2015年12月14日 星期一

Day 2—冰島租車、超市物價和Laugarvatn地區


答應過自己,不會再選離開航廈的租車公司,上回的不愉快經歷可按入2013冰島租車篇。因此今次選了位於航廈內的Budget Car Rental,從禁區步出後左轉就是幾家租車公司的櫃位。


取車又要等,原先說只需等候二十分鐘,我們已預料至少一小時,果如所料。


我們在機場逛逛,然後到下圖綠色標示那家冰島便利店買了兩隻熱狗填肚。香腸偏羶,炸洋蔥和醬料能夠掩蓋羶味,加上溫熱度剛好,讚!


終於取車了,很怕這種車匙,總覺得會將它弄斷!


取車時雨勢轉弱,惟強風並未止息。甫步出航廈,手上的行李箱馬上被強風吹向左方,我無力救回行李箱,連人帶行李一起被風扯向左方,其實我們是應該走向右方的停車場的。這就是冰島,強風處處!因此去冰島最好準備雨衣或防水有帽的風衣,打傘是不可行的,冰島的風會將它們摧毀。



上車時花了不少氣力才能打開車門,上車後又差點被車門夾腳,因強風強行將我方的車門關上。和強風對抗了三回,我已無力再下車將車身和玻璃的花痕拍下做記錄了,就交由丈夫處理吧!


機場附近的小鎮有Bonus豬豬超市,那是出首都的必經之路,非常方便。豬豬超市近年越開越多,可按入其網址查看其它位置和營業時間。


Keflavik機場附近的Bonus超市地圖http://www.bonus.is/verslun/fitjar/
Bonus超市網站http://www.bonus.is/


一起看看冰島超市的物價,拍了些價格便宜的貨品。




白麵包可用來弄三文治或多士,豬豬牌只ISK169(約10港元),然後夾些肉、芝士或吞拿之類,簡單又好味。


餅乾和零食是自駕必備的,這款大牌餅只賣ISK98(約6港元),比香港更便宜啊!


租用有廚房的住宿,相信會一嚐焗pizza,快捷美味。圖中三個品牌在上次冰島之行皆買過,三款味道也不俗,餅底不會過份軟身,價格由ISK298498(約1830港元),比香港的售價便宜一截。比較偏愛最右方那個Dr. Oetker品牌,因香港出售的價格貴一倍有多。


發現平價得過份的豆漿,還要有「有機」字眼,健康概念我buy,只ISK59(約4港元)就有一公升,在檢查過沒有過期後決定勇敢一試。在我的認知當中,豆漿難喝極也不過帶燶味。這瓶甫倒進杯中即發現有凝固物,有點驚嚇,放近鼻子可沒嗅到酸味就試飲一口。信我!從未喝過那麼難飲的豆漿,在香港我連無糖那種都能喝的,這個味道實在非常古怪,加上那些嚇人的凝固物,決定丟棄。


上回煎過很多次魚扒,感覺較健康,豬豬超市出售的魚扒差不多全都試過,這款是上回總結後一致公認平靚正的,ISK998(約60港元)已有1kg


從來都懶切生果,如與爸媽同行,差不多每天會有自製的精美生果盤吃,想起也口水直流。今回只有丈夫和我兩個懶人,只好吃蕉!價格以每kg計,就以香港有出售的Dole品牌計算,ISK259(約16港元)一kg,只比香港稍貴。


離開超市後開始長途駕駛,雖然這天只走了129公里,只可算作是「濕濕碎」的距離,惟下雨加上超級強風,覺得人很累,或許與24小時沒認真睡過也有關係吧!


雨未算傾盤而下,還可清楚看到前車的,惟風吹得很兇,後來到了酒店查看冰島道路網始發現發出了強陣風警告,從機場到首都那段路有30m/s或以上的超強陣風。



那架日本小車子在前往首都的路上不住地被強風吹動,有一下風來時,我嚇得"嘩"了一聲,整架車在我按實軚盤的情況下仍被風稍稍吹過了隔鄰線,我見到前方比我稍大的車輛有著同樣的狀況,幸好當時鄰線沒有車,我也馬上修正了車子的方向。冰島大風是常態,惟今回大得有點過份吧!


後來查看30m/s的風究竟有多強,原來在12級強度中屬於第11級,真誇張。上方截圖出自https://en.wikipedia.org/wiki/Beaufort_scale


冰島道路網資料十分詳盡,還可看到實時路況,尤其在春、秋、冬季遊冰島的話,部份道路會封閉,出發前應該先到網站查看http://www.road.is/


路過平格費利爾國家公園,微雨,下車活動一下筋骨就繼續前往位於Laugarvatn的酒店。





Golden Circle Apartment,自行按入密碼取房匙。





十分後悔、十分失望的住宿。因遲訂住宿的關係,附近的選擇不多,純粹為了位置而選擇它。網上相片的室內環境是可以的,實景卻是宿營住宿的質素,從牆腳等邊位可看出衛生並不乎合要求,很怕遇上不合心意的住宿,會影響整天心情的。


弄多士吃過後,出車到Laugarvatn湖畔走走,Fontana溫泉也在那裡。















有些遊人帶來了雞蛋弄溫泉蛋,行近看水是沸騰的。





參觀後順道駕駛到附近的小型超市買果汁。


回酒店後,我們都覺得很累,索性不吃晚飯了。這晚的極光指數高達kp6,等候極光多次從未見過如此高的極光指數,這是可以穿越雲朵的強極光,惟我們睡前多番往屋外看,仍然是密雲有雨,只好早些起床再碰碰運氣。



待續..


北極三島郵輪極光2015目錄頁

「Venus遊世界」總目錄


您可能會對以下博文感興趣:
北美極光 紐西蘭南島 冰島住宿 塔斯曼尼亞
航機上偶遇極光
新西蘭南島秋色
冰島住宿及飲食
塔斯曼尼亞北部


18 則留言:

  1. 現在香港東西不平宜, 比起很多歐美消費, 也不會平, 現在香港生活不容易呢1.

    再看看國內同胞不斷來香港購物, 可想而知, 國內同胞在國內生活更不容易呀

    回覆刪除
    回覆
    1. 完全同意, 香港物價真係唔平。生活品視乎唔同地方唔同產品, 各有各貴, 唔會一面倒外國貴晒, 至於高消費品就一定係外國平。

      刪除
  2. 又話冰島高消費,睇嚟並非如此,
    豆漿好似喺壞咗喎,可能超市處理不當所至,
    住酒店乾淨至重要,除了大品牌五星級酒店外,
    只有日本我是最滿意的。

    回覆刪除
    回覆
    1. 尤其呢排美元強勢, 兌外幣個rate咁靚, d野即刻打晒折咁
      冰島入餐廳食會比較貴, 大概係等於香港中高價餐廳o既價格
      我都唔知d豆漿有冇壞呀, 但冇變酸, 始終人在外地唔舒服就大劑, 所以都唔敢飲喇
      同意呀, 乾淨最緊要, 北歐都大體上唔錯o既, 呢間評分唔算高, 係我貪佢個位就我地行程, 搞到有d唔開心添 :(

      刪除
  3. 下次試下blue car rental囉~都係衰之中算係幾好~我地今次一出禁區就見到佢企係度等我地~我地去唱錢期間已經話集齊人上車了~取車就半個鐘啦~總體黎講今次算係唔錯~
    我地有時懶~所以好多時都出去食~我覺得價格還可以~
    溫泉蛋哥個真係想試下~~~~

    回覆刪除
    回覆
    1. 唔好喇, 已經兩次唔o係航廈都"領"野, 雖然要等, 至少我知道有人做緊野, 好過我唔知去邊度搵個職員出o黎。番番工之後, 去得都係長假期最peak時候, 佢地生意多到做唔切, 服務自然差d。
      今次只係留冰島2日半, 所以都唔花時間入餐廳囉, 上次同家人一齊就比較多出去食, 費事要佢地煮咁多
      妳下次去冰島試下 ^.*

      刪除
    2. 其實我哥兩次都還好~而且都算快攞到車~~~~咁又係呀....我去旅行時人地都係去旅行je.....所以都係穩陣d好既~
      留冰島好少時間今次~不過你有去西北面玩嘛!!我地好想去...但驚d路去難揸呀...佢d公路d數字好似都好大咁
      唔知係咪淨係呢個區先有呢d湧出黎既溫泉呢~~~

      刪除
    3. 之前兩次都8月, 見到d租車公司超多客
      之後用郵輪去西北部, 我都係驚d路難揸, 連東面1號路都咁爛, 真係唔敢亂揸
      又唔知bor, 冰島咁多地熱區, 我諗有其它

      刪除
    4. 我6月哥時還好~~~
      我偷聽團友講下一次好想去埋西北哥邊..因為佢地有朋友去過真係好靚~
      你仲好~坐郵輪唔駛驚~西北玩左幾多日呀~

      刪除
    5. o係冰島停左兩個ports, 西北面再靜d, 都係我杯茶, 我係鍾意好靜好靜, 俾個靚景我望住就得o個種人, 我驚妳覺得西北面悶, 因為冇乜大景點

      刪除
  4. Hello!! 我都係同你差唔多時間去冰島玩, 都係住係Laugarvatn附近呢!! 不過我都未寫到冰島呢個trip, 大家都努力吧. 有時間可以大家交流下旅行心得.

    回覆刪除
    回覆
    1. 有新朋友光臨呀,歡迎歡迎 :)
      加油,每個trip都好值得記低

      刪除
  5. 原來仲有個温泉架, 你有冇浸呀?

    回覆刪除
  6. 連車都吹得郁,真係超級大風喎@@

    回覆刪除
    回覆
    1. 冰島d風一向都癲, 今次係超癲, 好在架車唔係咁高身

      刪除
  7. 咦! 我掉返轉離開機場租車有愉快經歷喎~ 剛好又是冰島
    住宿全部唔啱心水,點解要book定,唔去到睇到啱先入住呀?
    豬豬超市超懷念,看來物價現在更便宜了。

    回覆刪除
    回覆
    1. 我諗都係睇番好唔好彩, 我會擔心聯絡唔到租車公司, 所以我唔介意佢地要我等, 至少我知有人安排緊
      唔得架, 我寧可去到失望都一定要book左先, 咁樣安心好多架。同埋第二晚我係滿意o既, 只要極度乾淨同埋新我就ok架喇
      宜家個rate更靚嘛 :)

      刪除