2016年5月2日 星期一

沖繩住宿篇





AJ Resort Island Ikeijima伊計島 AJ 度假酒店(上圖最右方深綠色標示)


位於伊計島,由沖繩本島前往需要經過平安座島、宮城島始到達酒店所在的伊計島。
總評分:3/5
簡評:房間尚算整潔衛生,有動物園、海灘、遊戲和休憩設施,惜餐廳食物水準一般,位置偏遠。


上兩圖為酒店外觀


普通房種的房間環境,可容一至四人。


入住當天是介乎復活和清明假期的星期六晚上,房間連稅包早、晚餐要三千港元,雖不算超貴,但也說不上便宜,我會期望每人有張正式床鋪,而不是臨時加床的模樣。


回港後試玩過酒店網站,發現有趣兼且荒謬的情況。首先不論是二人還是四人,都是住進同一種呎數的房間,而個別日子,竟然是分開買兩個二人入住的房間比買一個四人入住的更便宜,變相空間大了,也多了一個洗手間,因此若非與小孩同行,也不介意四人分開兩間房,預訂時可先比較一下價格。這種有趣房價,我是在那些親子熱門日子--暑假發現的,也不是每天都會出現兩間2人房比一間4人房便宜的情況,要找可要碰碰運氣和遷就日期了。




房間外望景致,見上數圖。


小木屋房種,最多可容納五人。



AJ Resort Island Ikeijima

設施方面,有滑梯、小型動物園,兒童樂園、適合親子家庭樂,見上數圖。另有網球場、乒乓球枱、露天風呂、泳池和沙灘,部份設施未有拍攝,見下數圖。


伊計島 AJ 度假酒店

伊計島 AJ 度假酒店

沖繩酒店

沖繩親子

餐廳食物水準一般,晚餐全賴日式咖哩飯和水果填飽肚子,平常在港不特別喜歡日式咖哩,可見這裡的食物是「揀無可揀」!


早餐水準也好不了多少。



Wisteria Condominium Resort紫藤渡假公寓(地圖最上方淺綠色標示)


位於著名景點海洋博公園附近的新住宿,地理位置優越。
總評分:5/5
簡評:光潔簇新,位置優越,價格合理,房內有廚房和洗衣機設備。

Wisteria Condominium Resort

酒店外觀,整幢樓宇都是新建的。

紫藤渡假公寓

海洋博住宿

紫藤渡假公寓

房內環境非常簇新,衛生水平屬一塵不染級別,四人房價連稅和早餐只二千多港元一晚,以這種質素來說可算作超值!

Wisteria Condominium Resort


房間外望景致,正前方就是海洋博公園的熱帶夢想中心,見上兩圖。





早餐水準尚可


早餐要到相鄰餐廳進餐,先路過露天停車位,如遇下雨天,委實有點不便。


上圖,從餐廳望向住處。


室內停車場只有三個車位,馬路旁則有充裕的露天車位。

Kise Country Club吉瀨鄉村俱樂部酒店(地圖中間,名護市下方粉綠色標示)


位於沖繩中部,名護市附近。
總評分:3/5
簡評:附設高爾夫球場,房間偌大惜見陳舊,衛生情況尚可,Deluxe cottage房種設小泳池,內分兩間套房,即合共兩個衛浴設備。




Cottage內環境,客飯廳枱椅給人塵封的感覺,泳池和太陽椅看上去也不太衛生,實際情況和相片拍攝效果有落差。

Kise Country Club

吉瀨鄉村俱樂部酒店


進門後右方(上數圖)和左方(下數圖)分別有門通往兩間套房,套房內的陳設完全一樣,房內的衛生狀況明顯較客飯廳為佳。






洗手間處放有資生堂的洗臉產品、爽膚水和乳液,惟個人覺得每位女士必然會帶備自家愛用的品牌,反而大部份酒店會提供的Body Lotion這裡卻沒有。

Kise Country Club

企缸處有門通到室外的花灑設備。

吉瀨鄉村俱樂部酒店

汽車直接泊於屋外。



餐廳不論是早餐還是晚餐時段都好像被我們包場一樣,感覺非常好。早餐非自助形式,但懂我的都知我不愛自助餐,反而喜歡精緻的食物setting,個人來說頗滿意早餐,惟家人卻說普通。由於我不想在晚上駕駛,於是有一晚留在酒店吃,味道一般,不過格價合理。



餐廳外的平台可望高球場一隅。



Double Tree By Hilton Naha那霸希爾頓逸林酒店(地圖最下方淺粉綠色標示)



位於那霸市內,正正在單軌電車旭橋駅旁,步往國際通約需十分鐘。
總評分:4/5
簡評:房間衛生、地理位置不俗、早餐水準優秀、前台服務員能操流利英語、房價相宜。



房間環境標準,兩個房間的陳設一樣,惟初次踏進爸媽的房間嗅到少許煙味,這家酒店理論上是全面禁煙的。有見酒店安排了相鄰的房間給我們,爸媽覺得味道不算濃烈於是沒有換房,但這問題正正是我沒有給予Hilton滿分的原因。


Hilton會員的小禮物和歡迎咭已預先放置於房內,感覺窩心,見上圖。


房間外望景致







餐廳環境和食物,餐廳職員大體上能及時補充食物,食物選擇雖不算多,但有質素,是沖繩之旅入住的四家酒店中大家一致感到滿意的早餐。記得第一天起來,餐廳嘈雜多人,我們剛從寧靜的"鄉下"回到大城市,非常不習慣。前台告訴我們八時半前都是繁忙時間,往後見行程不太趕就寧可晏一點吃早餐。

那霸希爾頓

Double Tree By Hilton Naha

那霸希爾頓逸林酒店

總的來說,個人覺得海洋博公園附近的Wisteria Condominium Resort和那霸市內的Double Tree By Hilton Naha都相當滿意,值得推介。


今回真是要待完成20159月的北極20161-2月的南極遊記才續寫4月份的沖繩遊記了,順時序嘛 ^^

按入沖繩自駕行程篇 


沖繩自駕遊目錄


「Venus遊世界」總目錄



您可能會對以下博文感興趣:
格陵蘭極光 紐約時代廣場 新西蘭南島 bove island
冰島、格陵蘭、
斯瓦爾巴郵輪極光2015
美國紐約2015
澳洲悉尼、新西蘭南島
及奧克蘭2014
北美再圓極光夢2015


Copyright © 2016 by Venus. All rights reserved.

30 則留言:

  1. #15 羊好可愛.
    沖繩的食物是不怎麼好. 一大班人去玩會無咁悶

    回覆刪除
    回覆
    1. 呢啲毛毛動物都好得人鍾意 ^^
      係呀, 以為日本嘢都會啱食添, 對酒店早餐有啲失望, 出面啲食肆就好似啱口味啲。
      我唔怕悶架, 反而怕應酬, 會好攰架, 一大班人就做唔番自己, 同家人去旅行最啱我

      刪除
  2. HAHA!! 我都係剛完成日本之旅, 係時候要寫返個冰島TRIP. 如果唔係, 真係會唔記得哂.

    回覆刪除
    回覆
    1. 嘩, 原來去咗旅行, 怪唔得一排冇更新個blog啦, 快啲寫, 我等睇 ^.*

      刪除
  3. 你在我個blog濟州島第二天曾留言?我只在我的電郵看到你的留言,但在blog上面就睇唔到,所以唔知點覆你會好啲。

    回覆刪除
    回覆
    1. 係呀, 我留咗言呀, 我記得得幾句架咋, 咁都落咗垃圾筒, 唔制呀!!!!!
      唔緊要, 我等陣過去您度打打點救番我個留言出嚟 ^.*

      刪除
    2. 我在垃圾筒見唔到有野噃

      刪除
    3. 係呀, 見到你嗰邊個留言喇 >.<
      未試過咁, 收到email通知但冇跌落垃圾留言箱, 可能blogspot又改咗嘢, 但咁樣恢復唔到個留言, 仲衰過舊時!

      刪除
    4. 唔知會唔會好似以前yahoo blog咁比人攪呢?

      刪除
    5. 又唔似喎, 我估google更新緊/試緊嘢, 版面配置嗰度都多咗好多新功能, 同埋個look都唔同咗

      刪除
  4. 我試過4個人住4人房但唔方便,就係用浴室和洗手間既時候。另外瞓覺既時間可能唔一樣,都要大家互相就下。
    所以之後有機會4個人去玩,都係book兩間房。

    回覆刪除
  5. 作者已經移除這則留言。

    回覆刪除
    回覆
    1. 如果同朋友一定唔會, 免得大家習慣唔同, 又始終會有啲唔自在嘅
      同daddy媽咪去玩都係想陪多啲佢哋嘛, 所以我反而係先搵4人同住架先, 係那霸市內啲酒店難搵4人房先分番開兩間。不過洗手間真係一個大問題, 要等就嘥唔少時間, 宜家大家共識咗鍾意住同一間屋但有兩個房兩個洗手間嘅, 咁係私隱度同方便度嘅最佳平衡

      刪除
  6. 日本啲酒店通常都清潔衛生,
    而且又整齊,見到仲有洗衣機可以幫手,渡假感好正,
    希爾頓逸林都喺唔錯,食物亦豐富,但啲人唔守規舉,而酒店亦有失責,我住過同一品牌在廣州的酒店,兩次都幾好,房間內酒店內嚴格禁煙,發現會罰1500人仔,無敢犯。

    回覆刪除
    回覆
    1. 都係嘅, 唔會好離譜
      係囉, 啲人唔守規矩, 都明好難捉嘅, 但酒店有責任去管理, 除咗呢樣, 其它嘢都唔錯

      刪除
  7. 相比我這裡的 熱帶風情之旅, 我首選 FLORIDA, 加州或最遠的夏威夷, 因為機票和房租都平, FLORIDA機票/每晚房租: $400/$150 US, 加州: $700/$150; 夏威夷: $1100/$200. 其實房租還可以再平一點, 不過等級就比你的低了.

    不過, 你帶著父母, 又真係要揀近近地的地方.

    FLORIDA係我至愛, 消費不高, 但環境不錯. 只是像沖繩一樣, 每年9-12月打風.

    回覆刪除
    回覆
    1. 果然係你嘅度假勝地, 已經熟晒價^^ 我記數字好差, 得貴或平嘅概念, 有時想寫埋個價錢要搵番相或者資料嚟睇
      唔係架, 佢哋好飄忽架, 唔鍾意冰島就話飛咁遠辛苦, 以後唔好搞。但之後飛溫哥華就冇話過機程長架喎, 因為佢哋鍾意溫哥華
      近日FLORIDA喺新聞好紅呀, 話終於恢復番美國郵輪由miami落古巴, 原來停咗成半個世紀咁耐, 我對miami同古巴都有興趣呀!

      刪除
    2. MIAMI和古巴都十分靚, 但大城市就要小心治安, 那裡比東南亞呢, 就多了西班牙風情, 不過, 人種大多都是黑和較深色的, 要看美白, 就要來我這裡滿地可, 我這裡有美女之城的稱號, 但係呢, 由香港來, 一程要16小時. 不過現在你可以好似小T咁, 直飛美國DALLAS, 再轉去古巴. 不過DALLAS那邊的TEXAS就牛仔左少少了.

      刪除
    3. 一聽到要小心治安即刻涼咗一半, 成日keep住高度戒備狀態會神經衰弱架 >.< 我以為miami係渡假地方會安全添
      我真心鍾意睇靚女, 但唔識睇男性, 只知男人叻唔叻先係最重要。上次去溫哥華呢, 我以為周街都係華裔靚女架, 點知成個trip都見唔到個, 唔知係咪復活假期飛走晒呢。Montréal有鍾麗緹嘛, 我記得你個blog寫過, 但我唔鍾意呢類, 我鍾意又甜又純品嗰啲, 來自溫哥華嘅岑麗香(你知唔知係邊個?)就係我杯茶喇, 有佢啲劇我多數都捧場架 ^.*

      刪除
    4. MIAMI 治安不太好, 但在外圍租酒店住, 也不應太差, 相比紐約, 會好很多.

      其實, 我真係唔叻, 成日都好容易神經衰弱, 好容易沒有記性. 我自少就是花瓶一個囉, 這個我一直都好接受到自己的. 不過, 人最重要係攪掂自己和家人, 之後, 叻唔叻就不是太重要了.

      其實, 如果你係溫哥華和多倫多, 想當街睇靚女, 你一定十分失望, 因為真係好少囉, 香港咁多乜姐物姐來自多記和溫記, 是因為靚果D返哂去香港搵食. 我這裡通街都係靚女, 但不是中國人, 是西人囉.

      刪除
    5. 就我這裡屋企一出門口, 行入藥房或超市, 就見到很多美女了. 最重要的那部份, 就是這些鬼妹不覺得自己是美女, 不會要求別人特別對待佢地, 十分平等和獨立的.



      刪除
    6. 又唔見左我回覆了.... 哈哈哈....

      刪除
    7. 因為攞咗美國簽證嘛, 我諗會再去美國, 唔好嘥嘛, 至於去邊個城市就可以再度度, 再唔係邊度出平機票就去邊 ^^
      "攪掂自己和家人" <--要睇吓"攪掂"嘅定義同程度喇, 可以好高難度架
      西方人輪廓分明, 係容易啲靚架
      睇性格啫, 又唔可以一概而論嘅, 但文化差異一定有

      刪除
    8. 搵得番, 冇問題, 歡迎暢所欲言 ^.*

      刪除
  8. 新住宿永遠係最好的~
    而之後果間果然是拍攝效果喎! 拍到好正,哈哈~

    回覆刪除
    回覆
    1. 同意呀, 新住宿優先 ^^
      自己睇到啲相都覺得..與實境不乎, 陽光令到所有嘢光鮮晒

      刪除
    2. 所以網上搵資料嘅野成日呃人,wakaka~~~

      刪除
    3. 嘻嘻, 陽光好唔誠實 ^^

      刪除
  9. 有私家小泳池果間望落幾靚喎,可惜你話客飯廳枱椅和太陽椅都有點塵封,會唔會係本身有一段時間無人租過?
    有小動物園和遊樂場果間幾適合有小朋友家庭去玩

    回覆刪除
    回覆
    1. 睇相我都覺得靚 ^^ 似呀, 但我睇間resort嘅資料, 得十幾間房, 應該好易滿先係, 或者係管理差, 房務員馬虎啦, 似係只理嗰兩間房唔理個廳, 因為房同廳嘅衛生狀況明顯有段距離。
      係呀, 好啱親子

      刪除