2014年10月12日 星期日

朗廷酒店美岸海鮮廳 The Bostonian



懶寫食評的我能夠的起心肝筆耕是因為在開飯網頁有半價優惠券提供,適用於星期一至四晚市,推廣期至11月尾,半價後每位300元,需注意加一是加原價的一,即每位360元才對。以酒店餐廳的晚餐價格來說,可算抵食,加上食物、環境上佳,故推薦給Blog友們。


尖沙咀朗廷酒店就在北京道,海港城商場正對面,交通便捷,晚飯提供三小時免費泊車。

bostonian

餐廳在酒店地庫,環境比想像中好,怪不得餐廳獲得了本年度Restaurant WeekThe Best Hotel Restaurant的殊榮,而我也是因為Restaurant Week而認識這家餐廳的。尖沙咀區酒店、食肆林立,之前真的未有留意到這家餐廳呢!

半價menu如圖(可按圖放大):

朗廷酒店

三款麵包都非常好吃,尤其是放於中間的水欖麵包。


丈夫和我都選了半打生蠔,由於餐廳的入口有個蠔吧,我們都以為可以自選特定價格的生蠔。原來我們想多了,餐廳已經set好,當日選用法國的Fine de claire,蠔身未算肥美,不過入口新鮮順滑,可算作不過不失。



主菜選了澳洲穀治牛配上煎鴨肝,鴨肝煎得恰到好處。牛扒可選Tenderloin或Sirloin,我們都選了Tenderloin,不論是我點的medium,還是丈夫點的medium well都腍滑易切,果然夠Tender呢,讚!




然後送上黑松露薯條,可無限量添加,我們添了一次,水準不太穩定,第一盤沒有松露香,薯條看上去已變軟身,相信不是新鮮炸起的。

美岸海鮮廳

第二盤充滿松露香,從其熱力和香脆度也感受到是新鮮炸起的,超讚!



甜品是心太軟配Vanilla雪糕,嗜甜的我很容易將甜品評為好吃,但這個真的普通到沒話說,此外上桌時雪糕底部已見溶化。

美岸餐廳

晚一點有歌唱表演,愛靜的我只喜歡靜靜地享受一頓美食,幸好她未開聲,我們已結賬準備離開。


總的來說,地點方便、食物中上、環境中上、價格合理,實屬回頭之選,已預約了再次光顧呢!

補回另一次光顧的牛扒相片,今回丈夫點了sirloin,我如舊點了較嫩滑的tenderloin。其實sirloin在正常的餐牌中是較便宜的,現在這套餐的價格一樣理應點tenderloin較"抵食",惟丈夫嫌上回tenderloin的牛味不足,於是今回試試sirloin,我也試了幾口,牛味的確較濃,份量也較多,惟當然不及tenderloin嫩滑,那要因應Blog友們的個人口味了。





食評目錄


11 則留言:

  1. 妳哩個set dinner超抵,
    水準好好!
    前晚去咗佢地嘅海鮮自助餐,好豐富,
    超正!
    不過價錢要$598/仲未計加一

    回覆刪除
    回覆
    1. 係呀, 抵食, 塊扒好得!
      海鮮自助餐應該係貴得有道理呀 ^^

      刪除
    2. 係喎, 路霸兄, 之前您留言介紹我去sheraton天寶閣食, 我食過兩次晚餐同中午飲過幾次茶喇, 真係ok呀, 只係懶寫, 所以未出過blog。路霸兄真係冇介紹錯呀, 所以我諗bostonian個海鮮自助餐應該好ok, 要搵次試下 ^.*

      刪除
    3. 唔使客氣!
      好嘢大家分享一下啫。

      刪除
  2. 好吸引, 唔知約唔約到人去

    回覆刪除
    回覆
    1. 唔緊要, 有時間, 至11月27號呀, 一定約到 ^.*

      刪除
  3. Venus, 廣東道重開返未???今年都唔知有無聖誕燈飾.

    回覆刪除
    回覆
    1. 廣東道只係佔左幾日, 已經清左喇 ^^

      刪除
  4. 你地個澳洲穀治牛配上煎鴨肝超吸引~~ *v*
    不過我唔食生蠔架,個餐係咪包咗架?

    回覆刪除
    回覆
    1. 唔怕唔怕, 有得揀, 生蠔同龍蝦帶子湯只能夠二選一, 其實我另一次去都想試下個湯, 但最後覺得食蠔抵d, 所以都係揀番蠔

      刪除
    2. 噢, 個優惠明明做到11月27號架, 但我剛剛click入優惠券條link度睇, 竟然見到「已額滿」! 咁都得?! 都未到原定o既限期, 幾時有"額"呢家野架?!

      刪除