但我認為有侍應serve好滿意o既一餐, o係餐後可以夾4-5蚊美金以示欣賞服務。或者第二日執完房後好滿意, 咁第三日放定幾蚊美金o係床頭, 留張有欣賞字句o既紙條。我會選擇咁樣做, 好似對人尊重d, 好怕好似暴發戶咁, 人家做少少野就派錢, 純粹個人觀感。

      刪除