近況為粵語，遊記部份轉回書面語。
從來對天文、天象感興趣，加上好想做啲番工做唔到嘅嘢，於是琴日朝八點幾起身，車老公番工後，就去影日蝕喇！我呢啲專線司機冇乜地方可以去，諗過近近哋、唔洗塞嘅西九海濱長廊，但日出東方喎，西邊好似唔太適合，最後都係揀番尖咀海旁，太空館個觀測活動都喺度搞，包冇衰啦！
九點幾到，太陽失咗蹤，影住對面岸啲霧先。喺呢個時候，竟然聽到一把熟悉嘅聲音叫我，超驚喜呀，好朋友番工都嚟陪我，仲早到過我！明白冇任何情感係take it for
granted嘅，小事已經足夠感動。
好啦，睇番個太陽先，日偏食由8:05至9:57，我大約9:10到海旁，多雲大霧，過程中只喺雲罅見過太陽三次，每次都係秒速遮番，慢啲都影唔到。
報吓收穫：
9:37，食得好明顯
9:48，咁遠都仍然見到缺角
9:56，睇唔出有食到，已經好圓碌碌喇！
下次日蝕係2019年嘅Boxing Day，公眾假期喎，就算大家未必喺香港，只要唔係飛得太遠都有機會睇到，約定大家到時一齊睇！
續遊記
早餐後到甲板拍攝海上風光。
十時許郵輪到達Hekla Havn，expedition team members到岸上視察環境。
我們今回是尾二隊登岸，於是預時間先吃午飯。午飯後四處逛逛，見到下圖那幅我們有作出過貢獻的砌圖被其他船友完成了。是遺憾美嗎？缺了一塊啊！我們嘗試尋找失去的那一塊，可惜遍尋不獲呢！
在其它枱上，船友們還開了幾幅砌圖，我們閒時路過又會貢獻幾塊，這種感覺很warm，好像增加了船友間的連繫。
下午一時，到我們登岸了。Hekla Havn是一個位於Danmark Ø以南的避風港，岸上小屋由發現這兒的探險家在上世紀60年代建成。
格陵蘭是北極熊出沒之地，因此所有expedition team members都配備了槍枝。
郵輪啟航後，又到了甲板拍風景。
下午茶時間
回到甲板拍攝海冰和日落，幸好不大怕冷，航行中的郵輪總是吹著強風。
日落美景醉人，很喜歡下數圖。實景是美得就算甲板吹著十級風暴，只要人不被吹走，我還是會黏著甲板捨不得離開半步！
晚飯後期待極光出現，可惜整晚沒有傳來廣播。
郵輪將離開峽灣北上，下一站將是海上旅程，然後會抵達位於北緯73°29'的Myggbukta，待續
到北極三島郵輪極光2015目錄頁
到「Venus遊世界」總目錄
您可能會對以下博文感興趣:
 |
 |
 |
 |
Copyright © 2016 by Venus. All rights reserved.
你都好好彩呀，睇到又影到日蝕! 原來2019年的係12月26號，睇怕我冇咁神心出去睇了，今次係剛遇上工作日，嚮公司 set 望遠鏡睇。
回覆刪除我地都有玩砌圖，但唔敢玩過千塊的，怕霸左人地張檯嘛，但原來可以玩每人奉獻 :p.
我地玩500塊，玩極速完成，其他乘客都走黎8掛，我地變成船上景點呢 XDDD
都好感恩, 到嘅時候見啲雲密都咁, 諗住9成9睇唔到
刪除反而番工多咗個娛樂, 仲正喎!
都係喎, 唔知其他人點諗 :) 我見啲枱有晒邊, 好似為啲砌圖而設咁, 可能其它船友都係咁諗。但真係每船遇到唔同人就有唔同style, 南極嗰船都冇得玩接力砌圖lu
嘩, 500塊嘅極速係幾耐, 如果我同妳一船, 一定圍埋一堆湊熱鬧 ^.*
登岸後其實係咪四周圍都好靜,除了風聲就無其他聲音?
回覆刪除仲以為咁多雲霧一定睇唔到日蝕
刪除係呀, 好靜
刪除呢度都大地方, 連船友啲聲都唔多聽到 :)
係呀, 朋友話8點幾啲雲冇咁密, 自己晏起都冇辦法 >.< 我都打定輸數, 好在幾秒都好, 叫做睇到 ^^
刪除你都好好彩呀，睇到又影到日蝕!你係用咩 filter 影架?
回覆刪除我地都有玩砌圖呀，不過怕霸住張檯，就唔敢砌過千塊的(原來可以玩人人奉獻啊!)
我地玩500塊，玩極速完成囉，估唔到就成左船上另類景點 XDDDD 不過砌完先發覺少左一/兩塊喇 :p
係囉, 少咗一兩塊真係覺得有啲遺憾, 花咗咁多時間, 最後先發覺唔完整 >.<
刪除我反而喜歡第二幅, 有深灘, 有船有山
回覆刪除多謝欣賞^^ 我都鍾意嗰張個景, 但覺得色彩未夠豐富, 兩種唔同味道
刪除VENUS, 在這裡回你 前兩篇講開原住民女人和夜香男的話題, 我曾經接觸過後生的原住民, 本質上跟台灣山胞有點似, 出過去見過世面的, 都對我們外來人有點戒心, 怕我們看不起他們. 在你GL 那裡的原住民, 因為長期近親通婚和營食不良, 他們不單智商低, 而且還十分迷信, 到一個地步, 佢地好怕人拍佢地或一些當地物件的照, 怕會衝撞了他們在一切物件上的靈. 你有沒有發現, 你看到條街好少人, 可能原因是, 當郵輪一到, 他們不做遊客生意的人, 都躲在家中, 又或遊輪公司刻意給遊客一些特定點來行, 有些地方不讓遊客去到(只讓你們上岸幾小時)或知道, 你們就不會衝撞了當地人的聖物或靈了.
回覆刪除戒心係有嘅, 佢哋都唔會主動埋遊客身, 或者佢咃都覺得反正溝通唔到卦。但我會比較鍾意西邊城市Aasiaat、ilulissat啲居民, 個個都表現得好友善, 會微笑, 感受到佢哋嘅真誠; 東面呢批就只係得好奇嘅目光。
刪除至於迷信呢樣嘢就冇特別提過, 不過我諗落後地方加上教育水平低, 或多或少都有啲古怪嘢
我好佩服以前嘅探險家，在無乜資源情況下發掘這世界。所以現代人我覺得只是旅行，不是什麼"勇闖"
回覆刪除極地風光，真是百看不厭!
同意呀, 探險真係咪搞我! 至於"勇闖", 我覺得銀生你可以用喎, 我真係覺得你好勇! 終於等到完咗你個星馬遊記喇, 唔該快啲寫埋你個以我角度睇係勇闖非洲嘅驚險旅程, 要「唔洗急, 最緊要快」嗰種速度, 唔該!
刪除係, 從來都唔質疑極地嘅魅力, 至少我好著迷!
Venus小姐又玩我，唔寫比你睇!
刪除其實我又要寫亞洲另一個短線行程先呀! 要快D KO 佢再寫非洲!
攪攪吓我都想去南極，到時就去晒七大洲啦~
知啦, 寫緊印尼嘛, 我罷留言..一日啦!
刪除冇攪你, 你根本想去! 我feel到, 嘻嘻!
係架, 唔去南極係一定唔齊七大洲架! 你虛榮呀你, 我唔係因為呢個原因去架, 我真係鍾意極地架
係，你識我咁耐果然了解我，我壓制住自己啫，因為真的很貴，哈哈~
刪除虛榮，少少啦，但相信每個人去完北極，都總想去吓南極一看究竟嘅~
有啲人覺得南極係once in a life time experience, 所以記住喺bucket list有呢項就得喇 ^^
刪除"去完北極，都總想去吓南極一看究竟" <-同意 ^.*