2016年6月6日 星期一

朗伊爾城Longyearbyen下篇



今篇將介紹朗伊爾城內兩條遊覽路線和斯瓦爾巴機場。


先來路線一:走在海旁。



從市中心向海方向走,可順道欣賞Hiorthfjellet山的優美形態。



海旁的建築是斯瓦爾巴博物館和大學。


上圖右是博物館入口,而位於相片中間的則是大學入口。


不論是博物館還是大學,都要先在指定位置放好大衣和鞋才可入內。


到達海旁後先往右走到另一家博物館。


然後反方向往碼頭進發。



路過地標北極熊像和世上最巨型的聖誕老人郵筒。這郵筒竟然由一位香港女子在2013年聖誕前捐贈,高9.3米,造價為NOK 50萬。設立聖誕老人郵箱的原意是寫下人心中的想法和願望寄予"聖誕老人",而非用作投遞信件予其他人。



續往碼頭方向走,見到不少架空的運煤索道,這系列設施用以將煤從礦洞運輸至港口。




到達碼頭了,當日郵輪泊岸的位置。



碼頭附近有北極熊標示,意味著安全區域終止。


據說斯瓦爾巴約有逾三千隻北極熊,而人口卻只有二千。20132015年在朗伊爾城周邊均有人類受到北極熊襲擊的紀錄,因此古往今來,居民但凡到郊外須配備槍枝。


在海邊拍攝之際,見居民備槍乘橡皮艇出海。



純淨的空氣,如詩似畫的美景,若非天氣寒冷,很想多待一會。





我們沒有越過那北極熊標示,決定回程返市中心,沿途路過一些店舖和消防局。



然後轉到海邊看「藝術品」,那是由一班學生運用海中收集得來的廢物所堆砌而成的,呼籲大家關注環保、愛護海洋。








現介紹另一條路線,從市中心往高處走,走上小山丘回望小城。






雪地車路標


Longyear Valley


煤礦設施



小城風光


再往上走一點就到世界上最北教堂Svalbard Kirke



教堂旁是學校區


我們續沿路尋世上最北的日規。朗伊爾城位處極北,有數月永夜,因此在太陽回歸之日,部份居民都喜歡到此見證。

補充一下資料,朗伊爾城在4月中至8月下旬是永晝,即太陽全天不下山;在10月尾至翌年2月中是永夜,即數月不見太陽。理論上在2月中太陽首度超越地平線之日會帶來接近1小時的日照,惟朗伊爾城被山所擋,因此2月中太陽回歸的首天,居民只能與太陽相聚不足半小時,部份居民喜歡聚在日規處看著久別的太陽首度升降,完全想像到那種期待的心情呢!


日規上的北極熊和人類喻意二者和平共存。


日規旁有二戰紀念碑和一座很高的運煤架。


斯瓦爾巴總督官邸,也是警察部。



遠望矚目的架空煤礦設施,那裡是運煤車轉運站。


當地巴士站,當地不論是房屋還是巴士站都預留了積雪位。


從山下看剛才走過的路,小山丘很平坦,不難走的。



最後記一下斯瓦爾巴機場。



朗伊爾城交通那篇提過機場巴士和當地的士,機場巴士沒有站頭,等候處就在Basecamp Hotel旁,見下兩圖。



機場外風光





我們寄行李後見時間尚早,於是離開機場眺望位於山上的種子庫Global Seed Vault,那是利用永久凍土之便,儲藏了世界各國農作物種子的倉庫,據說核武都不能將它破壞。很想入內參觀,惟遊客中心職員表示沒有團可以入內,那只好作罷!



機場內有郵箱,忘了寄發明信片的話,還有機會啊!


機場雖細小,仍比格陵蘭的小鎮機場有規模,至少有行李輸送帶。


禁區細小,但有食肆和小店,想買紀念品的話,仍可作最後衝刺。我竟在這裡買得市內已售罄的磁石貼,驚喜!



乘搭我最喜歡的廉航Air Norwegian。前往朗伊爾城除使用郵輪外,只能乘搭SAS或Air Norwegian。




記緊上機前將手機/平板電腦/手提電腦注滿電,機上提供免費wifi


告別北緯78度,會再見的!


補貼一下在朗伊爾城市中心見到的日暈,維持了約十分鐘,這是我首次看到日暈現象,很漂亮啊!


下篇記旅程最後一站──挪威奧斯陸Oslo。


北極三島郵輪極光2015目錄頁


「Venus遊世界」總目錄


您可能會對以下博文感興趣:
白馬市 墨爾本 世界盡頭 南極
加拿大白馬市
澳洲墨爾本
世界盡頭-烏斯懷亞
南美、南極資訊


Copyright © 2016 by Venus. All rights reserved.

22 則留言:

  1. 原來仲未寫完。。。
    個巨型北極熊像幾肉酸,但幾有氣勢。
    雖然好似幾悶無乜野攪咁,但我喜歡這些與世隔絕小鎮嘅感覺~

    回覆刪除
    回覆
    1. 快喇, 跟住出南極, 但要分心plan吓新旅程同book埋酒店先
      唔..我個人偏心架, 唔會話鍾意嘅地方啲嘢肉酸, 我會話獨特, 特別, 有特色, 好少見, 呵呵^^
      可以悶係一種幸福! 呢啲與世隔絕小鎮絕對係我鍾意嗰啲地方, 如果已經鋪埋白雪, 一定一定會更鍾意

      刪除
  2. Venus 你留5晚真係好長,個鎮咁細仲要酒店咁貴 ><
    我落船後參加左個 hiking tour, 話係 easy level, 就係行教堂背後果座山,如果之字或兜圈上落絕對冇問題,但 guide 帶我地直上直落,好斜好鬼驚,但又唔可以中途放棄離隊,因為怕遇到北極熊。
    Guide 話某年春天,有2個女仔行左上山,大霧中以為遇上馴鹿,點知原來係北極熊,一個選擇跳山,結果全身骨折,另一個冇跳,就冇得剩。。。。。

    回覆刪除
    回覆
    1. 哦, 5日4夜咋, 其實原本想留4日, 但剛啱嗰日係冇機走嘅, 3日又好似太短, 於是侷5日, 如果晚晚有極光, 多多都唔嫌長, 只係幾晚都冇 >.< 酒店係貴呀, 好在突然平咗兩晚!
      妳好叻叻呀, 堅持完成到! 個guide咁架, easy level要就吓架嘛! 其實我自知體能差, 所以好怕join tour >.< 連喺冰島, 好想好想行冰川, 最後都唔敢join。啲guide自己鬼咁fit係唔會明體能差嘅人嘅concern。

      刪除
  3. 第一次见日暈,好靚!

    回覆刪除
    回覆
    1. 係呀, 好靚, 我望到佢慢慢淡晒色先走

      刪除
  4. 睇完妳整個行程之後,
    感覺真喺好荒蕪,
    想像以前居民工人辛苦艱難的生活,
    天氣睛朗,錯覺以為氣溫都有十多度,
    見妳穿上厚皮毛衣,一定好凍,
    嚴冬可想而知...

    回覆刪除
    回覆
    1. 係呀, 荒蕪呀, 真係好煤礦感覺
      都寒架, 幾日都係零度至零下2, 3度
      其實我想感受永夜同嗰種嚴寒, 雖然見唔到太陽, 但會有Twilight, 希望將來有機會經歷吓

      刪除
  5. 10月至2月無太陽都幾辛苦喎
    積雪我諗有成個人咁高
    小城雖然規模細但原來也有大學咁犀利
    如果有開放,都想去參觀種子庫

    回覆刪除
    回覆
    1. 幾個月無太陽, 對於我哋真係好難想像, 不過我傻傻地, 希望將來可以去感受吓, 短短幾日就夠, 經歷吓既嚴寒又冇太陽嘅生活
      研究極地環境, 啱晒!
      係呀, 呢度真係勁想去, 講到好勁咁, 其實網上我見過有人入到去架囉, 遊客中心個職員又話冇得入!

      刪除
    2. 我諗會好似日本立山比人高好多.

      刪除
    3. 係呀, 相信極地嘅暴風雪唔簡單 :)

      刪除
  6. 二戰時, 那裡可能是英美的運輸線上, 曾經打了不少海戰, 可能死了不少人. 尤其挪威被德國佔領後, 那裡就變成英美對抗德國的前線了.

    回覆刪除
    回覆
    1. 我唔豬啲史呀, wiki得兩段仔講到二戰, 話挪威被德國佔領後, svalbard其實冇受影響, 但之後一年就成為盟軍嘅重要補給鏈, 跟住又話英軍撤離晒所有longyearbyen啲人喎, 跟住跳到43年德軍炸鬼晒成個longyearbyen, 剩番4個建築倖存。太簡短, 睇完都係唔明, 大佬, 都冇人囉, 炸乜?! 炸唔走啲煤架喎, 可能炸啲運煤設施等對家補給唔到啦! 但紀念碑先奇喎, 通常係紀念陣亡將領士兵或者啲市民架嘛, 不過市民撤離晒喎, 挪威兵又冇嚟營救啲居民, 總之一頭霧水啦

      刪除
    2. 其實, 英軍撤走所有當地人, 即是把那裡變成軍事基地來駐兵, 之後, 德軍狂炸那裡的軍事設施和英軍, 癱瘓英軍在當地的補給能力, 當時是不會在那裡生產煤了, 紀念碑係紀念當年被炸死的英軍和聯軍人員.

      刪除
    3. 合理喎, 個故事完整晒 ^.*

      刪除
  7. 冬天落埋雪, 應該好靚!! 雖然個town唔大, 可以hea下其實都幾舒服.

    回覆刪除
    回覆
    1. 係呀, 白色世界一定靚 ^.*
      嘻嘻, 真係好hea吓, 我鍾意, 我身邊嗰個話無聊, 但佢係一完咗trip就要番工囉, hea吓抖吓先番好好喎, 全日行程滿晒嗰種旅行, 我反而麻麻哋, 點解要搞到自己咁攰呢

      刪除
  8. 日暈?!?!?!?見識實在太少...唔知有呢類天文現象!!我頭先以為係彩虹呀!!!!!好靚!!!!!!!
    日規極度可愛~~~
    個郵筒仲大過格陵蘭哥個~~~~極大~~~~

    回覆刪除
    回覆
    1. 人人興趣唔同嘛, 冇興趣自然唔會留意, 我睇妳blog都有好多嘢我係唔識架 :)
      係呀, 我尤其鍾意隻肥熊 ^.*
      個郵筒發癲大, 不過係假架, 冇得寄信

      刪除
    2. 天文現象我有興趣~~因為有d我覺得幾得意~不過太難哥d又自己唔明~睇人地blog除左開心之外仲有新野學到~真好~
      係呀~~~~北極熊其實真的好得意~
      下~~~我以為又係哥d呢~氹小朋友話寄俾聖誕老人哥d~所以一年先寄出一次要個郵筒大d~哈哈~

      刪除
    3. 唔洗明, 靚就睇 ^.*
      我edit番嗰段喇, 冇理由唔介紹吓嘅。個郵箱入面啲信係俾聖誕老人嘅, 但我望入去見到堆信, 有啲係貼晒郵票嘅, 我諗誤會咗個郵箱嘅目的。但個負責人(即係個香港女仔)話見到啲貼晒郵票嘅會拎番去郵局。

      刪除