2015年10月25日 星期日

Day 3--紐約曼哈頓及史泰登島



續紐約之旅


旅程第三天,行程豐富。我們會從酒店所在的曼克頓中城midtown往南走,先遊覽曼克頓下城downtown,又稱lower manhattan,然後乘船到史泰登島Staten Island,跟著前往曼克頓東陲的羅斯福島Roosevelt Island


早餐後步行到位於時代廣場的地鐵站,街上人流未算多,想不到站內卻非常多人,不論是售票處還是售票機都排了長長的人龍。


我們到售票機買票,排隊前記緊留意售票機上方所顯示的收費方式,除ATM和信用卡外,部份不接受紙幣,卻接受硬幣,因此打算乘地鐵的,不妨多儲一些硬幣。


紐約公共交通官網http://www.mta.info/


到曼克頓下城了,先走走新世貿中心New World Trade Center,它的舊址就是在911遭受破壞的世貿中心建築群,當年除被撞毀的Twin Towers外,慘劇也牽連其餘五幢建築。原址重新規劃後,將有六幢大廈、一個紀念館和一個公共交通總匯。



在已落成的新建築群中,最觸目的要數全美最高兼全球第四高的One World Trade Center世貿中心一號大樓(位於深圳的平安國際金融中心於明年落成後,One World Trade Center的排名將跌至全球第五高),高1776尺,其高度的制定原來別具意義,用以紀念1776年的美國獨立宣言。當年多個位於北美的英國殖民地脫離英國管治,可說是美國立國的重要里程。



此外,在新世貿中心建築群中,還有一幢商廈和911紀念館已落成,上圖為911紀念館。




然後步往華爾街Wall Street,途中經過Trinity Church,教堂外有個巨型銅製雕塑,見上圖左下角,由於雕塑下有不少遊人,因此我只拍了它的頂端。這是911第一幢大樓受襲後,園內有棵生長了近一個世紀的大樹被碎片擊毀,於是有藝術家以其樹根為藍本製成了雕塑。





教堂對面馬路就是華爾街,相信不用多介紹了,那是對美國,甚至全球經濟具影響力的金融市場,上兩圖是紐交所。


沿百老匯街向海皮方向走,到Bowling Green見到華爾街銅牛Charging Bull,重3200公斤。銅牛非常受遊客歡迎,等了數分鐘仍被遊人團團圍著,拍獨照是沒可能的了,只好叫丈夫快快過去手執牛耳拍張照。


Bowling Green,紐約市歷史最悠久的公園。


公園前方就是National Museum of the American Indian,其所在的建築是US Custom House,為國家級歷史名勝。


再向海皮方向走,見到Church of Our Lady of the Rosary


到海傍了,新碼頭旁的是被列入國家歷史名錄的舊碼頭Battery Maritime Building,見上圖,在十年前復修完成。



到我們乘船的碼頭了──Whitehall Terminal,這裡的船開往史泰登島Staten Island。但我們乘船的目的並非想遊覽史泰登島,而是因為這條航線會路過自由女神像所在的Liberty Island,我們可以遠距離拍攝自由女神像。





自由女神由法國送贈,1886年落成,從地面至火炬高93米,是世界文化遺產。



乘客出乎意料地不客氣,我們第一批上船,一口氣上到頂層的座位處,沒料到後來的乘客完全無視我們,無禮地站到我們前面,我們這排乘客不少發出不滿的聲音,但前排一律扮作聽不見!完全想像不到有些人可以無禮至此,至少我一定做不出來!其實下面還有兩層,都是可以走出船艙拍攝的。



到靠近自由神像時,我們這排只好坐上椅背甚至站在椅上拍攝,唉!



快到史泰登島了



船到達史泰登島後,雨也來了,我們只留在St. George Terminal內走走,然後返回曼哈頓。


回程時乘客較少,也較斯文,沒再出現那個氣人的情況。


見到去程的船,去程的確比回程靠近自由女神一點點。




回程時驟雨已過,再現藍天。
謹記去程應走到船的右邊,回程是左邊。


下一個景點了,乘地鐵到羅斯福島Roosevelt Island,屬曼克頓範圍,是曼克頓東側的一個峽長小島。
進出羅斯福島的交通http://rioc.ny.gov/transportation.htm


就在地鐵站外頭見到那隻小可愛,馬上追著牠拍照。



Ed Koch Queensboro Bridge,雙層的雙懸臂橋,建於1909年,又名59街橋,因為它接駁到曼克頓的59街。


拍一會橋景和東河East River後,打算找回小可愛說聲再見,怎料牠只露出尾巴,那就只好「bye bye你條尾」!


島上有紅色的免費穿梭巴士,我們乘坐它往島的北面走,背後為The Octagon,又是那些建於十九世紀,後經復修活化的歷史建築,現為住宅。



下車後沿著東河漫步,這小島人流疏落,十分享受那種寧靜悠閒的氛圍。




走到了小島北端的燈塔公園Lighthouse Park



然後往乘紅巴到纜車站,準備返回曼克頓中城了,走了一天,很累呢!




接回酒店所在的第五大道,在往後的旅程還會走很多遍,又貼一些照片。











蘋果店、高檔百貨和名店、紐約半島酒店,還有上篇介紹過的洛克菲勒中心和聖巴特里爵主教座堂。

之後開始一連五天獨自遊逛,待續


美國紐約2015目錄


「Venus遊世界」總目錄


您可能會對以下博文感興趣:
bove island 加納利群島 格陵蘭 新西蘭南島
加拿大北部及美國阿拉斯加2015
加納利群島2014
格陵蘭海上美景2010
新西蘭南島秋色2014


12 則留言:

  1. 半島酒店同HK果間有啲似樣喎^^
    可以搭纜車由高空角度賞景又有另一翻景像...
    紐約特別之處係玻璃幕牆新摩天大廈與古老的舊建築夾雜,像穿越時空!!

    回覆刪除
    回覆
    1. 係呀, 好似 :)
      同意, 稍嫌全程太短
      新舊融合得好諧和, 冇格格不入o既感覺 ^^

      刪除
  2. hi~我番黎喇~~
    唔知點解..我偏心...希望你快d寫完紐約之旅...可以快d寫冰島~我貪心~明明自己都去完~
    個博物館係咪就係night at meuseum哥個呢~~~~我諗起哥隻可愛既馬騮仔~
    我都見見過自由神像呀~我好老土~

    回覆刪除
    回覆
    1. 係人都某程度上偏心架喎..其實我好矛盾呀..一方面冇心機寫紐約, 另一方面又唔想個郵輪trip寫晒喎, 好似寫晒後個旅程就完完全全咁完晒喇..其實..明明番左香港個旅程已經完晒啦, 唉......
      唔係呀, o個個係自然史博物館, 都有d似, 都係好grand咁
      唔老土啦, 我都冇諗過自己會去美國架, 同埋城市幾靚都好, 始終都係鍾意睇自然景物多d
      我都好期待睇妳個trip, 妳旅行期間, 我手機個極光app係咁彈alert出o黎, 我諗妳地一定睇到好靚o既極光 ^.*

      刪除
    2. 其實我好努力整相中...但整極仲有好多...去廿幾日旅行...執相真係一個大工程!!!
      我好想快d寫~~因為我好想回顧!!!
      個樣好似~~~~
      如果要去美國...我都係想睇自然景多..除非毛寶話佢想去紐約啦~咁我都會陪佢去下既~~
      我真係好鐘意冰島~鐘意到癲~(但唔想係哥度住~旅行唔同~太凍太乾~)
      hehe~~~~~

      刪除
    3. 揀相係最花時間, 完全同意係一個大工程! 不過相信我地都覺得值得先會寫blog, 每睇1次又可以將個旅程再行一次咁 ^^
      好呀, 快d寫, 我等睇 ^.*
      我地都係鍾意睇景o個d, 美國我最想去黃石, 相信會趁攞左visa呢10年成行
      我情感上都好鍾意冰島呀, 但理性上連我自己都唔明點解, 因為冰島真係好難見到藍天, 影相個色會偏暗偏黑, 又成日落雨, 又成日吹"甩頭風", 搞到個頭永遠都吹到癲婆咁, 但我成日都掛住冰島喎, 我知一定會再去

      刪除
    4. 係呀~~我之之寫緊哥時又當自己去緊咁~好開心~之後隔一排又睇又會好開心~
      我都等緊你出架衰妹~
      我都想睇黃石公園~~~之前去過美國3次都係城市遊...三藩市呀洛杉磯哥d咋...
      但係我成日都覺得呢..佢有d景...係一定要陰天影先有味道!!!!上一次影到陰天...今次影到晴天既話又覺得去左新景點!!好正!!!!我都一定會再去~再去我想看雪景下的冰島!

      刪除
    5. 咁我快快手搞掂紐約, 其實紐約都唔差, 只係唔會掛住, 大城市都係咁上下。
      唔....我o係度細味緊妳話陰天先有味道o個句..或者都係, 冰島本身d泥土都係深色, 同天色好夾, 會覺得黑色=冰島。
      我諗我鍾意佢安全, 適合自駕, d住宿唔洗捱苦, 同埋有好多好多特別o既地貌, 好想搵次租架四驅玩得深入d, 因為之前幾次都有d地方唔敢入, 或者行行下番轉頭, 驚架車仔應付唔到

      刪除
  3. 今日你都去左幾多地方噃! Wall Street 我相信每個有買股票嘅人都想去望一望,除非果個人只懂冧把...
    今次美國去左幾耐?

    回覆刪除
    回覆
    1. 係呀, 唔洗做嘛, 好享受自己一個周圍走, 想去邊就去邊 ^0^
      嘻嘻, 我唔會喎, 我係買左就唔理o個種, 冧把都只係識幾隻
      美國係8月o個陣去, 兩個星期

      刪除
  4. Venus,我上次去紐約是登島看自由神像,在紐約走一天真係好累.

    回覆刪除
    回覆
    1. 咁樣搭船睇都幾遠下, 但我志在影下個外觀
      登島就仔細d, 係咪有d歷史野睇?
      係呀, 好攰+超級熱

      刪除