2016年6月16日 星期四

Day22 挪威奧斯陸、往返機場交通及酒店Comfort Hotel Grand Central



乘直航機歷經三小時機程就由夢想地回到人間,下午三時許飛抵挪威首都奧斯陸Oslo,我們會在奧斯陸住上兩晚始啟程返港。


取行李後即向機場快線Flytoget方向走,可記著不用走到櫃位查詢或意圖買票,否則會感受不到北歐那種先進和便捷。


只需拿出信用卡直接往機場快線的閘口處一刷,屏幕即顯示整條路線的站名,點按一下下車站,閘門即自動打開,交易完成。這提醒了我不要為離開極地而感到失落,這裡仍然是我喜歡的北歐啊!


來往奧斯陸機場的交通及收費



只二十分鐘就到達市中心,我們下榻的酒店就在中央火車站旁。


Comfort Hotel Grand Central原為舊火車站,擁過百年歷史,近年始活化成酒店。


tripadvisor看旅客評價時已知可從火車站直接進入酒店,惟入口處難找,果如網上描述。


需要找到上圖位置,然後一直步行到尾就可以見到酒店入口。



酒店入口對面就是遊客中心



我們被安排的房間在二樓,樓底出奇地高。雖然房間偏小,惟整潔討好,整體上仍感滿意。





房間外望歌劇院海景


一見到下圖,馬上想起洗澡途中燈光突然熄掉,相信是淋浴時間太長吧!叫了兩聲丈夫卻未有回應,漆黑中想起是感應燈來的,於是放下花灑往洗手盤方向走,也不知是哪個位置感應,只走了兩三步燈就亮起來。那究竟是先進的壞處還是好處呢?!


房間外走廊,保留舊火車站風味。


酒店大堂及餐廳







有見晚上七時才日落,趁著還有個多小時日照先走酒店附近的Akershus Fortress,那是對上一次遊奧斯陸時未參觀過的。




出發了,酒店外環境,見上數圖。從外觀看來,二樓的樓底要比三樓高,看來二樓是好東西來的,呵呵!



酒店旁就是新火車站的其中一個出口,還記得幾年前到來,有不少黑人聯群地聚集在火車站出口處,那環境氣氛讓人馬上提高警覺。現在的火車站出口已不復見疑似壞人聚集,相信經過整頓吧!




Akershus Fortress途中經過歌劇院,美景當前,無論丈夫怎樣叫也不願走,拍個不亦樂乎。這種柔和的光線、湛藍的天色、水色和倒影,不是很美嗎?







歌劇院玻璃上的峽灣與夕照倒影


站在歌劇院上回望酒店,廣場上那座白色建築就是,見上圖。






九月尾,約十度的氣溫伴著微風和美景,是十分寫意的黃昏漫步。




太陽已掉進建築背後,丈夫再次催促著說:「快入夜了,要到 Fortress了!」我忙說:「晚霞會更漂亮啊!」



一看就知是他穿不夠衣服,是冷了而不是夜了!從來只有我催促入夜要加快腳步的!



邊往阿克斯胡斯要塞Akershus Fortress方向走,邊回頭追拍晚霞,是粉紅色的,多麼漂亮!



峽灣旁的休憩處



阿克斯胡斯要塞及城堡Akershus FortressAkershusCastle建於中世紀,肩負著守護奧斯陸的責任,這裡在二戰前後曾作監獄用途。





到達Akershus Fortress,鐵門虛掩,入內發現空無一人,反正要塞部份是免費入場的,一場到來當然要四處逛逛。



不得了!原來這邊可以看到晚霞,天空都變成紫色了,美得太不真實了吧!惜被欄杆阻隔著,未能走到海旁拍攝。




夜色將至,要回程了。



今回遇上的是歌劇院動人的夜景和倒影,實在太喜歡這個漂亮的世界!




不一會回到酒店,看火車站裡外在入夜後仍然沒有壞人的蹤跡,真是整頓得很成功啊!








此時丈夫記起我們未吃晚飯,於是到商場逛逛,順道找食,酒店與火車站和幾個商場相連貫,大型超市也有兩間,可順道買些手信。














下篇續藍天下的奧斯陸


北極三島郵輪極光2015目錄頁


「Venus遊世界」總目錄


您可能會對以下博文感興趣:
墨爾本酒莊 溫哥華酒店 紐約中央公園 台北林口三井
墨爾本酒莊及農場
溫哥華酒店
紐約中央公園
台北林口三井outlet


Copyright © 2016 by Venus. All rights reserved.

17 則留言:

  1. 北國藍天, 跟我這裡一樣, 以前我登出來在香港網上, 真是沒有人相信我..... 都以為我造假

    回覆刪除
    回覆
    1. 唔緊要, 自己記得同享受嗰刻最緊要 ^^

      刪除
  2. 就咁用信用卡入閘又真係好方便,要大力推廣下^^
    客房樓底真係好高,可以打籃球XXXD
    果然是很美的晚霞,劇院的大斜坡設計也很特別呢

    回覆刪除
    回覆
    1. 真係好方便, 佢仲有個app, 喺個app買咗飛之後, 可以用QR code嘟入閘, 不過我覺得要用app買咗先都係麻煩, 直接用信用卡會慳咗一步, 但無論邊個方法, 都好先進!
      基爾個idea好可愛, 突然覺得你係小男孩, 呵呵!
      個大斜坡好睇唔好行, 佢會無啦啦有啲位凹少少凸少少咁, 易拗親

      刪除
    2. wakaka...可能係童心未泯:P
      咁真係要小心D,不過Venus有honey照住應該問題不大^^
      直接用信用卡方便好多,不過基礎係要有好似北歐或者日本喱類講究誠信可靠的社會先得囉:P

      刪除
    3. 一個有創新意念嘅大朋友, 我真係覺得個樓底係放得落個籃球架囉 ^.*
      errrrrrr..我同老公唔同style架, 我見親靚景都鍾意望吓影吓呆吓感受吓, 佢完全唔係呢類人, 所以都係要自己睇路喇 ^_^"
      冇錯, 喺北歐真係完全唔會擔心呢個問題

      刪除
  3. 見你買票咁方便,北歐果然是最有創意國度~
    舊火車站保育得唔錯! 可惜香港人,係咁鬧香港D保育政策為何建酒店、餐廳、商場等。其實外國全都係咁保育。

    回覆刪除
    回覆
    1. 係呀, 超方便, 刷一嘢就搞掂!
      嘩, 呢個話題可以講一粒鐘! 唉, 總之有班人嘅思維就係難以理解, 所有商業活動彷彿都係錯咁

      刪除
  4. 華!!買車飛真係好方便呀!!!!!!我都好想見識下~
    間酒店堅正丫!!!!!!我好鐘意咁大隻窗呀!!夠哂光猛~~~~~~~你地咁夜仲去城堡哥度既~~~

    回覆刪除
    回覆
    1. 係呀, 好方便, 妳下次飛oslo記住要試 ^.*
      我都好鍾意光猛呀, 人都醒神啲
      其實係步程嚟嘅, 但之後啲景點唔喺呢個方向, 所以咪諗住順便行一陣就算囉

      刪除
    2. 都唔知飛埋今次冰島幾時先再飛北歐了..不過講真我真係好鐘意北歐~
      無錯!!間房一定要夠光猛!!!

      刪除
    3. 唔怪得~~~日落仲行過去~~~

      刪除
    4. 嘻嘻, 只要妳鍾意, 我唔會覺得會係遙遙無期嘅事 ^.*
      北歐嘅景同嗰種寧靜, 係我僅次於極地嘅至愛, 佢唯一唔好係幅員太廣, 留一個地方冇問題, 想周圍走的話好難避免唔用內陸機, 但吓吓要出入各城鎮機場都幾煩, 所以最便最好玩嘅北歐國家一定係冰島。妳嚟緊呢次冰島遊會落雪喇, 要萬事小心

      刪除
  5. 北歐景人生活都好優遊, 我都幾鍾意佢地可以將潮流時尚及歷史融為一體呢個CONCEPT.

    回覆刪除
    回覆
    1. 妳歸納得好好呀, 潮流時尚歷史融合, 我覺得加埋藝術就係oslo俾我嘅印象 :)

      刪除
  6. 哩種電子交易平台,的確方硬,
    北歐人接受外來事物能力😉
    酒店活用舊建築物,好一個活化實例😘
    香港發明的八達通亦喺唔錯交易平台,
    只喺形式不同,早幾年丹麥睇中咗八達通系統,
    決定向香港買入整個系統俾公共運😏

    回覆刪除
    回覆
    1. 超方便, 我哋去北歐直情唔唱錢, 所有嘢都碌咭
      我仲記得想當年香港推八達通時好多人反對架, 我就覺得好方便, 唔明點解啲人咁抗拒新事物, 宜家八達通可以自動增值, 又多地方用得, 證明當年推得正確!

      刪除