2015年11月22日 星期日

Day 9—紐約皇后區Rockaway Beach、曼哈頓上城西


南極之旅成行,還選了會進入南極圈的真正南極航程,旅遊願望只剩下正北90度了,那應該是非常值得高興的事!可恨天生穩陣派,思量太多、顧慮更多,現階段憂慮蓋過興奮,南美治安惡名昭彰,加上語言不通,留還是只過境呢?!明白也許是過慮,正如親身走在被評為治安差劣的馬德里卻沒感到危險一樣,想太多就難以盡興,可放下無謂的顧慮嗎?!

實在理解近年情繫北歐的原因,既能溝通,又有大自然美景,更有無需擔憂的良好治安,不就是完美的旅遊國度!


續紐約之旅


這天乘地鐵到皇后區,來回均需要在Broad Channel站轉車,從地圖上看,Rockaway半島尚算靠近曼克頓,實際卻花了個半小時始抵達。



到達Rockaway  Park Station,站外與警車留影。



陽光普照的一天,照片都呈現大自然最美的顏色,Rockaway海灘上迫滿泳客,大家都爭著和陽光玩遊戲,只有我倆撐著有防曬功能的傘子。老實說,炎熱加上烈日,不怕中暑的嗎?可沒想過會有那麼多泳客啊!




要走近大西洋的海水還有一段路,千里到來好歹要拍些照片吧!丈夫錫身,見我堅持走到海邊,他沒有跟來,往找地方避烈日。




匆匆拍幾張即離開,再留的話恐要中暑!回港後變成「碳頭」,相信這天的太陽要記一功!



很喜歡下面兩張照片,一張倒影清晰;另一張捕足到人和鳥的動態。


廣告在空中飛舞


離開沙灘後步行到911紀念公園。



公園可遠眺曼克頓區的摩天大廈。


公園靠近地鐵站,本想返回曼克頓,又覺得花了個多小時到來,應該多走一會,於是向半島上的大公園Jacob Riis Park走,最後還是因烈日太猛在途中放棄,只到就近的海邊再拍一會就離開了。





回到曼克頓上城,中央公園的西側。

Time Warner Center時代華納中心



外望哥倫布圓環Columbus Circle


商場大堂有趣的巨型雕像


哥倫布圓環的另一角度


上圖為中央公園外的USS Maine Monument




Dante Park











林肯中心Lincoln Center



The New York Public Library for the Performing Arts






Juilliard School為美國殿堂級音樂學院,其實它還有舞蹈和戲劇唸的,不過以Music Division辦得尤為出色,因此報章上常見的中文譯名為茱莉亞音樂學院。要數Juilliard School的著名校友,除了香港出生及成長的鋼琴家馮景禧,還有美籍華人大提琴家馬友友,這兩位在華人社會有一定的知名度吧!此外,相信世上沒多少人未聽過John Williams的音樂,很多電影的配樂都出自他的手筆,例如星球大戰、侏羅紀公園、Home alone、哈利波特等等、獲得無數電影音樂獎項,他也是茱莉亞音樂學院的校友呢!


走進outlet Century 21,貨品相當合意,大豐收,逛到接近晚上八時只逛了兩層,又累又餓,是時候"搵食"了,改天再來吧!

紐約的月光

Juilliard School

哥倫布圓環

第五大道上的洛克菲勒中心


美國紐約2015目錄

「Venus遊世界」總目錄


您可能會對以下博文感興趣:
特內里費島 蠔節 傑古沙龍湖 詩麗雅
西班牙特內里費島
英格蘭東南部
冰島南部
北歐詩麗雅郵輪


18 則留言:

  1. 南極...我從來無諗過去,只知好凍,
    同埋"梁榮忠"去過的拍電視紀錄片,
    哈...妳又咁有興趣嘅?
    曼哈頓...真喺好啱妳,又可以買嘢,又多景點,
    茱莉亞音樂學院好著名。

    回覆刪除
    回覆
    1. 其實南極o既夏天唔算凍, 都有幾度架
      我對極地特別有興趣, 同埋越僻越多純淨靚景睇嘛, 我最愛影景 :)
      都係, 但其實唔想買野, 見到抵又忍唔住手 >.<
      係呀, 慕名已久

      刪除
  2. Rockaway海灘都幾大幾靚喎,個半鐘車程都唔算遠丫,周末應該幾多紐約人來玩吧?!!
    正喎去南極,又有機會睇到你啲靚相^^

    回覆刪除
    回覆
    1. 可能地鐵超多人, 感覺唔太良好, 好在去到個景都算靚
      好期待, 但我覺得我o既攝影技術反映唔到南極o既美

      刪除
  3. 好鄧你興奮~~~唔好憂慮啦~~盡情享受啦~~~~~
    聽到身邊有朋友去南極真係好開心~~~~仲要係一個會寫blog既朋友更開心~~~
    尤其係你~你寫得咁詳細~
    等我有機會時真係要去會一會佢~~~咁我都有d資料可以睇~
    我真心絕對認同北歐真係帶俾人絕美風景+良好治安~~~
    其實北歐我都係最愛冰島架咋~我認我偏心~

    回覆刪除
    回覆
    1. 個格係咁, 乜都擔心一餐 >.<
      一定一定會寫, 唔寫低會唔記得架, 咁會浪費左個旅程, 好想個blog幫我記住晒d開心野 ^0^
      妳咁快已經去南美, 咁年輕已經去左咁多地方, 我相信妳一定會去南極呀 :)
      挪威, 瑞典, 丹麥同冰島我都鍾意, 冰島自駕方便, 我都係偏心佢多d, 反而對芬蘭冇乜感覺

      刪除
  4. 其實都係要襯後生去這些極地旅行, 年紀一大, 就連搭15小時航班都有問題.

    回覆刪除
    回覆
    1. 完全同意, 我避免自己日思夜想, 同埋趁身體ok實現左願望先, 真係好想好想好想去南極, 已經想左好多年但都冇假期去兌現

      刪除
    2. 我現在有恐北症, 越向極地走, 就越情緒低落, 只有回來亞熱帶地方, 身體骨節和情緒才會好.

      刪除
    3. 係咪外國靜得滯, 所以會鍾意熱鬧? 定係怕夜長日短? 多d番香港行下
      我反而好嚮往極地o個種純淨, 去到望住個景, 完全明白洗滌心靈係點樣o既一回事

      刪除
  5. 弓喜弓喜~
    曾幾何時南極都係我好想去嘅地方之一,或者係人生必去之地,可惜早已唔係了⋯
    因為覺得南極太容易去,阿豬阿狗只要比得起錢都話去,不是話你D熱愛旅遊人仕,而是話城中嘅有錢人,Big6嘅有錢人,佢地咁本上唔係熱愛旅遊,而是用來炫耀。

    回覆刪除
    回覆
    1. 多謝 :) 真係好想踏足呢片淨土
      唔......銀生好似有d武斷, 我唔會因為有d咩人去某個地方而改變我固有o既願望
      唔排除有d人係為左炫耀, 正如我同你都鍾意去比較特別o既地方, 相信同樣有人覺得我地炫耀, 咁我地知道自己係追求緊想要o既野, 想去o既地方咪足夠囉
      之前個arctic cruise, 識左一班內地有錢人, 比較有偈傾o個幾個都好humble, 同埋超鍾意影相, 完全冇土豪feel

      刪除
    2. 南極可能唔係我極想去之地呱,所以改變左,哈哈~
      其實你講得極之正確,你見我打遊記都成日諷刺緊港人,唔好一味自以為是,我旅途上也遇上好多極有質素既內地人。
      每人追求嘅野唔同,我亦好有感觸。有一位親戚長輩,呢幾年突然熱衷政治,面書上乜都鬧一餐。我只講旅遊,唔講政治,而是珍惜每一段關係。我遊記上都講好多親眼見到涉及政治嘅野,好似有質素既內地人一樣,我面書上完全唔講係費事鬧交啫。每人追求嘅野不同,早前發現呢位親戚竟然unfriend我嘅面書了,(最初是佢add我的),應該不喜見我經常旅遊唔關心政治⋯ 只是理想不同,天呀! 為何香港已去到呢個地步⋯

      刪除
    3. 打了一大段野無左,嗚嗚⋯
      我旅途上都經常見到有質素既內地人。可能南極並不是我人生必到之地所以改變呱,哈哈~
      你講得好啱,每人追求嘅野唔同。好似我有個親戚,佢呢幾年突然關心政治,面書上經常鬧,而我只去旅行才share照片。唔係唔關心,而是唔講政治是唔想珍惜友誼。但是佢仍然唔鍾意我唔關心政治,只去旅行而unfriend了,天呀! 香港幾時變成咁? 要跟你追求嘅野一樣才成為親戚朋友?

      刪除
    4. 唔知是否blogger唔比我回覆,覆了幾次都delete左。。。

      刪除
    5. 銀仔, 我估blogger會自動過濾左字數較多o既留言, 好在我見到你5:47個留言, 跟住試下搵d留言去左邊, 原來會跌左落"垃圾留言"度, 我要click番"非垃圾留言", 段留言就出番o黎喇 ^0^

      刪除
    6. 我100%同意你o既睇法! unfriend事小, 我遇過過份一萬倍o既添, 不過費事提喇, 我相信惡有惡報

      刪除
    7. 多謝你從垃圾桶拎返我上嚟 wakakaka~~~

      刪除