Day 17極地郵輪第九站—挪威斯瓦爾巴Alkhornet

近況為粵語，遊記部份轉回書面語

喺沖繩番嚟五日喇，今次唔係因為懶或者攰而唔發文，而係有啲公務要做咗先。事緣旅程第一晚已經收到同事求救電話，miss咗call轉頭whatsapp就到。唉，心諗以我性格，肯定成個旅程心掛掛！點知我比預期中叻呀，快快手回咗啲指引，就話剩番嗰啲我番香港先搞。之後係完全冇諗過工作啲嘢，番到香港先喺記憶度拎番出嚟，所以到香港就砌公司嘢先，宜家至寫到blog囉！

放咗咁耐假，工作嘢終於離身兼離心！開初好怕同事求救，幫手唔係問題亦唔介意，只係我好唔鍾意自己會不受控地擔心，會喺個腦度loop住啲嘢。宜家識放低好好呀，至弊身心自由兼開心嘅日子剩番唔多喇！

好啦，掉走會影響心情嘅嘢唔諗，繼續遊記喇，呢篇係夢嘅實現，就算有少少遺憾冇land到小鎮Ny-Ålesund，都終於踏足到挪威最北領土斯瓦爾巴群島喇！

斯瓦爾巴群島Svalbard在哪裡？這群島嶼遠在北冰洋，各島嶼分佈於北緯74至81度，其首府Longyearbyen朗伊爾城，又稱長年城，位於當中最大的島嶼Spitsbergen上，為世界最北城市。

Day 17

早餐後往聽講座，講述斯瓦爾巴歷史。

講座後到甲板拍攝海上風光。

十一時許到七樓Observation Lounge參與farewell Cocktail，明早將結束郵輪旅程了。

午飯

飯後郵輪已停靠於最後一個登岸點Alkhornet的對開海面，並放下小艇「試水」。通常試水後約一小時才有登岸廣播，我趁著這空檔到郵輪各層拍照，快要離開這個帶我穿梭於各個夢想地的家了！

淺灘登岸後接上山腳的小路有點難走。

 

地上全是動物的便便，走起來步步為營。

勉強能拍到馴鹿。在遙遠的地方還有麝牛，焦長只得200mm可以自動投降了！

Alkhornet（北緯78°12'）是一座外型獨特的山丘，位於Spitsbergen西岸。

Alkhornet崖邊是多種海鳥的棲息地，崖下的土地接收著海鳥的滋養，使得苔原植被特別豐富。

海邊已倒塌的小屋在一戰時興建。

返回郵輪後見到房門口夾有證書，這方面的確是郵輪比較優勝，乘飛機的話可不會有證書啊！

然後又是下午茶和到甲板拍攝。

晚飯時廣播響起，郵輪駛到了Nordre Isfjorden National Park內的Esmark冰川，大家都拋低晚餐走上甲板。

翌日郵輪將抵達尾站──Longyearbyen。

待續

到北極三島郵輪極光2015目錄頁


到「Venus遊世界」總目錄

您可能會對以下博文感興趣:

德國鐵路遊	加納利群島自駕	日本奈良	南美、南極資訊

Copyright © 2016 by Venus. All rights reserved.