**南美、南極篇使用粵語
上篇先話想keep番一個星期一篇，理想同現實總係有距離嘅，呢個星期超級忙，忙到飯都冇時間食嗰種，返到屋企雖然冇晒能量，但個腦仲諗緊工作嘢，所以寫blog真係有心無力喇！
續遊記，上回講到朝早喺WilhelminaBay觀鯨，郵輪跟住駛去附近嘅Cuverville對開海面停泊。
今次輪到最後一組登岸，可以食埋tea、上甲板影多幾轉都未得登岸。
Cuverville Island係已知最大嘅gentoo penguin
colonies之一，去圖。
penguin highways
企鵝腳印
嘻嘻，影到企鵝腳板底！
唔知係咪企鵝數量太多，變咗有啲企鵝搵唔到食，島上其中一邊企鵝群啲便便係綠色架，即係捉唔到蝦同魚食。
島上有唔少賊鷗Skuas喺度等機會，仲見到有隻企鵝B死咗，兩隻skuas食緊佢啲內臟，咁殘忍唔貼出嚟喇，我都係唔zoom近咁影張以記低見過咁嘅情景就算。
唔影相嘅都被南極觸動，唔洗叫自動影！
行行吓遇到船上嘅攝影師，佢話附近有企鵝哺蛋（下圖），仲帶埋我去影，好在遇到佢啫！其實呢，上次北極個trip都係佢做駐船攝影師，我覺得呢個澳洲佬唔算友善，對佢印象麻麻，但南極呢次就出奇地nice喎，仲主動話認得我哋。
好鍾意Cuverville呀，啲路唔難行，仲要要冰山有冰山、要浮冰有浮冰，配合埋可愛企鵝，真係冇不愛嘅理由！
上返郵輪後去餐廳食晚飯，跟住上甲板再影過，估唔到夜啲天色仲好，到夜晚八點仲出埋藍天同少少陽光。
夜晚九點天色好到有倒影添，超靚！！！！！！
夜晚十點，女廚師喺七樓甲板準備咗挪威魚湯，不過好似重手咗啲，鹹得好利害！順便影埋日落餘暉又完成一日嘅旅程喇。
到「Venus遊世界」總目錄
您可能會對以下博文感興趣:
 |
 |
 |
 |
Copyright © 2016 by Venus. All rights reserved.
好多企鵝呀.....
回覆刪除真喺好靚景色呀
係呀, 多得好誇張
刪除同意呀, 好掛念
作者已經移除這則留言。
回覆刪除中間有張白(冰)背景6隻企鵝的, 好有卡通感, 好鍾意!
回覆刪除我初初睇以為第一張係鯨魚屍體, 諗緊咪好鬼臭囉, 再睇下應該係兩舊石頭 XDDD
我都超鍾意嗰張呀 ^0^
刪除吖, 我哋冇特別問呀, 但真係似鯨魚骨
可憐呀!!咁多野做.....兩個禮拜無見你超掛你(心心)
回覆刪除今次登呢個島又好有南極feel喇~~~
d企鵝仔腳印好可愛呀!!!!
我見到綠色便便!!
係呀, 忙呀, 睇嚟要調節吓
刪除多謝掛念, 小t幾時都咁sweet, 我都有掛妳架, 不過少咗周圍去visit blog友仔, 真係唔好意思
係呀係呀, 企鵝真係乜都可愛到暈
島上有一邊全綠呀, 慘慘, 應該係企鵝太多, 食物唔夠分
天氣真係好到呢?! 影什麼都靚, 仲有影咩有咩. 咁好天夜晚見唔見到南極光?
回覆刪除夜晚個天色好靚呀, 啲倒影出晒嚟, 其實入夜好寒吓, 不過都抵住冷欣賞, 好靚, 真係好靚!
刪除船上冇宣佈過, 應該都冇喇, 因為夜晚11點個天都未黑齊, 夏天嘛, 黑夜太短喇。我都好想睇南極光呀, 未睇過 >.<
企鵝腳印都好可愛
回覆刪除你個愛斯基摩人造型都好有型喎^^
係呀 ^^
刪除嘻嘻, 多謝, 好寒呀, 要包到糭咁, 其實都係要影相先見番塊面, 原本係封剩額頭架咋 ^^
企鵝咁可愛點可以唔影相呢！比我就唔捨得走喇。
回覆刪除影到傻呀, 冇停過咁滯 ^^
刪除真係唔捨得走