2015年3月29日 星期日

釜山— Day 3



海港城外望的日落美景

昨天覆診後約了好友晚飯,雖不常見面,但每次相聚在沒有刻意找話題下不覺就是數小時,離別一刻還有點不捨,這種就是一輩子的朋友,相處猶如家人。從來不喜歡大班人「柴娃娃」的聚會,刻意的熱鬧、刻意的扮作相熟相知,離開時累得懷疑自己打過擂台,近年已將那些假得很的聚會全推掉。


已預算有說不完的話,於是選了家顧客相對少,並且能與鄰枱保持一定距離的食肆,於是到了海港城海運大廈地下的Maison Eric Kayser,先註明這家店子的食物水準個人認為只屬不過不失。之前累積了一些食評,Eric Kayser也在隊伍之列,惟那些食評不打算追回了。不大懂煮食的我,實在難寫出專業的食評,加上食肆重重複複也是光顧那幾家,也懶得再寫了。

續釜山遊記..


留在釜山的最後一天,天陰有驟雨,早餐後徒步酒店附近的國際市場,由於時間尚早,有些店舖尚未營業。對於何時都將環境放在第一位的我來說,這種地道的地方,拍張到此一遊照就夠了,所以不消一會又KO一個景點!







電線縱橫交錯,十分得人驚!


路過小型超級市場,最後衝刺買東西。






穿梭於大街小巷,不難見到秋色,美呢!



走到了龍頭山公園的另一個入口,灑著雨粉,沒有再進去走一趟了,在外拍拍釜山塔就離開。 










走了個大圈又回到光復路和舊BIFF廣場一帶,買了些小吃就回酒店取行李。

在酒店門外截了幾部銀色的士,司機都耍手表示不前往機場,因言語不通,沒有追問原因,所以乘的士到機場的話,要預留一些時間截車。




上車後司機取道海皮的高速公路,需時40分鐘,2萬韓圜(約140港元)。到了這些生活指數低於香港的地方,甚麼消費都不用顧慮。





釜山金海國際機場有兩家priority pass適用的候機室,隨意走進了一家,客人不多,可靜靜地休息一會。



上機前發現零錢捐款機,從來愛「搞機」的丈夫當要試用一下。



上機了,出發時忘了拍攝飛機名字,回程時乘坐我最愛吃的蝦餃。


回程時全機滿座,不及出發時舒適,不過這回遇上俊朗兼有禮的空少。喜歡見到好看的人與物乃人之常情,惟聽到後座幾位中年女性對空少高談闊論,說話內容讓我覺得她們活脫脫就是女色狼!女性不論年齡,不都應該矜持自重?!對於廉航,個人不會期望有優秀的服務,惟不論是出發還是回程的航機上,我都欣賞空中服務員的笑容,加上座椅分佈正常,沒有過於狹窄,機程中洗手間能保持清潔、航班準時、票價超值,相信會再度支持香港快運呢!


下機後在機場晚飯順道等候電召的士回家。




因為搶得了特價機票而匆匆成行的釜山之旅完結,三日的旅程太匆忙,還是偏愛較長時間的旅遊,可安排部分時間細味生活、享受美景、調整思緒、紓緩壓力。
下篇將會是首篇北美遊記。


釜山2014目錄頁


「Venus遊世界」總目錄




您可能會對以下博文感興趣:


多佛城堡 格陵蘭 十二門徒石 詩麗雅郵輪
英國東南部2014
格陵蘭海上美景2010
墨爾本十二門徒周邊2012
北歐詩麗雅郵輪2011


14 則留言:

  1. 蝦餃 aircraft! I also heard of this funny aircraft.

    回覆刪除
    回覆
    1. 係呀, 有幾架以點心命名, 有地方色彩, 仲有燒賣, 叉燒包, 腸粉, 春卷 ^^

      刪除
  2. 3日真係少左d既~機程都會無左好多時間~
    好期待下一篇呀!!!!!

    回覆刪除
    回覆
    1. 係呀, 都要3個幾鐘機, 直情唔覺得自己離開過香港, 純粹係人地搶機票我又搶, 搶到就去。今年好多航空公司出平機票, 開始習慣左, 冷靜左 ^^
      多謝捧場, 但要轉去facebook個page先, 會不定時報告個旅程

      刪除
    2. 不過呢~其實搶到平機票真係會飄飄然的~~哈哈~一去無妨~
      係呀~~~~~好多人都係咁話~~~唔知係咪因為要拯救航空業呢?我諗依家好多人驚搭飛機啦...因為今年真係好多單喇!!!
      好的~~~~

      刪除
    3. 係呀, 投入左個緊張氣氛度, 咁多人爭都搶到堅開心架 (^0^)v
      冷靜過後會諗旅行為乜, 在我o黎講, 其中一個重要目的係抖下, 趕成咁又舟車勞頓, 番o黎好似仲攰過唔去, 呢d咁趕o既trip適合有無窮精力o既後生仔女多d
      今年真係好多平機票呀, 但唔知係咪同d......有關, 但有班人對旅行熱衷得未免有點過份, 可以weekend就飛, 所以會驚o既就繼續驚, 愛飛o既就繼續飛, 影響有幾大要行內人先知。
      o黎緊個行程同7月張機票都出奇地早好多個月就買到, 證明係多平野, 7月o個張早o係1月已經買左, 往幾年要等到成4-6月先出平野, 可惜唯一一年咁早買, 就應該要改期, 問左要補幾千per head, 話有個penalty, 搞到都唔知改唔改好, 玩埋宜家個trip再諗, 原來早得滯買又未必好喎 >.<

      刪除
    4. 咁都係既~去3日韓國我真係覺得太攰~但上次我去3日台灣就真係岩岩好~
      同埋呢其實我發現d網站成日話有平機票都唔係咁筍架.....佢計到最平哥張機票...但有可能係講緊每兩個禮拜先有一次既....咁即係要留係哥個地方兩個禮拜先有最平?(但哥個地方係新加坡喎)...又例如之前有好多人話3000幾連稅去冰島好抵喎..但中間有成18個鐘係法蘭克福等轉機.........人都乾啦................所以話訂平機票真係睇清楚d好~我寧願俾多d錢搭番finn air算喇.....一野去到北歐再轉機...快好多~
      下!!!咁慘呀!!!俾多幾千喎!!咁多???

      刪除
    5. 哈哈哈哈,好鐘意妳話人都乾嗰句。
      好多機去冰島,我反而會諗想搭邊個歐洲國家玩,最好買張open jaw添,然後搵廉航接番靚,廉航單程per head飛冰島一般around 1k港紙,就到晒想去嘅地方,唔值浪費18個鐘啦。
      係呀,罰2k, 再補差價 :(

      刪除
  3. 身體無恙嗎?
    好同意妳的想法,大多人的聚會,唔喺好友,說話客氣....太費神,又無法交心,
    Maison Eric Kayser 食過晚餐,食物一般,牛扒要五成熟,但來了八成,
    已經喺認識經理,都搞成咁,
    有熟人都喺麻煩,唔好意思大批評,
    佢只喺送上甜品道歉~~
    3日真喺太少喇
    下次再去過

    回覆刪除
    回覆
    1. 康復中, 多謝路霸兄關心 ^^
      係呀, 我之前都o係呢間食過扒, 舊炭燒真係一舊炭咁 >.< 同埋都係偏熟, 不過貪佢夠靜囉, 坐得幾舒服

      刪除
  4. 長有長玩短有短玩,有得去旅行總是開心的^^

    回覆刪除
    回覆
    1. 同意同意, 都開心架 :) 但年紀有番咁上下開始唔想太操勞, 要飛o既我諗至少有4日會好d, 3日真係趕到癲

      刪除
  5. 個lounge要什麼priority pass先入得到???信用卡??

    thanks for blog, good to know more about busan.

    回覆刪除
    回覆
    1. 唔洗客氣, 3日好匆忙, 玩唔到幾多地方。
      某啲信用卡公司會喺你出信用卡時另外出多張黑色嘅priority pass俾客戶, 只需要出示張priority pass俾lounge工作人員"碌"就入得。
      至於可以免費入幾多次, 就視乎番間銀行嘅條款, 我就用緊跟渣打信用卡嘅priority pass, 可以全年無限次免費入priority pass旗下嘅lounges, 唔只淨係寰亞候機室。

      刪除