2015年12月26日 星期六

Day 4—Reykjanes半島及首都Reykjavik雷克雅未克


聖誕剛過,新年將至,預祝各位新年快樂、身體健康!

續冰島旅程


上回提到這天下午一時需回到首都還車,惟下午四時至六時才可登上郵輪。


早餐時候得見藍天,令今天的旅程充滿希望,我們決定如天氣許可就多租一日車,免得白白浪費數小時。

當初發現租車兩天不夠用時,曾以電郵向租車公司查詢可否加租幾小時,惟對方回覆只要還車時間比原定的超逾一小時即會多計一天車租。



V11 apartmentVoluas11號)外放有不少建材,看來剛完成內部裝修就馬上放租。



本打算禮貌地找屋主還匙,惟按了一次門鈴無人下來,原本泊於我們車旁的屋主車也已駛走,只好將鎖匙放於枱上便關門離開。


開始行程之時,微雨,無奈!向Reykjanes方向走,今天的景點全都位於這個半島上。



原定的首個景點是一個sea cliff,車子未能駛進,必須步行一段路,見下兩圖,相信是沿著石堆一直走至海邊,我們見路途遙遠,決定放棄這個景點。



下一個景點是Bridge between continents,顧名思義就是這度橋橫跨兩個洲,這種景點與地熱類一樣,都是冰島常見的,例如著名的平格費利爾國家公園也是看板塊的。


下圖是從停車場步往橋的路上。




停車場那方是歐亞板塊,即上圖,過橋後就是北美板塊。從歐洲走到北美,不用30秒就可以了!



站在橋上,徘徊於歐洲與北美之間。上圖左方是歐亞板塊;右方是北美板塊。

 到達北美



冰島正正位於北美和歐亞板塊的交界處,見下圖,因此火山活動頻繁活躍。


本想走到橋下拍照,可惜雨漸頻密,只好離開。長路走了一半,雨勢傾盤而下,拔足跑回車上外套全濕,真是應該穿著有帽防水外衣的!




發車駛到地熱區Gunnuhver,場內有多條小路觀看泥漿池和硫氣孔,還有燈塔。


噴發力十足











下車時微雨,逛了不久雨勢漸大,為怕弄濕相機,我將它掛在頸項藏進羽絨服內,終於發現娃娃裙款的好處了!



續沿425號公路走,在觀景處拍拍冰島西南面的海岸,其中一邊天空轉晴了!



一起聽聽海風吧!


425號公路上,原想到Brimketill,有一條爛地小路直通往大海方向,沿路非常顛簸,大大小小石頭加上水窿,越走越怕途中車子或輪軚有甚麼閃失會趕不及上船,只好以多手軚調頭返回公路。

路過Grindavik鎮,下車拍藍天和教堂。此時大約中午十二時,假若決定依時還車的話,需要返回首都了。






廣闊的天空剛巧呈現出半個漂亮的藍天,當然繼續遊覽囉,yeahgogogo

Blue Lagoon藍湖,又是每次來冰島必到之地!


只十分鐘,天色又變回灰暗。

今回在店內試盡通往三樓天台的玻璃門,惜全都上了鎖。從二樓望上去,似是有工程在進行,因此只能從二樓這個較侷限的角度拍攝藍湖溫泉,見上圖。









到場外拍攝,九月的遊人明顯較八月少,有段時間只有丈夫和我倆。

一貫大風,頭髮亂了、腦袋傻了,在幻想給我一部小提琴的話,站在這橋上隨風拉奏,實在有型啊!


軟綿綿的植被

第一次在旅程中帶備自拍神棍,拍了好多張,頭髮全都亂到一定程度,連髮界都消失了,這張難得沒被頭髮遮臉,看來也不狼狽,喜歡!

離開藍湖返回Grindavik鎮入油,在觀景處眺望小鎮,雨又來了!


汽油只剩約四份一,從公路轉入即見N1油站。本想找Olis,因那家拿起油槍就能入油,最為方便。惟我們下午要回首都上船check-in,遊覽時間不多,於是丈夫說N1算了。

一如所料,油槍是上了鎖的,丈夫叫我到店內請工作人員開油槍,記得2009年時是可以用這個方法的,那就不用買油咭,入多少付多少。

進店請工作人員幫忙開一號油槍,表示入油後進來付款。可沒預料在冰島會見到這樣狡猾的面孔──眼神閃縮、笑容不懷好意!他回說必須買油咭,還從櫃台步出,說看看我的車子有甚麼需要幫忙,我未待他說完即轉身急步往門口轉告丈夫。



丈夫以信用咭購買ISK5000(約港幣300)面值的油咭,對方卻只給他一張ISK3000的,發現面值出錯,丈夫即時叫他更換,對方卻沒有半分歉意,分明是存心的,馬上提提要檢查過數銀碼,丈夫說見他古古惑惑,已經查看過了。中國人是世界上最醒目的民族,選擇欺騙我們,傻的嗎?!


427號公路上的風光





轉入42號公路,再轉入不知名小路,到達建於1857年的教堂Krysuvikurkirkja63° 52' 5.37" N  22° 3' 42.98" W),與網上照片有差異,那究竟是教堂還是茅厠?!心中有一萬個問號!介紹牌後方就只有這間建築!由於草地上有很多羊便便,因此我們都沒有走進「教堂」查看。



走進這條小路的唯一好處是兩旁皆有可愛"羊咩咩",真想挾走牠們帶回香港,很可愛啊,抱著牠們一定很溫暖!






回到42號公路,走到Graenavatn觀景處,雨又來了!





Krysuvik地區的Seltun地熱區,2013年到訪過,這裡硫磺味非常重。













行人步道與高溫泉水近在咫尺。

相信再來多十遍,我還是不會走到山頂那個冒煙處看,真羨慕那些遊人的好身手!

仍然是位於42號公路上的景點--Kleifarvatn,是Reykjanes半島上最大的湖,沿湖有多個觀景點。











到達最後一個Kleifarvatn的觀景點,雨勢相當大。原來已接近下午四時,我們也應該回首都準備登上郵輪了。



42號公路Kleifarvatn北向的路段要當心駕駛,部份為爛地、部份極為狹窄,沿湖那邊不設欄杆甚或反光板,有日照還可以,入夜不建議駕駛這路段。

約四時半回到首都,見MS Fram已泊進碼頭。4時至6時正好是check-in時間,為免還車後要自行搬行李,當然是上船放低行李才往還車。


Check-in時會獲派一張房咭,船上所有消費和進出郵輪必須"嘟"咭記錄。

取房後放好行李便離船,將車子駛往入油。



然後駛到位於VatnsmyrarvegurBudget分公司還車。


這天走了135公里。除了抵達冰島首天在發癲狂風下駕駛,覺得有點累、有點危險外,其餘時間不論晴雨,我還是十分享受馳騁於冰島的土地上,未知下次將會是多少年後呢?

還車後請職員接載我們到火箭教堂
Hallgrimskirkja,再匆匆一瞥首都景點。

火箭教堂為全冰島最具規模的教堂,總覺得它的雄偉外觀應該配合華麗的室內裝潢,可事實卻非如此,內裡平實非常。



雖非十分大型的管風琴,卻系出德國工匠。

從教堂步出,見到辦事穩健的丈夫在袋中掏出地圖,心底欣賞他的準備工夫,口中卻取笑他走了那麼多遍還要看地圖,我豪氣地說:「跟著我走就是,從來走過一次的路都認得,何況這裡已走過多次(之前兩次旅遊均曾住過市內)。」人就是這樣,懂看地圖的都不會認路;有方向感的都不大懂看地圖。






明明返回船上就是晚飯時間,丈夫還是想吃這家店子的熱狗,他說這是到冰島的指定動作。

到達海旁,外型優美的Harpa









回到郵輪




晚上五時半已可到餐廳晚飯,自助餐形式,以第一天吃得最多,幸好食物質素一般,往後只吃半碟,否則兩星期下去真是不堪設想。




飯後遞交medical certificate予駐船醫生,然後往取外套,他們叫作expedition jacket(喜歡這個無限作大的美名),是船公司送贈的,不算瘦的我竟然穿XXS,衣服的肩膊位還是有點寬,樂上一個晚上!

晚上七時半有安全演習,郵輪也開始離開雷克雅未克港口。惟演習超時,阻礙大家拍攝日落,聽到不少不滿聲音,演習後太陽已下山了!









節目還多著,在佈告板查看登島快艇分組。全船合共二百多人,分為八組,首三組為英語組、第四至第七組為德語組,第八組是國語組,由兩個內地團組成。我們被編入第一組,太好了,換言之第一次登島時,我們會是首先上岸的!



晚上八時四十五分,到Polhøgda演講室參與講座,內容是介紹郵輪明天抵達的Grundarfjordur的天氣、地理環境、景點和歷史等等。


節目還未有完,晚上九時許,在七樓的Observation Lounge有歡迎晚會舉行。



很累啊,回房後馬上梳洗睡覺,終於完成一天活動了!晚上昏睡過去,完全把極光拋諸腦後,丈夫說他久不久起來透過舷窗張望卻未有發現。


北極三島郵輪極光2015目錄頁

「Venus遊世界」總目錄


您可能會對以下博文感興趣:
格陵蘭 馬蹄灣 蘭薩羅特島 紐西蘭南島
格陵蘭海上美景
加拿大威士拿
加納利群島Lanzarote
新西蘭南島

25 則留言:

  1. 其實市區唔大, 地標都唔會成日改,又真係唔駛拎住地圖行. 我都認同你0個句: 懂看地圖的都不會認路. 成日低頭睇map再睇埋街名, 跟本睇地圖既人係好少會認路.

    回覆刪除
    回覆
    1. 唔..呢個問題真係要思考一下, 似係有雞先定有蛋先o既問題
      我成日以為佢地係認定左自己唔會認到路, 於是乎發展出睇地圖o既能力, 冇諗過係因為佢地太專注o係地圖度所以冇認路

      刪除
  2. 歐亞版塊條橋我無去呀⋯
    唔使唔捨得,你話去就去啦,冰島你已第三次了,hehe~
    咦,中國人是郵輪大戶噃~

    回覆刪除
    回覆
    1. 我第一次都冇去, 不過同平格費利爾一樣, 咪又係o個兩塊板, 唔去都冇損失 ^.*
      去咁密要搵合理藉口架嘛, 始終世界咁大
      唔洗講得遠, 就十年八年前, o個陣o係外地見到o既亞洲人多數都係日本人, 近年唔洗講, 一定係內地人

      刪除
  3. sea cliff個景點好神秘~~搞到我想睇下係點既~~
    原來有冰島人咁古惑...好彩你地睇到咋!!!!好奸!!!!!!
    北歐食魚都ok既~~~~~不過日日都係哥d就.....真係會瘦~
    咦~~你有無同另外兩個香港人相遇呀係郵輪上面~~

    回覆刪除
    回覆
    1. 妳可以按入個連結呀, 有相 :)
      咪囉, 破壞晒冰島形象! 不過呢個壞到出樣都易防
      宜家唔可以好似後生時大魚大肉, 宜家主要食健康野, 間中先可以食好味但唔太健康o既野。但郵輪上間餐廳, preserved肉啦, 煎煎炸炸啦, 西式粉麵撈埋驚膩你唔死o既醬啦, 連好地地三文魚都要整pat醬落去, 仲要唔好食, 所以真係唔想為左d唔好味o既野去嘥我quota。講真, 食左幾日之後, 好有衝動同個廚講唔洗搞咁多野, 乜都蒸左佢, 千祈唔好落醬, 咁我反而可以食多d
      有呀, 好易認出, 但最神奇係冇留contact, 但番到香港一排後o係商場見番其中一個喎, 世界真細小呢 ^^

      刪除
    2. 係喎我咁蠢既~~~原來係最邊邊位既~~~
      我真係好想睇下佢個樣有幾奸~~~奸到你倆一眼就睇到~~~~
      你講得岩~~~如果唔係體重會直線上升~~~如果唔係好食我都成日講:頂!!嘥左我個quota!!!依家到左咩都講quota既年紀(悲)......如果係我...我寧願食沙律算喇.....當減肥...我都好驚d野一大pat醬但pat醬又唔好食...
      下!!!!!咁都撞到?!?!?!確係利害!!!!!!

      刪除
    3. 客氣, 妳邊蠢^^
      呢個好易睇, 我肯定妳都睇得出!
      妳quota多過我 ^.*
      係呀, 明明世界好大, 竟然咁都見得番

      刪除
    4. 好心佢咁奸就深藏不露d啦...定係佢自己都唔覺~~
      梗唔係...我條士啤0太超厚實.....
      無錯~有緣囉~
      Happy new Year~~身體健康~

      刪除
    5. 嘻嘻, 佢道行唔夠, 定抑或呢種就係所謂o既相由心生!
      我諗少運動o既人大部份都會配備士啤呔, 遮得到就當冇啦 ^^
      唔..但我覺得自己o個次勁冇禮貌, 因為阿船友企定定同我打招呼, 我諗都有心傾幾句, 但我就行住同佢揮手冇停落o黎, 因為架車就夠鐘, 實在趕到甩褲, 都唔知對方會唔會嬲添 >.<
      多謝, 大家咁話, 都祝妳新年快樂、身體健康 ^0^

      刪除
  4. 那民宿外的建材, 是用來舖屋前車路的.

    這裡還匙, 大多都是放在房裡, 省得主人要來再招待客人.

    我在加國住久了, 變蠢了, 如果像那油站員這樣騙我, 我可能沒有察覺到.

    你們後來怎樣知道過了多少錢.

    冰島那裡的地貌, 很像黃石 JASPER BANFF 的, 不過冰島距離短, 開短時間, 就差不多看完所有地貌, 我這邊, 相距很大, 黃石和 JASPER相距, 15小時車程.

    回覆刪除
    回覆
    1. 係呀, 出面未整好, 屋主真係好急於搵錢 :)
      諗住禮貌d嘛, 佢之前o個晚冇講話會出去
      能夠生活o係一個可以蠢o既地方, 其實係幸福o既事呀! 成日keep住精明, keep住防人狀態好攰, 近年學識左要"熄機"架, o係d可信o既環境, 不妨蠢下吽下 ^^
      碌咭嘛, 有張receipt, 睇佢有冇專登碌錯銀碼
      美洲地大, 係歐洲o既放大版, 真係好想去黃石見識下

      刪除
    2. 快D去黃石公園, 真係好靚, 還有大峽谷和周圍10小時車程的國家公園, 包保一定不比冰島差.

      刪除
  5. 好彩你地唔係拎特區護照,如果唔係編左你地去中國人組

    回覆刪除
    回覆
    1. 我係拎特區架, 好用喎, 大把地方免簽, 本來諗住去南美申請番BNO, 諗諗下阿根廷同英國唔o岩架喎, 所以都會用番特區。
      船上冇工作人員識國語, 都係其中一團o既領隊做番翻譯, 所以我地一定去唔到國語組, 個領隊都係serve番佢自己團d客

      刪除
    2. 我拎特區護照, 佢係寫我CHN, 我地編左入英文組, 因為全船說只係得我地4個CHINESE.

      刪除
    3. 係呀, 我張房咭上面個nationality都印左CHN, 跟護照嘛。
      船上d職員冇人識國語, 相信就算有內地人自己散報都係會入英語組。
      其實我好憎睇唔起特區護照o個d人, 次次o係forum見到即走, 費事睇到把火

      刪除
  6. 真喺大風吹到頭都甩,
    其實冰島地下好高溫,溫泉又多,若可以有時間浸下都正,
    遊人太少四點無人喺好寧靜,個人覺得有時都喺無乜氣氛,
    船上有普通話講解好細心,識做生意,有啲人覺得國內人麻煩,
    但基於業務上來講,無咗哩班大客,歐洲旅遊業好難生存,
    最近芬蘭的聖誕老人村面臨財困,若關閉就喺好可惜。

    回覆刪除
    回覆
    1. 係啦, 好大風
      都係, 但要帶衫換衫都係煩, 所以之前浸過就算lu
      嘻嘻, 我自閉架, 鍾意靜鍾意冇乜人 ^^
      冇呀, 船上冇工作人員識國語, 國語組係來自兩個內地團, 由其中一團o既領隊做翻譯。觀察所得, 佢地都唔算特別麻煩, 只係有三幾個較粗豪較冇禮貌, 大多數都斯文o既。

      刪除
  7. 好彩你地夠眉精眼企,才無畀人呃.....
    原來都幾多德國人去冰島cruise喎,同埋竟然有普通話組真係好犀利,反而唔見有日本人呢?
    另外果兩個HK人有冇成為你地朋友?

    回覆刪除
    回覆
    1. 老公錢銀方面超級精明, 我只係睇得出o個個人古惑咋
      係呀, 德語係最大戶。所謂普通話組其實係由內地團個領隊做翻譯, 船上d工作人員唔識國語。
      香港人同內地人個數字比個表顯示o既多, 因為有d係拎外國護照。船上有傾有講, 但我會驚人地唔知鍾唔鍾意keep contact, 所以冇主動問聯絡方法, 佢地都冇問我地。反而內地人同外國人會主動問我地, 所以keep到聯絡

      刪除
  8. 祝願妳有個順利美好新的一年!!

    回覆刪除
    回覆
    1. 多謝路霸兄 ^0^
      我都祝您有個順利、愉快、健康o既新年!

      刪除