2016年1月17日 星期日

Day 7極地郵輪第三站—冰島Ísafjörður


本想將Day 7 Day 8寫在一起,因Day 8是海上航行日,郵輪從冰島北上格陵蘭,卻發現Day 8拍了很多照片,還看了一夜璀璨的極光,所以還是將Day 8另開一篇吧!

Day 7行程


郵輪昨晚已抵達伊薩菲厄澤鎮(Ísafjörður),並在港口泊了一夜,在甲板拍攝小鎮風光時,見有些乘客離船逛逛,我們則慵懶地留在船上,因行程表載郵輪在翌日下午四時始離開Ísafjörður,遊覽時間看來非常充裕。

早上起來先吃早餐,待會下船遊覽。

很喜歡早餐中的無花果乾,每天都會吃上幾塊。

離船了,我總會相機不離手狂拍。丈夫在做甚麼?又在找地圖。


海邊小鎮都依靠漁業,必然是沿海發展的,回程時向著郵輪方向折返就可以,就算未到過,也不用倚賴地圖啊!不過算了吧,走在他身旁,我相信他會安全地將我帶返目的地。只是有時丈夫在看過我的網誌後會說「有這樣的風光嗎?為甚麼我好像沒有到過!」著實有被他氣壞的感覺,如斯美麗的大自然風光偏不看,卻只專注在地圖上!


九月已有寒意



我們的郵輪泊進了碼頭,可另一艘沒碼頭可泊,那些乘客需乘上圖的接駁小船到鎮上。


Ísafjörður有人口近三千,是冰島西北部峽灣區的首府,鎮中心不大,仍可徒步遊覽。


為何歡迎牌就放在垃圾箱旁!



兩艘郵輪的乘客均向著鎮中心進發,不消十分鐘即抵遊客中心。大家都聚集在這裡,有報當地團的,也有購買紀念品、wifi上網時數的,我們續遊覽鎮上風光。



從遊客中心徒步約五分鐘到達鎮中心Silfurtorg square


Seamen Monument代表Ísafjörður在峽灣區的漁業中心地位。


Ísafjarðarkirkja教堂


文化中心,集圖書館與藝術館於一身,免費入場,前身為醫院,頂層保留舊時醫院的陳設。


Ísafjarðardjúp峽灣,風很大,丈夫已走到老遠避風。我脂肪多不怕冷,在試鏡頭,200mm可拍多遠?下兩圖就是18mm200mm鏡所拍得的距離。



Ísafjörður一隅
















返回郵輪吃午飯


見到貼出了今晚的晚餐餐牌,太好了,不再是自助餐,是我喜愛的fine dining,雖然明白這裡的食物不會怎樣fine,就算只是形式上fine也合意,實在不喜歡吃飯時還要進進出出取食物。


然後一定要記下丈夫鬧出來的國語笑話。


話說之前在臉書專頁提過一個來自北京的領隊,上船不久即主動接觸我們,自稱為內地著名攝影師,下刪一萬字自我吹噓,他竟然甚麼都不懂卻夠膽帶領十數個他口中跟他學攝影的「學生」同行。無論他是否著名攝影師,我們都樂意幫他做翻譯,自問非計較之人,但他日前竟然觸怒了我,完全感受到他利用我們的好心把我們當成「阿四」,已幫他做了幾次翻譯工作,日前還要我們幫他的「學生」報郵輪舉辦的行山活動。幫忙報名本不是問題,問題是他完全沒有參與,過程前後亦欠我們一句「謝謝」!感覺到他內心在想「你們應份幫我」,甚至「為我服務是你們的榮幸」的一副嘴臉!
我只是好人,可不是傻的,你客客氣氣的話,我真的不介意幫忙。這種人,既無能力卻要面子,還要自高自大,不就是討厭!於是今日他拿著晚餐餐單迎面向我們走來時,我當他透明般直行直過,卻發現身旁那位傻仔停下來幫他,唉!

我們正打算走入餐廳午飯,待了數分鐘那好心傻仔還未到,於是我走近聽聽,原來譯到Duck Breast就溝通不了。當我見到丈夫在做手勢扮鴨嘴,又拍拍自己胸膛,然後很認真地重覆說"app空"時,我笑得前翻後仰,然後一頭栽進了丈夫胸口狂笑。冷靜後教丈夫「鴨胸」的國語讀音,然後一直守在丈夫旁,也沒黑面的,只是當北京人透明,只對丈夫說話,待丈夫譯完全份餐單,北京人即一個箭步彈開,此時丈夫忽然醒覺「嘩,佢唔該都冇句!」我回說「乜你都覺得佢有問題架咩!」

我對北京人視而不見的舉動,相信已經清楚讓他知道我不喜歡他,此後他索性叫之前我們為他報行山活動的那個「學生」來找我們幫忙,他是四十來歲溫州商人,溫文有禮、聰明厚道,我們樂於交個朋友,更不介意幫忙。Day 5網誌中那張漂亮的完整彩虹照,就是他傳送給我們的。

其實他們十多人只是報攝影團到來,說不上是師生,他們也想不到那既是領隊、導遊,又是攝影導師的北京人竟然甚麼也協助不了他們。但他話中總會留有餘地,也沒大講北京人壞話,更會將從我們身上所知的訊息轉告他。花費那麼多(他說團費超過十萬人民幣),卻要反過來照顧領隊,這份氣度實在難得,真叫人由衷地欣賞!


飯後再下船逛逛,到IsafjordurMaritime Museum拍些照片。









然後逛超市和小店,此時遊客中心變得冷冷清清,另一艘遊輪已離開。





到郵輪附近的小屋用wifi


準時返回郵輪,郵輪在下午四時離開冰島Ísafjörður,開始北上格陵蘭。


下午茶時間


下午四時半到演講室聽駐船攝影師Dominic的攝影講座。


晚上風浪頗大,餐廳冷清。


食物水準普通,主菜"app空"更是不值一提,但那Panna cotta十分美味,所以我放了做大圖。麵包籃中的水欖麵包也相當不俗。

原定晚上十時在七樓休息室舉行的時裝表演也因格陵蘭海的風浪大而改期。

翌日為海上航行日,將會遇上璀璨極光。

北極三島郵輪極光2015目錄頁

「Venus遊世界」總目錄


您可能會對以下博文感興趣:
加拿大北部 十二門徒國家公園 悉尼大橋 巴黎鐵塔
加拿大北部
澳洲十二門徒國家公園
澳洲悉尼
巴黎地鐵遇小偷記

20 則留言:

  1. 如果去紐約我諗我都要睇地圖呀,不過正如你所說,冰島小鎮得幾條街,沿路去原路返應不用太擔心蕩失路吧
    小鎮上的古董老爺車好靚呀,係咪載遊客遊小鎮㗎呢?
    你唔啱啦仲笑人,一定要好好幫佢惡補一下煲冬瓜先啦啦^^
    我都好同意你話幫人唔係問題,最怕遇上態度似「老奉」果類人,會比較難頂

    回覆刪除
    回覆
    1. 係囉, 小鎮d路都好簡單, 有方向感已經ok。老公除左驚唔認得路, 佢仲當checklist咁用。但我覺得特別建築同地標都係從外觀已經睇得出, 況且時間多, 好難遺漏, 不如享受下個環境, 唔洗下下睇到實張地圖。
      唔係呀, 齋睇冇得坐, 係vintage car show
      真係好好笑嘛, 最好笑係講o個個唔覺得有問題, 仲好認真咁講。其實我普通話都係好普通, 不過冇錯得咁離譜
      完全同意啦, 叫人幫手連表面工夫都唔做, 真係乞人憎到爆

      刪除
  2. 哥個人搵你幫手都客氣d丫!!!!!老馮咁....係你地好人先會咁幫佢..
    幫佢一次知佢老馮咁我唔會再理佢...仲要扮知名攝影師哥下先嬲.....原來係導遊...
    仲要超唔掂..要d團友自己請你幫忙!
    望落風平浪靜既冰島.....原來又係吹到頭甩~

    回覆刪除
    回覆
    1. 諗住朝見口晚見面, 又反正得閒, 咪諗住幫到就幫囉。我都唔會一次就turn down人, 有時心情唔好自然冇咁好禮貌, 但佢係一直都不曾講過一句"謝謝", 而且越o黎越表現得我地應份幫佢咁, 真係痴痴地架
      我諗佢活o係幻想世界入面, 根本係領隊導遊啦, 完全溝通唔到之餘, 事前亦冇做功課, 根本excursion出發前已經可以報。佢敢帶先勁嘛, 妳話呢d係咩人 >.<
      佢呢個客真係無敵好, 俾得咁多錢會期望各樣野都安排得妥貼, 真係估唔到調轉頭照顧番個領隊佢都做得到!
      係呀, 冰島d風都係甩頭風 ^^

      刪除
    2. 唉~如果佢有禮貌d....咁佢自己就唔使咁煩無人幫啦~~~~~~~~
      拿...我地又從多方面諗...可能佢係執其他同事二灘....出發前先知...所以跟唔到d野都唔奇....不過佢係衰在無禮貌je~咁諗會唔會好d呀~
      不過咁又係呀...我諗佢呢d團都唔平啦!!!如果係我一定嬲屎~~~~~
      我有時都吹到分哂界咁~

      刪除
    3. 小t真好, 但無論如何, 冇可能派個唔識英文o既帶隊, 雖然係攝影團都唔能夠淨識攝影架嘛, 先唔好講突發野, 簡單如每日個行程表/餐單或船上宣佈都要有人譯, 甚至需要同船上工作人員溝通。另一個有30幾人o既內地攝影團個領隊就超晒班, 連唔合理要求都幫d客做到。佢個團有內地客話d野食唔慣, 要自己入廚房煮幾味, 個領隊咁樣都安排到, 妳話利唔利害, 直情係強烈對比。
      我反而係吹到搵唔番條界 ^0^

      刪除
    4. 下!!有成兩團咁多架!!!咁同一條船都好多中國人喎~見亞洲面孔多過外國人~~~
      華....咁隔離個領隊真係超哂班!!咁都安排到入廚房!!!(你知啦..外國有d廚房可能係禁地嘛)...咁你有無識到另一團d人呀??????
      因為你d秀髮向後一吹就無哂界~我一吹實係好樣衰分中間界~~~~~
      你幾號飛喇~

      刪除
    5. 係呀, 有兩個內地攝影團, 合共40幾人, 船上總共有200幾個乘客, 所以都唔算多。有呀, 佢地都主動架, 同埋對我地好有興趣, 想知我地係邊度人, 差唔多同全部內地人都有傾過偈。初初溝通時還清晰, 去到落船前已經亂得好交關, 會不自覺地見到外國人講國語, 見到內地人講英文。
      星期五飛lu, 第一站經阿姆斯特丹飛布宜諾斯

      刪除
  3. 估唔到呢D 小鎮都留咁耐

    回覆刪除
    回覆
    1. Donna好心水清呀! 佢地o係冰島留得太耐, 嘥晒d時間, 搞到之後greenland冇預期中上到咁北, 應該可以上到接近北緯80度先打橫過svalbard, 所以落船前o個幾日o既行程講座都變左批鬥大會咁, 唔少人唔客氣咁話個expedition team leader

      刪除
    2. 佢地有D 地方真係安排得幾差:
      我地當時係最後一組上山岸, 到我地遊覽完就緊接住polar circle boat excursion(我地join 左), 跟本冇預時間比我地晚飯. 其實只要比join 左excursion既首批上岸先,問題就可以解決, 講緊既只係二十人之麻.

      不過同你地就真係冇得比.

      刪除
    3. d蝦碌野仲好新奇添, 登島隻快艇入錯油都夠膽, 有兩隻壞左, 搞到等登島o既時間長左。有d land o既地點直情冇野睇o既, 食飯同講座時都聽到人不滿, 最後唔夠時間去新奧勒松, o係svalbard竟然冇去搵北極熊, 呢兩樣直情引起公憤, 群情洶湧, 個expedition team leader俾人質疑到佢發脾氣
      我就淨係覺得唔夠時間去新奧勒松好失望, d細野都費事去記喇

      刪除
  4. 其實你老公可能係一個管理的能人, 十分夠能緊守本子和法則來辦事的人, 但不是一個語言的人, 也不是一個PICTORIAL 的人. 這些人你不用擔心他是隻無腳的雀仔, 或火麒麟週身癮.

    埋岸那一夜才有FULL SERVICED FINE DINNER, 即是船公司從岸上請人回來增加人手. 平時因為KEEP太多人手在船上, 成本會倍增, 所以就給你們 自助餐吧!

    大陸現在有很多人自專心爆滿, 不要說內地男人對著你一個女人仔, 就連女人對著我這些小男人, 都好似老憑一樣咁咖. 有套大6戲介紹你睇, 叫老炮兒, 係講佢地上邊D人係點樣做事, 不過內裡的北京話就聽死我了. 你做得岩, 唔好理佢, 等個溫文友善的人來, 才理會佢.

    這乜乜領隊, 一定係以前D乜乜國企內, 做慣左大鑊飯裡的領導, 又或內裡的皇親國戚 慣左人人都要睇佢, 人人都要跟佢配合, 但佢自己一出國門, 就唔識點去做人, 可悲的人, 可悲的事. 跟著他的那隊拍友, 一定係那些跟著國企食飯的民企老闆們, 這些人為人一定要和善, 有求於人喎. 慢下手, 他們這團人全都是借名來訶虞奉乘, 外表是私人出國考察, 實裡是把利益輸送給有關方面.

    回覆刪除
    回覆
    1. 都分析得幾o岩喎, 讚多過彈, 佢實o係度偷笑 ^^
      要分兩個時段食, 因為餐廳坐唔晒全船人, 侍應都係熟口熟面, 廚師就唔知喇
      直情自我中心, 都唔理人o既, 又唔識反省, 呢d人識o黎都無謂, 費事激氣

      刪除
  5. 無花果乾?未食過,不過香港煲湯D無花果我唔食的!
    大陸奸商呃錢就最叻! 係你咁好人先幫佢⋯ 而D"學生"又咁好人先忍佢⋯

    回覆刪除
    回覆
    1. 香港都有得賣, 好食架, 不過乾果糖份高, 唔敢食咁多
      間旅行社堅離譜啦, 派個完全照顧唔到d客o既
      以呢個好"學生"o既思維呢, 佢係唔想俾左咁多錢仲要搞到唔開心, 所以寧願照顧埋"老師", 佢都有話同佢同團o個d好不滿

      刪除
  6. 十分奇怪, 明明留左言, 轉眼就唔見左

    回覆刪除
    回覆
    1. 唔怕唔怕, 宜家blogspot會自動將字多o個d掉去垃圾留言, 已經將段咁好心機打o既留言執番出o黎喇 ^.*

      刪除
  7. 今天是年初二,祝你身體健康,生活愉快。

    回覆刪除
    回覆
    1. 多謝1733兄, 也祝您同您家人萬事如意、身體健康 ^^

      刪除