2016年3月26日 星期六

Day 14極地郵輪第八站—格陵蘭Dødemandsbugten及再遇北極熊


復活節長假期開始,祝大家有個愉快節日!天氣轉冷,要保重身體啊!



續遊記

房間舷窗看到日出的光芒,於是清晨七時到甲板拍攝,甲板鋪上了一層潔白的雪霜。






拍攝過後到餐廳吃早餐,餐後丈夫多番叫我再到甲板拍一遍,行為古怪,我已經拍得很瘋,他極少鼓勵我多拍的。見天色暗了下來,不會拍到好照片的,況且一定比剛才更冷,我反而不欲走到甲板啊!後被丈夫一言驚醒,說郵輪停航了,會有新景拍的。好,就多拍一回!


專注地拍攝甲板外的風光,丈夫見我良久沒反應,走到我身旁說:「枱上鋪滿雪呀!」我淡淡地「哦」了一聲繼續拍風景。丈夫按捺不住捉我看枱上面寫著的幾個英文字母:「同妳個名一樣喎」,我仍然是淡然地回應「哦」,思緒在想這種譯音是香港獨有的。是腦袋在早上運作得特別慢,還是十多年來沒被哄過呢?!我終於遲緩地吐出三個字──「點解嘅?」真的不相信是丈夫寫的嘛,想當年情信、情詩、情咭、情電郵、情訊息都收過,就是沒收過出自丈夫之手的,我常說奈何偏偏選了個「文盲」!


丈夫回說是他寫的,開始有股暖流在心中,口中卻說:「咁即係點呀?大字報嚟架?!加啲嘢好喎!」見他皺了一下眉在唸「加咩好呀?」我沒理他,心想沒可能想不到吧!丈夫忽然溫柔地說:「加個心好唔好?」甜笑點頭擁著他,那是遠在北緯74度的美好回憶。



不一會就到我們登岸,Dødemandsbugten位於Clavering ØØ即島的意思)南岸,曾是巡邏軍人的據點,亦是格陵蘭東北部最後有Inuit聚居的地方。










沙灘上有不少形態優美的大大小小浮冰。


Expedition team members指示可向內陸走,上圖遠處有船友聚集的山上據說有musk ox麝牛出現。


地上全是石頭,相當難行。


走到了較平坦的山上,正打算走上上圖那較斜的小山,剛巧兩位走下山的船友說麝牛已跑到老遠,若非長鏡根本拍攝不到!嘻嘻,那太好了,就省回氣力吧!









站在高地回拍海上風光,別有另一番美態!




還有另一座山可攀,據說是二戰時的歷史遺跡,上面有幾個放滿石頭和有彈孔的鐵罐,見上數圖,也沒深究用來做甚麼了。見山坡比剛才那個更斜,不值得為了幾個鐵罐而辛苦了。




上圖可見那盒火柴跑了幾支出來,那是刻意放出來的,因極地環境惡劣,到來的獵人或軍人或許已冷至手指未能正常活動。火柴這樣放置就可讓他們以牙齒咬起來生火。





回到海灘旁那間小屋參觀,這是上世紀四十年代巡邏這區的軍人所留下來的。

















在海灘多拍一回浮冰就返回郵輪午飯。

郵輪啟航後又到甲板拍攝海上風光,然後到健身室打一會兒乒乓球。






下午三時到演講室聽講座。


天色進一步灰濛,景物有點像水墨畫,於是再到甲板拍攝。










看見枱面上的雪嗎?天空又開始灑下雪粒了。


下午茶時間


下午五時半到演講室聽翌日行程講座,赫然知道Expedition team leader已打算橫渡格陵蘭海前往旅程的最後一站──斯瓦爾巴Svalbard,大家都感到愕然,群情洶湧,提問不斷,也有直指行程規劃失當。最後Expedition team leader推說海冰狀況不許可,郵輪有可能被困為藉口,於是不少船友追問海冰情況,並要求貼出海冰狀況圖。


大家的失望和忿怒是共通的,完全能感受的,至講座那刻,我們只看過一次北極熊,而之前的行程安排,在冰島和Scoresbysund峽灣都花了過份多的時間,只是一個峽灣就登岸三次,即花去了三天。更重要的是,我們這個郵輪之旅以格陵蘭國家公園為賣點,卻只在國家公園範圍作過兩次登岸。講座完結後,不少船友留下來追問Expedition team leader,我們明白只要對方搬出海冰狀況和要準時返抵Svalbard已經是無敵的藉口,沒有甚麼話好說,只好調節自己的心情去接受!


上圖為當日在網上報名時的預算路線;下圖則為實際路徑,看格陵蘭東北面遠低於預算,我們連Daneborg都未到!


下午六時許傳來發現北極熊的廣播,心想上天對Expedition team leader不薄,相信這可稍稍緩和一下大家的心情。但對我可不是合適的時間,正當洗澡之際廣播就響起,只好叫丈夫先到甲板找個好位置。快快手抹乾身和頭髮就衝上甲板,零度加上毛毛細雨,很冷啊!接力拍攝不久,想變焦卻發現相機冷壞了,馬上叫丈夫掩護一下,火速拉開羽絨將相機掉進羽絨內,因為剛才急得沒穿外衣,羽絨內只有羊毛內衣,腳踏拖鞋。有個更精彩的船友剛在浸按摩池,他就赤著腳,在零度低溫下只穿泳褲追拍北極熊,他反而成了不少船友爭相拍攝的對象呢!


























拍攝過後回房梳洗就到餐廳晚飯,這晚有內地攝影團的船友覺得西餐已吃厭,預早叫他們的領隊安排他入廚房親自煮食,最後煮了一大盤分予和「大廚」同團的三十多位團友。這個領隊真利害,看似不合理的要求也能辦到!下圖右下角是和「大廚」同團的船友分享給我們的,說我們應該也掛念中菜。說實的,北方口味偏辣,不太習慣,但我們也清碟以示禮貌和感謝!


翌日將會是格陵蘭海上旅程,待續


北極三島郵輪極光2015目錄頁


「Venus遊世界」總目錄


您可能會對以下博文感興趣:
墨爾本酒莊 挪威峽灣 紐約公共圖書館 南極
墨爾本酒莊及農場
挪威峽灣
紐約曼哈頓
南美、南極資訊


Copyright © 2016 by Venus. All rights reserved.

18 則留言:

  1. 好甜呀 !!!!

    你地著自己羽絨衣wet landing, 唔怕打濕?

    回覆刪除
    回覆
    1. 十幾年難得一甜 :)
      唔怕, 防水嘅, 因為太凍喇, 要著羽絨先夠, 但著咗羽絨又著唔落船公司件褸 >.<

      刪除
  2. Sweet Sweet~~~~^^浪漫....
    海冰沖上岸幾得意,可以近距離摸下
    哦~~~~小木屋入面原來係咁,都幾設備齊全喎
    零度只著泳褲和赤腳,咁有冇冷親?

    回覆刪除
    回覆
    1. 咁多年一次都唔錯啦 ^.*
      海上藝術品 ^^
      係呀, 冇影晒全部, 除咗多啲工具之外, 同一般屋企冇乜分別。
      見阿船友之後都好活躍喎, 應該冇嘢, 好堅呀, 零度+微雨呀

      刪除
  3. 一D都諗唔到你丈夫會咁浪漫噃,讚呀!

    回覆刪除
    回覆
    1. 睇我個反應都知連我都諗唔到呀 ;)

      刪除
  4. 好sweet呢!! 睇左你既圖, 郵輪停點又真係少左好多呵!! 之前有冇講過航道會改? 同埋係咪咁多時間去海上?

    回覆刪除
    回覆
    1. 有少少驚喜呀 ^^
      比預算緯度低咗好多, 無啦啦入咗峽灣入面玩。船公司個網站有一排直情唔出個預算航線圖, 我估經常收到投訴, 老實講, 一直都知個預算航線圖係以作參考嘅, 網頁係有寫明, 每日個行程預告講座都會有洗腦環節, 提住我哋嗰個係explorer cruise, 出發前冇人知會land到邊度, land到幾多次, 一切都視乎天氣同海冰, 諸如此類, 總之次次會講。但落差真係大, 真係會失望, 真係會覺得佢哋預時間好差。我見宜家船公司個網站度, greenland東北部條航線畫番低咗, 冰島減咗登岸點, 總算學精咗, 近現實就唔洗被投訴 ^^ 理解但仍然唔開心, 仍然易招投訴嘛, 人之常情

      刪除
    2. 外國公司都做到咁樣, 就真係差左D. 你去既時間算係旺季, 真係可以Predict到航程, 除非一個月都冇一班cruise出發啦.

      刪除
    3. 係囉, 預算定得太高, 客人會有被騙感覺。
      呢條航線每年有兩船, 係對開航線。第一船就係svalbard落iceland; 第二船就係我參加嗰船, 由iceland上svalbard, 跟住下年先再有。但船公司之前已經有行呢條線嘅經驗, 個預算冇理由脫離現實咁多, 唉

      刪除
  5. 你老公一早已經想到加個心啦, 佢只係想來釣你癮.

    我係加拿大從來未試過凍到手指唔聽洗, 要用口來做野, 所以我這裡比那裡暖和很多.

    回覆刪除
    回覆
    1. 咁衰?! 其實我冇固定答案, 但我感覺到佢驚答唔到中我想要嘅嘢, 都認真餚咗啲時間 ^^ 嘻嘻, 我知自己得寸進尺, 肯寫字仲要要求多啲添 ^.*
      阿軍人話試過零下50幾度, 城市應該唔可能咁凍喇。以城市標準, 你住嗰度應該屬於好凍

      刪除
  6. 北緯74, 好sweet呢~~
    嘩! 有D搵笨喎,呢個月份辦呢D路線來作招徠,應該都有9成把握吧。起碼都去再北D啦,點會差咁遠?
    相機壞了,抖一陣係咪好返?

    回覆刪除
    回覆
    1. 另外有見到Inuit人嗎?我更喜歡當地文化。
      Musk Ox,我之前係格陵蘭坐船時,一啤丹麥夫婦比D相我睇,話係Greenland東南部影到一群Musk Ox,真係好了呢~

      刪除
    2. 冇呀, 只係喺day 9 Ittoqqortoormiit嗰個鎮見過, 呢度嗰啲已經喺上世紀搬走晒
      嘩, 一群咁正, 我哋之後喺最後一個登岸點見到, 但得幾隻, 仲要好遠, 佢哋對聲音好敏感, 會越行越遠

      刪除
    3. 我知好碎料, 不過對於我呢啲要求踏實嘅, 都夠開心架喇, 太多反而會擔心
      完全同意, 講中重點, 好明顯劃航線時捨難取易!
      喺羽絨度warm一陣就正常番, 攞番出嚟時要捉住變到焦嗰一刻zoom到盡, 因為一陣又會凍壞, 只可以用一"焦"。好在我成日出甲板影, 之前已經試過係咁

      刪除
    4. 聽過丹麥人講d Musk ox脾氣都好似幾躁,生人勿近為妙~ 記得佢比相我睇9月仲著緊短袖衫,真無奈⋯

      刪除
    5. 想近都冇得近, 啲工作人員會睇實, 同埋啲musk ox都會越行越遠, 影出嚟得蚊滋咁大 >.<
      東南面9月應該都係10度咁上下, 短袖又好似誇啲, 或者近年啲氣候都講唔埋, 變化大

      刪除