2015年5月11日 星期一

Day3──再續溫哥華 Vancouver


五月上旬有多個慶祝項目,大吃大喝過後,馬上增了磅,是時候節制一下,吃清淡些。


續加拿大之旅..





從酒店地庫出口右轉可到昨晚光顧過的美食廣場,左轉則通往sky train,因此從waterfront站到酒店可走地底,無需日曬雨淋。


Sky train車票的Validator(是否譯為生效機?!),登車前記緊將車票放到此機打印日期時間,車票始生效。

是日天氣預報為全日雨,因此沒有特別安排行程,天色可以的話就外出逛,大雨的話就只外出找食。

Richmond區有不少唐人食肆,爸媽獨愛唐餐,於是決定與他們到酒樓飲茶。


到達Aberdeen站,沿著架空的Sky Train車軌下方走,路過德興,店外貼有點心特價的宣傳,見店內環境也整潔企理,就這兒吧!



看點心紙,價格廉宜,非常抵食,而且份量比香港的酒樓多。


每粒燒賣足有半個碗那麼大,侍應生甫放下,我們都不自覺地"嘩"了一聲,真是從未見過那麼大的燒賣呢!平常在香港飲茶,四人吃飽飽要500港元[以最常光顧的利苑酒家計算],這餐卻只需35加元(約220港元)。

吃飽後續走附近的小區食肆群,經常見到中文字,還有蔘茸海味、燒味等店子,果真是個華人社區。






Lansdowne Centre







一直沿路走至十分具規模的Richmond Centre,商場內以華人顧客佔多數,不少店員也懂說廣東話。


Richmond Centre正對面就是Richmond-Brighouse站。


見天色尚可,於是乘Sky TrainKing Edward站,在沒有租車的情況下試走Queen Elizabeth Park,惟抵湖畔不久,雨開始愈下愈大,反正沒有駕車很難遊園,於是拍幾張照就離開了。






回酒店的路上經過Yale town站,順道逛逛Quayside,環境悠然寧靜。




回酒店休息了一會再外出搵食,到了酒店商場那家裝修時尚的日本餐廳hapa izakaya,不一會就全店滿座,點了幾款飯麵共嚐,以這種環境裝潢計算,這餐只42加元(約260港元),實在是超級抵食價!對比下,大家是否同意昨晚那餐Food court的價格過高呢?

星星探親團陳凱琳

餐廳外的噴水池

飯後本打算回房間休息,卻隱隱然見到密雲中透現陽光,決定再走一次Canada Place,密雲竟開始慢慢散去,完全沒有想過在全日雨的預報下可見到陽光。












天色美,大家都不願回酒店,反而想到超市買些飯後果,路過Gastown的蒸氣鐘,這個剛於一月大修過的景點在昨天的行程已參觀過,看來夜色配上燈飾將它襯托得比日間更美!






回到酒店了

從來都愛晚睡,尤其這晚凌晨二時開始有天文現象──月全蝕。


在房內校好相機和腳架,關掉房內的燈,先拍拍兩幅落地玻璃外的夜景,然後靜待凌晨五時出現的血月。




萬沒料到在凌晨四時三十分,月亮被大廈所擋,真是失望透頂!



翌日將乘下午一時的航班飛往加拿大西北部的白馬市等待極光。


加拿大極光之旅2015目錄


「Venus遊世界」總目錄



您可能會對以下博文感興趣:

大加納利 新西蘭南島 塔斯曼尼亞 挪威極光
加納利群島2014
新西蘭南島美景2014
墨爾本、塔斯曼尼亞2012
挪威-實現極光夢2012


12 則留言:

  1. 食野真係比香港還要平呢
    原來溫華哥也看到那次月全蝕

    回覆刪除
    回覆
    1. 午餐晚餐, 中西日都平呀, 食得超開心 ^0^
      係呀, 至弊埋門一腳, 差半個鐘就蝕晒, 竟然俾幢樓遮左, 差d喊呀, 等左成晚 >.<

      刪除
  2. Validator話佢先進好定落後好呢~~~要打左飛先生效~~但又好自助喎~~~~~同埋佢d skytrain好似好少人搭咁既~唔通因為大多數當地人都揸車?
    飲茶d野食真係超抵~~~~
    個蒸氣鐘都係第一次見呢~~~~~

    回覆刪除
    回覆
    1. 係啦, 好似香港咁持飛入閘就最好
      都算少人搭, 我諗大部份人揸車, 但大城市有塞車問題
      係呀, 環境唔錯, 價錢又抵!

      刪除
    2. 係囉...佢咁做真係搵野黎搞~~~
      咁如果塞車咁梗係搭呢d公交好啦~唔怕塞車~
      我諗澳門依家都好難搵到咁平~

      刪除
    3. 係囉, 真係抵食得好交關

      刪除
  3. 你叫醒老公同你落街睇月蝕丫嘛! XDXD
    食方面,你地鍾意食亞洲菜多d 喎!呢幾日冇乜食過西餐呢~~ ^^

    回覆刪除
    回覆
    1. 哈哈, 又俾妳估到我老公冇陪我睇喎 :p 其實有一念諗過自己落去, 又有一念諗過推醒老公o既, 不過已經凌晨4點幾, 又唔知拎住部相機要行到去邊度先睇到, 所以都係乖乖地瞓覺囉~~
      都係, 西餐好膩, 第一晚碟carbonara雖然幾好味, 但feel到好多芝士又好creamy, 係feel得到o既唔健康, 總係覺得西餐唔可以日日食, 同daddy媽咪同行就更加喇, 佢地係直情唔鍾意食西餐。

      刪除
  4. 我都失望呀仲係城市,快D走啦!

    回覆刪除
    回覆
    1. 我都後悔冇o係白馬留多幾晚呀 >.<

      刪除
  5. 睇完你詳盡的文章,令我有所參考,因為同先生準備過去溫哥華旅行

    回覆刪除
  6. 文中你提及的 Hapa Izakaya 日本新派餐廳,幾個人用餐才CND42!!!真的太吸引!!!

    是否 5~6pm happy hour 去呢~
    因為剛才看看 hapa izakaya FB,好想很高檔的樣子。

    可以分享多一些嗎?謝謝!😃

    回覆刪除