2014年4月12日 星期六

荃新天地──上海婆婆、滿記


三月的某個晚上要到荃灣工作,為免有"慘情"的感覺,將剛下班的丈夫接到荃灣相伴。今次介紹的兩家食肆都在荃新天地的地下樓層,二者只相距幾家店舖。

上海美食中,擔擔麵和小籠包絕對是我所愛,今回也點來試試。


婆婆擔擔麵($42):花生醬香濃味美,肉末多,麵質挺,超讚!肉末之多冠絕下方提及的連鎖上海菜食肆。


366上海小籠包($32):皮薄湯汁多,讚!


螺肉冷麵:螺肉條多而鮮味,惟冷麵過硬,就評為普通吧!
螺肉本身質地偏硬,屬較難消化的食物,若冷麵不浸至腍身一點才撓上來,二者皆難消化,會大大加重胃部的負擔啊!

香港的上海菜連鎖食肆中,翡翠、金滿庭、霸王山莊和上海婆婆各有支持者,就報報差不多每次必點的擔擔麵和小籠包的價格,方便Blog友們比較。

翡翠、金滿庭、霸王山莊的食評連結如下:

翡翠拉麵小籠包(沙田分店):http://venushk.blogspot.hk/2014/03/NTP.html

金滿庭、霸王山莊(奧海城分店):http://venushk.blogspot.hk/2014/02/oc-2.html


吃過晚飯後,見時間仍充裕,就到隔鄰的滿記吃甜品,店子裝修成圖書館的格調。


點評食物前,要說說那外型獨特,但並不實用的匙,那除了體積過大過厚外,方型設計在使用上甚覺笨拙。個人覺得甜品匙還是小巧的、薄身的最實用,也最得我心。甜品不是應該"賣精緻"的嗎?


點了甘露豆腐花,甘露不帶酸,稠度合適,有相當份量的芒果肉,豆腐花有黃豆香,質地細滑,讚!


金黃蕃薯糖水熱騰騰的,薑味十分濃郁!糖水的甜度掌握得宜,蕃薯新鮮、軟腍且入味,超讚!


已經好一陣子沒光顧滿記,想不到中西糖水都有如此高的水準,猶記得多年前市區沒分店時要專程駕車到西貢吃,奈何山長水遠也不覺糖水的質素有驚喜。今回晚上要加班,心情麻麻仍覺得好吃,那就真是糖水本身有超班的水準啊!

到食評目錄

到「Venus遊世界」總目錄


您可能會對以下博文感興趣:
冰島住宿 挪威極光 英國威爾斯 挪威奧斯陸
冰島住宿及飲食2013
挪威-實現極光夢2012
走進英國威爾斯2011
魅力奧斯陸2010



4 則留言:

  1. 多謝介紹分享,
    我家附近的荃新天地,
    上述兩間都無光顧,
    其實這商場都只是到過一次,
    喺咪好奇怪呀:'(
    我愛上海菜,
    通常光顧利舞台滬江大飯店(老式上海菜),
    霸王山莊:我 like 佢地手拉麵。
    金滿庭、翡翠都食過,唯唔啱我口味!

    回覆刪除
    回覆
    1. 係呀, 我以為荃新天地係荃灣o既新蒲點。
      咦, 果然係各有擁躉呀, 我完全同路霸兄您相反, 我比較鍾意翡翠同金滿庭 :)

      刪除
  2. 甜品匙還是小巧的、薄身的最實用 <== 同意呀!講出我心聲~~ 食雪糕都係架,我老公試過在家幫我畢雪糕,再拎隻中式湯匙俾我食,我都立即走入廚房搵過第二隻銀色薄匙羹黎用呢! (≧∇≦)

    回覆刪除
    回覆
    1. yeah, 有共鳴!
      甜品多數都唔會大堆頭, 份量偏小, 感覺精緻, 整隻大匙真係九唔搭八, 唔知點食 :)

      刪除