2016年4月24日 星期日

Day 18極地郵輪尾站──朗伊爾城Longyearbyen及Svalbard Hotell



離船日,郵輪抵達終點站──Longyearbyen。一萬個不捨,要離開這個生活了十五日的家了!


早上起來,郵輪已泊進了朗伊爾城/長年城碼頭,早餐後到甲板拍攝,好一個寧靜而美麗的清晨。







身處世界上最北的城市,滿有站在天之涯的感覺,未知下回打破自己的最北紀錄會是何年、何地呢?在甲板發呆一會就回到現實,要回房打點行裝了。


普通外艙房就是如此狹小,不過五臟俱全、整潔衛生,每天有房務員打掃兩次。左方那度門通往洗手間;右方書桌旁未有入鏡的位置有個小衣櫃。


行李在前一晚已繫好標籤放到指定位置交由工作人員處理,我們在房內收拾好手提行李等候分批離船宣佈。


早上八時許,離船了,最後一次嘟咭,必定是臉上的不捨被工作人員看穿了,他對我說:「南極見!」我笑著點頭,沒想到數月後真的會搭乘Fram到南極呢!


下船後找回行李,等待工作人員安排上旅巴前往市中心。落船前數天需到前台購買這程接送,收費為每位NOK162


由發車到落車不消十分鐘,好一個極北小城。旅巴設兩站,首站為市中心,尾站為Radisson Blu Polar Hotel,我們下船前向前台工作人員查詢應在哪站下車,對方猶豫地答說:「尾站」,最後卻發現我們入住的酒店正正位於市中心站旁,相信因酒店太新,對方未有聽聞吧!幸好朗伊爾城不大,只耗廢了六、七分鐘腳力!



到達Svalbard Hotell,在這裡住上四晚,希望能夠遇上北極光。從來只有向北追尋極光,惟身處極高緯度的朗伊爾城,位置高於極光帶,需要向南追尋。朗伊爾城只小城一個,待上五日四夜未免太多,因此純粹是為了等候極光。




Svalbard Hotell為朗伊爾城最新落成的酒店,除了睡床面積較小及早餐要步行到附近餐廳稍嫌不便外,對環境、衛生情況及酒店位置均十分滿意。


酒店外的工程尚未完成




房間環境


房內那幅大窗的外望景致,見上圖。



遊客中心正正位於酒店旁


沿路就是市中心大街,全市最熱鬧的大街!呵呵,簡直是dream place,就是喜歡這些寧靜得要命的地方!






吃早餐的地方──Svalbar,食物選擇不多,卻有質素,滿意!


連麵包袋也要印上北緯78度,認著這款,超超超超超好味!超市也有出售,是每朝必吃之選。


酒店房內沒有雪櫃,其實身處極地何需雪櫃?九月下旬,朗伊爾城的氣溫徘徊在零度至零下幾度,只需將食物、飲品放進膠袋再掛到室外就可以了,聰明的房客製造出有趣的景象,每次返回酒店都喜歡望上兩眼!見上下兩圖。


回顧一下這段北極三島郵輪之旅所走過的路線:(本篇兩張地圖均取用自Hurtigruten贈予的光碟資料)



補上房間外望美景











今篇不記錄行程了,將另開篇章寫朗伊爾城景點,待續。


北極三島郵輪極光2015目錄頁


「Venus遊世界」總目錄


您可能會對以下博文感興趣:
加拿大白馬住宿 格陵蘭 英國租車 南極
加拿大白馬住宿
格陵蘭disko bay
英國租車及南岸
南美、南極資訊


Copyright © 2016 by Venus. All rights reserved.

22 則留言:

  1. 長旅程完結,真喺唔捨得,
    好靜極北小鎮,夏天都叫有人旅行,
    冬天唔知點樣?
    好開心...下次又去過。
    我只有當年畢業旅行,
    先可去咗19日咁長咋。

    回覆刪除
    回覆
    1. 勁唔捨得 >.<
      係呀, 由10月尾至2月初都冇日照, 有啲當地人都走, 更唔好話去旅遊喇
      日數長短唔係問題, 最緊要係去想去嘅地方, 同埋玩得開心 ^^

      刪除
  2. 我住左一晚 basecamp hotel, 嚮正 svalbar 對面, 夜一夜都係人聲嘻笑聲,嘈到瞓唔到,果一刻真係唔會覺得 longyearben 係個寧靜小鎮 XDDDD

    回覆刪除
    回覆
    1. basecamp hotel係好嘢嚟, 我都慕名入去行咗一轉, 真係好有特色!
      我記得嘈咗兩晚, 妳間酒店對到正實嘈到應, 我嗰邊就唔算好應聲。唔記得係星期五、六晚定六、日晚, 嘈到1am先停, 然後有群酒鬼行出嚟, 日頭反而靜蠅蠅

      刪除
    2. 好睇唔好住,窗簾遮唔貼個窗,我去果時係晝夜黎架嘛。
      房內又好有特式咁有個閣樓仔,閣樓仔有個開唔到既窗既,午夜 d 熱頭仲係好勁,咪變左個温室囉~~
      Book 果時係因為radisson 滿晒,所以先揀 basecamp

      刪除
    3. 原來如此, 我初時俾個trapper's lodge-style吸引咗, 係想book呢間架! book嗰陣radisson又係滿咗, basecamp剩番1間房, 望望啲資料話間房得10m2, 於是就book咗宜家呢間, 新酒店應該冇乜衰, 又大一倍, 斷呎計都抵嘛, 勁c9添, 呵呵呵呵, 原來係精明選擇! 但我入過basecamp個大堂同餐廳, 雖然地方唔大, 但係係看得出的高格調, 用料靚 ^.*

      刪除
    4. 哈哈, 咁basecamp 用D 沐浴洗頭野又抵比個LIKE 佢, 雖然唔知係咩牌子, 但從味道同用後感就知道有番咁上下.

      刪除
    5. 從呢啲細微嘢就可以見到間酒店係咪有質素 ^.*

      刪除
  3. 其他同船旅客如果不停留係咪就直接在這小城搭飛機返去挪威?
    又真係幾好喎有天然雪櫃^^

    回覆刪除
    回覆
    1. 係呀, 有啲直接去機場, 有一批澳洲人入市中心行一陣, 轉頭就上番同一部郵輪開始新一個旅程搭落bergen, 船公司真係好生意!
      係囉, 環保呀 ^^

      刪除
  4. 華~真係好唔捨得呢....話哂都住左係船咁多日~
    其實間酒店真係ok喎~~呢隻用木做主題加北極熊相真係不得了~~~不過張床真係細左dd.............

    回覆刪除
    回覆
    1. 係囉係囉, 係好唔捨得
      一貫北歐陳設, 又乾淨, 真係好ok呀! 我哋同啲鬼佬比細隻咁多都驚轉身會跌落床, 唔知大隻鬼點瞓 ;)

      刪除
    2. 北歐裝修我不嬲都buy!!夠簡潔!!
      咪囉~~就係奇怪北歐d人咁大隻點訓張床呀??
      我係真。相信早餐條包堅好食!!
      因為冰島d包都好好食!!

      刪除
    3. 小t冇理由呢個時間出現, 即刻走咗過妳嗰邊睇 >.< 妳要休息多啲呀!
      我驚跌落床, 所以拍番埋張床有安全感啲, 真係唔知大隻嘅點瞓 >.<
      係呀, 簡潔, 最重要係個衛生標準同香港差唔多甚至高過!
      唔止冰島, 挪威啲包都勁好食!! tromso嗰次啦, 同埋兩次郵輪(挪威船公司), 我都勁食包 ^^

      刪除
  5. 我這加燦享受了加國寧靜得要命的環境太久了, 耳裡不時發出雲雲聲嚮, 腦裡一片空白, 要久不久回來香港, 受著繁華嘈雜女人街/西洋菜街的聲線煎熬, 才可以獲得少許心理平衡. 呵呵呵....

    回覆刪除
    回覆
    1. Joseph好搞笑吓喎, 你中文都唔錯 ^0^
      喺香港要靜到雲雲聲, 我只係諗到有隔音設備嘅琴房, 有時冇人嘅lecture hall都得
      你住嗰度真係靜得咁誇張?! 唔係應該有雀聲, 風聲, 樹葉聲, 車聲..如果真係靜到雲雲聲, 係會有啲不安嘅, 開電視、播吓歌或者自己哼吓歌啦

      刪除
    2. 冬天時, 身在外邊只聽到風聲或車聲, 不會有雀聲和樹葉聲, 因為太凍, 雀仔全走了, 樹葉全落了.

      我常常上網咖, 或開燈來睡覺. 係屋企內, 真係可以聽到花灑水滴的聲音.

      刪除
    3. 嘻嘻, 咁記得嚟我個blog喎 ^^
      開燈瞓覺?! 喺屋企喎, 點解嘅?! 我喺酒店呢類陌生地方先會開燈瞓
      不如播吓啲輕音樂, 個人會relax啲, 唔洗聽水滴聲 ^.*

      刪除
    4. 最慘係連水滴聲都無, 因為關實左個水喉嘛.

      我唔知點解釋點解我要開燈睏, 可能係加國環境一片孤寂吧!

      刪除
    5. 嘻嘻, 人人習慣唔同, 係我8卦啫 :p
      聽吓音樂啦, 我係要用腦嘅時候先要靜, 有時執吓嘢或做啲唔洗用腦嘢嘅時候, 會播純音樂, 聽歌反而未必適合, 有時啲歌詞慘慘哋, 情緒會受影響

      刪除
  6. 原來去南極係坐同一船公司嘅~
    咁高緯度睇極光,掉返轉應該祈求佢極光指數弱才能睇到。我有無講錯?極地極光達人?

    回覆刪除
    回覆
    1. 係呀, 一路嫌唔夠好但又幫襯番呢間船公司囉^^ 講到報名, 查詢同俾錢嘅方便程度, 呢間暫時係無敵正
      唔好話達人, 大家都係望天打卦啫, 識同唔識其實冇大分別
      只係望嘅方向唔同, 因為極光帶根本冇咁北。唔..的確係指數低都有機睇到, 但幾時都係kp愈高愈好喎, 咁咪一樣可以喺向南嘅天空睇到好璀璨嘅極光囉 ^.*

      刪除