2014年9月8日 星期一

Day1-2──英格蘭 Salisbury, Bath

今日是中秋佳節,祝Blog友們中秋節快樂、人月兩圓!

Day 1
午機出發,圖為阿姆斯特丹的候機室。雖不喝酒,卻喜歡有美感的事物,這個酒陣很好看啊!在候機室上上網,吃點東西續飛往倫敦Heathrow機場。


抵英已屆晚上九時許,七月尾的倫敦約於晚上九時日落,待取回行李,乘航廈列車到達巴士站時,正好欣賞倫敦的夜色。



行走Bath Road的免費巴士未能到達我們下榻的Premier Inn,下車後需走一段路,不過英國的治安良好,就算夜深仍然感覺安全。


去年遊英網誌英國住宿篇曾介紹過Premier Inn,剛收到秋季的特價通知,房價低至25英鎊(機場和倫敦市內鮮會發現這種超級優惠價,因此這種低價適合能走到偏遠地區的自駕旅人),將啟程遊英的Blog友不妨查看一下。



由於是自駕的關係,住宿地點較為彈性,喜歡追著Premier Inn的新酒店入住,在暑假旅程中曾成功以暑期優惠價29英鎊訂到一晚房間,連信用卡手續費合共31英鎊而已。雖只訂到一晚,仍高興得馬上cap圖告知丈夫!Premier Inn雖然平價,但相當有質素,房間都寬敞衛生。

Day 2

London Heathrow Premier Inn(Bath Road)酒店大堂及外觀。


翌晨check-out後寄存行李於酒店,輕裝回機場乘租車公司的接送車往取車。



 到達即發現場面壯觀,待了半個世紀似的才到我們,幸好我找了個位置坐下來,快到櫃位才動身。


車子與新的沒兩樣,只走了四千多公里,第一次駕駛skodaVW旗下品牌),軚感像日本車,打燈和水撥都跟歐洲車。丈夫說依據他的入油記錄,車子非常慳油,激讚!


那麼一來一回耗費了兩小時,返酒店取回行李後馬上開始行程。

行程規劃篇提過這次英國之旅是文化遺產之行,我們在VisitBritainShop網站買了English Heritage Overseas Visitor Pass


今日的遊覽路線圖

離開機場時輕微塞車,約一個半小時到達首站Woodhenge,位於Stonehenge附近。



Stonehenge巨石陣相信大家聽得多,其實巨石陣與其靠近的史前遺址,包括Woodhenge在內一同在1986年列入世界文化遺產。
Woodhenge被認為是史前部落聚居的圓型建築,現只剩下底部支柱。


巨石陣之所以比另外幾個遺址更著名是因為在Salisbury的平原無端出現一堆大石,如何弄來固然成謎,它的功用也眾說紛紜,有說是天文觀測,有說是進行祭祀儀式的場地,也有說是古代墓葬。

英國文化遺產

售票處非常多人,在網上買了Heritage Pass的可直接走到售票處正隔鄰的English Heritage櫃位以網上票據換取Heritage Pass




英國巨石陣

2013年尾在巨石陣約兩公里外新建了一家遊客中心,館外模擬了巨石陣所屬的年代──新石器時代的一些建築。遊人需要到遊客中心買票或換票後乘專車前往巨石陣,不能自行駕車前往。


巨石陣




欲參觀巨石陣,可先到下列網頁預約


參觀過WoodhengeStonehenge後到了只約十五分鐘車程的Old Sarum,也是史前遺址,居高臨下望著Salisbury,曾被RomansSaxonsNormans佔領,並興建城堡,盛極一時。後來因缺水以致人口搬往平原而被廢棄,現今只能想像昔日的繁華。











然後走進了Salisbury市中心Market PlaceOld George Mall一帶。


英國salisbury










United Reformed Church

前往Bath約需一小時車程,Bath是一個美麗的城市,在夕照下綻放著迷人的金光。




Saint John the Evangelist Catholic Church









Bath Abbey
bath abbey


Pulteney Bridge,橋下就是River Avon





Royal Crescent

英國bath

英國巴斯

巴斯

完成一天的行程驅車往位於Swindow的酒店,約需一小時車程,由於今天較遲開始行程,到達酒店快將入夜了。




英格蘭、加納利群島、馬德里之旅2014目錄頁


「Venus遊世界」總目錄



您可能會對以下博文感興趣:


食評 挪威郵輪極光 格陵蘭 塔斯曼尼亞威靈頓山
香港食評目錄
挪威郵輪極光2012
踏足夢之地-格陵蘭2010
澳洲塔斯曼尼亞2012


15 則留言:

  1. 倫敦市內住宿,25£,平到無野好講呀
    追月快樂。

    回覆刪除
    回覆
    1. 多謝多謝, 追月假期快樂 ^.*
      倫敦市內同機場都搵唔到25鎊, 但市郊或偏遠d, 係真係可以用廿幾三十鎊book到, heathrow機場酒店超貴, 有一間我好想住o既要3千幾港幣, 宜家呢間premier inn已經相對平, 但都要過千, 若果唔係要番機場攞車, 唔o係機場住會慳得到

      刪除
  2. 架車個行李箱好大喎。是在網上已揀好車款嗎?

    回覆刪除
    回覆
    1. ok大, 之前有一架可以兩個29吋大篋平放晒落車尾箱。
      冇得揀車款, 只可以揀車o既大細, 我地通常揀intermediate, 闊落少少, 掉晒去車尾箱, 咁後座可以放食物同雜物 :)

      刪除
    2. 我都鍾意skoda, 開車坐車都好

      刪除
    3. 唔錯呀, d位幾闊落, 最緊要係勁慳油 :)

      刪除
  3. River Avon 的景色甚美。非常欣賞 "Weclome to Salisburg" 對下那張的陽光發出彩色圖案。

    回覆刪除
    回覆
    1. 多謝欣賞呀, 宜家試影太陽o既散射光線, 但掌握唔到技巧, 只間中撞彩影到 :)
      最衰趕住入夜前番酒店, 若果唔係bath應該要留耐d, 成個城市都好靚

      刪除
  4. 上次去英國都無去巨石陣tim...
    你左手面以地區分類好正喎! 點整? 可以做跟尾狗抄你嘛?

    回覆刪除
    回覆
    1. 唔就腳嘛, 我都係去左幾次英國, 今次先去得成咋!
      咪咁客氣啦, 跟乜鬼, 個個都互相參考架啦 ;) 好易架咋, o係"版面配置"度揀加入"標籤", 想分幾多類就加幾多次, 咁就搞掂喇 ^.*

      刪除
    2. 唔該晒你呀,但我諗吓改唔改先~

      刪除
  5. 好多年前我去過Stonehenge, 但原來這附近還有咁多景點......可惜無去過呀 !

    回覆刪除
    回覆
    1. 大海冬日兄幾時都可以再去過, 唔可惜唔可惜 :)

      刪除
  6. 25英磅一晚酒店真係超抵呀!
    我對英國感覺唔錯呢!望落幾乾淨、安全,又有親切感d~~~ ^^

    回覆刪除
    回覆
    1. 係呀係呀, 超爆抵, 暑假都只係貴幾鎊, 但同一間酒店, 唔會日日都同價, 要睇就唔就得到, 所以旅程中我只係book到一晚超低價咋 >.<
      我都好like英國呀, 至少溝通到, 語言唔通真係好麻煩。英國整體上係比歐洲其它國家乾淨同安全, d基建、設施都同香港差唔多, 的確有親切感架。囝囝大d一家去玩下, 或者送囝囝去英國讀書都好 ^^

      刪除