2015年12月9日 星期三

極地郵輪MS Fram前進號


2015年北極三島郵輪之旅和2016年的南極郵輪同樣選乘了Hurtigruten船公司旗下的同一艘郵輪--MS Fram/MV Fram/前進號,那就正好將此文貼到北極和南極的目錄去,本篇相片全都攝於2015年9月那次北極旅程。



兩次旅程合共在這郵輪上歷經了30天,實在懷念這個帶我遊遍極北和極南的家!


三度選乘Hurtigruten船公司的郵輪,第一次是挪威海岸航線,乘搭另一艘船,就是那次對這家船公司留下好印象。

Hurtigruten的郵輪說不上豪華,只可說是舒適,我喜歡用「務實」來形容它。參加郵輪旅遊,有兩樣東西我是比較看重的,其一是報名、查詢和付款是否夠方便;其二是船上的衛生狀況。尤其第一項,當你試過有些船公司還停留在咸豐年代,要打長途電話報名,付款只接受電匯,先進一點的可用電郵查詢,惟回覆龜速,報名要在電郵附件中列印報名表,填好、掃描好再以電郵送回,麻煩得過份,那樣你會自然地選擇最方便的一家。老實說,兩次極地遊的航線規劃和活動安排是不難發現這家船公司的不足,只因個人比較急性子,貪其報名方便,因此一而再選擇了它。


Hurtigruten可直接於網上報名,遇有問題可即時找到專人回覆,這是最叫人驚喜的,見上圖,付款可使用信用卡且不額外收手續費,因此我還是選擇了它!


近兩次極地遊所乘的是HurtigrutenExplorer Cruise──MS FramMV Fram,中譯前進號MSMV是船種的簡稱,代表Motor ShipMotor VesselFramforward的意思。




MS Fram有八個樓層,當中經常到訪的有四樓和七樓的設施,還有五樓、七樓和八樓的甲板。


先來四樓,前台、活動報名處、告示板、講堂、餐廳、店舖等全都在四樓,可謂每日必經無數次之地,去圖。









四樓大堂




放有不少砌圖和紙牌遊戲讓客人自行取用,閒時路過也會在這裡貢獻幾塊砌圖呢!





兩個講堂



講堂外的告示板




郵輪上的唯一店舖,部份貨品價格相宜,也會不定時推特價貨品,不妨逛逛。



茶水間,免費供應茶包熱飲。經常在這沖泡茶包和蜜糖水,還有上圖那部粉紅色標示的朱古力熱飲機,泡出來的熱朱古力非常香濃,每回都要逃避它的呼喚,否則一定肥十磅落船!








郵輪上的唯一餐廳,三餐必到之地,食物水準不高,丈夫有些微言,我卻並不介意,味道不好就可吃少一點。


餐廳的飲品價格不算過份,我間中會很想喝汽水,只NOK19,想喝就不用猶豫了!


電腦室,牆上有小牌寫著因上網要使用人造衛星,費用高昂,因此不設免費上網。

除了住套房suite的貴客會獲贈wifi,其他乘客需自行到前台購買,只可於四樓大堂和七樓休息室使用。半小時收費NOK401小時NOK602小時NOK1206小時NOK 200,可分段使用,每回登入開始計時,離開謹記登出,那麼剩餘的可留待之後再用。總的來說,收發whatsapp尚算暢順,惟上載相片到臉書則慢得非常利害。










上數圖是七樓Observation Lounge,差不多每天的下午茶時段都會上來吃茶點,也是觀景的好去處。





同在七樓的健身室,間中會上來打乒乓球。


再上一層是桑拿房,未有使用過,也沒進去拍照,只拍了桑拿房外的一列儲物櫃。


然後介紹五樓、七樓和八樓的甲板,是喜歡拍照的我經常流連的地方。極地的風相當凜冽,但出塵的景觀叫人迷醉。


五樓甲板





七樓甲板







有攝影隊在玩航拍



九月中的清晨,甲板鋪了雪霜,很美啊!


七樓健身室外頭有兩個按摩池,是拍照的好對象,不過沒有興趣使用。

八樓甲板





介紹一下房間


房間通道



在porthole處看過鯨魚、看過極光,雖只小小一扇窗,卻可窺見外面的世界,所以不會考慮內艙房呢!


普通外艙房Polar Outside Cabin,空間不多,但整潔衛生,每天有員工打理執拾兩次。

二樓




登岸前後的更衣處


排隊登上快艇




返回郵輪時的洗濯設備和熱飲

六樓


駕駛艙





十分惦念這個海上的家,尤其想念在甲板上看過動人的日落、雄偉的冰川、璀璨的極光和星空,還見到一些極地動物的生態,這一切一切,在寫遊記時可以再走一遍了\(^0^)/


北極三島郵輪極光2015目錄頁


南極郵輪、阿根廷、巴西伊瓜蘇2016目錄頁


「Venus遊世界」總目錄


您可能會對以下博文感興趣:
北美極光 挪威極光 新西蘭南島 白馬極光
航機上偶遇極光
挪威實現極光夢
新西蘭南島
加拿大白馬極光


11 則留言:

  1. 十分詳盡的介紹,極地遊覧我都有興趣,天朗氣清,但郵輪好需要耐性,我哩環最弱。

    回覆刪除
    回覆
    1. 其實大部份日子都忙o既, 係有兩日齋o係海上航行就比較hea, 不過極地遊都可以唔搭郵輪, 搵番適合自己o既方式玩得最開心 :)

      刪除
  2. 我其實好怕搭郵輪...因為始終長期係海上..有d唔實在既感覺~加上怕悶~
    不過食飯哥度好靚~可以望海食....但係你又話船上間餐廳麻麻地好食就真係....成兩個禮拜喎~
    可以入駕駛室影相架??
    好開心開始有極地遊睇~~~~~~~~~~~~~~~~~~~~

    回覆刪除
    回覆
    1. 可能我本身係好悶o既人, 所以覺得郵輪唔悶呀, 但係易暈浪o既就唔太適合, 否則唔舒服會冇咁盡興。
      間餐廳o既食物水準真係麻麻, 勝在每日食4餐, 咁就算唔多o岩口味都唔怕餓親。我鍾意咁呀, 如果太好食呢, 我個人又為食喎, 要忍住唔食咁多仲痛苦, 宜家食少少識自動停, 幾好 ^^
      係呀, 可以報名參觀駕駛室

      刪除
  3. 唔錯喎隻船,五臟俱全啦,個Gym room好似幾大,甲板上的風景一定很美!!!!
    丈夫有微言===>唔驚啦返來HK咪同佢去食多啲好嘢補數囉^^

    回覆刪除
    回覆
    1. 係呀, 叫做乜都有, 同埋最緊要乾淨企理。
      係, 甲板d景真係超靚, 有靚景就唔覺凍, 有幾次原來吹左成個鐘頭風, 當時得零度左右, 老公發覺唔見左我咁耐, 初時話影一陣, 去甲板睇我凍僵左未 ^0^
      嘻嘻, 男人邊洗理架, 我諗大部份生意都係搞掂個女人就得架喇。同埋年紀大左, 宜家食野都好節制, 係為左健康遠多過為左體重

      刪除
  4. 好詳細介紹喎Venus~
    期待已久既遊記終於寫了~

    回覆刪除
  5. 無論郵輪房或酒店房, 總要有窗, 就算開不到, 也有陽光透入, 可以殺殺箘呀

    這般大風, 玩航拍, 哈哈哈, 隨時一放收不回呀.

    回覆刪除
    回覆
    1. 都o岩, 我又冇諗呢樣野喎, 純粹諗住知道出面做緊乜, 睇幾時要出甲板影相 :)
      剛開船未算好大風, 都收得番

      刪除
  6. 其實呢間郵輪都算唔錯, 房間都算整潔啦!! 如果D野食唔好食, 有冇人帶杯麵上船? 就好似係飛機上一食杯麵, 個個都被香味弄醒.

    回覆刪除