2016年1月10日 星期日

Day 6極地郵輪第二站—冰島Flateyri及觀鯨



近況二三事

經歷2016年第一次黃雨的威力,平常鮮離開商場,這回必須到外頭辦點事,返回商場時鞋襪盡濕。在辦理泊車優惠時,職員一番好意說可以叫保安協助我從有上蓋的入口處離開,為免保安不知就裡以為我氣燄囂張,提出特權要求,故婉拒了那女職員的好意,說會等到雨勢稍緩才離開,於是在停車場拍攝一下水浸情景,室內竟可拍得清晰的水中倒影。


待至接近二時,雨勢毫無轉弱跡象,還是要在大雨中離開吧!從正常出口離開,甫打開車窗拍咭即濕了一車,下次必定會接受人家的好意呢!

還有不到兩星期南極之旅就出發,有將近一個月未能陪伴家人,幸好這星期訂好了機票與父母同遊,感覺上可補償未能相伴的日子。

這星期經常外出用膳,於是也加大力度迫自己運動,持續每天步行近十公里,但跑步對於我這種多年零運動的人來說仍然吃力,那連續跑1.3公里的紀錄只有兩天能達成,如何才可以對自己苛刻一點?步行實在花時間,效果卻並不顯著,還是要向「跑」的方向進發啊!

續極地郵輪遊記


很喜歡這天的旅程,弗拉泰里(Flateyri位於不曾踏足過的冰島西北部峽灣區,新地點本已叫人期待,加上藍天白雲、翠綠山巒,完全地展現出大自然的美態。




早上八時許到餐廳吃早餐,今天試試「即叫即整」,賣相、味道和溫度皆不俗,只是又是那些不健康的醃製肉類,就算味道再好也不會每天吃呢!


餐後必經郵輪位置顯示屏,還差少許始進入北極圈。



從七樓休息室看小鎮,Flateyri是一個僅有二百多人口的峽灣小鎮。


九時許到鎮上走走





The nonsense museum,由於太早未有開門。


鎮上教堂,據說其彩窗出自著名工匠之手。




豎立在教堂旁的紀念碑用以紀念95年雪崩慘劇中的20名死難者。


往山上走,欲參觀雪崩屏障,山上那個明顯的A型就是用來防止雪崩再度侵襲小鎮的。







從山上看小鎮






站在雪崩屏障上



回到山下,絕美的湖中倒影。





市內一隅






這個角度可清楚看到雪崩屏障


返回郵輪時經過書店門外,見到有趣"煙灰缸"。這方法實在好,平常路過街上的垃圾筒,我總會閉氣以避免吸入那無遮無掩的煙灰缸所散發出來的煙味,假如有蓋就可讓空氣清新一點!



返回郵輪吃午飯


飯後到鎮上嘗試找wifi,呵呵,哪裡有wifi?一目瞭然吧,一群人在埋頭苦"篤"!




下午二時,郵輪離開Flateyri,我們在甲板拍了一會後到健身室打乒乓球。





發現在航行中的郵輪上打球會有點暈眩,於是回到了甲板。








下午三時到演講室聽講座,內容是講述今晚抵達的另一冰島小鎮Ísafjörður。很喜歡聽講座,可以學到地名的正確讀音,也不用自行找資料。


講座接講座,我們雖沒有參加獨木舟項目,但見無事忙,又坐著聽聽。


講座尾聲,中央廣播宣佈船舷出現鯨魚,各人馬上回房取相機。



我們在房中舷窗見到鯨蹤,拍了幾張後才走上甲板。




郵輪停了引擎免得嚇走鯨群,乘客們很忙,因船身各個方向皆發現鯨蹤。














一直對現在使用的鏡頭感滿意,焦長有18-200mm,大部份時間夠用,就除了在拍攝鯨魚和北極熊時,實在拉得不夠近,好生無能為力的慨嘆!看駐船攝影師和其他乘客的攝影器材,我也毫不客氣地拿我的BB班級數相機出來拍攝。


後來在郵輪上的一個鯨魚講座中,講者提到我們在船程中見過Humpback whalefin whalekiller whale,我馬上做了筆記,惟所拍到的究竟是哪種鯨,我就無力深究了。



拍了超過半小時,極地寒風太冷了,決定先往七樓休息室吃下午茶及暖暖身,想不到仍清楚見到鯨蹤。






於是走到五樓甲板,這回很驚喜,鯨魚正正出現在郵輪旁,彷彿伸手就能觸及。這時候部份乘客要到二樓租用水靴,我們已自行帶往,所以可全副精神花在觀鯨上,無需分心。






回到房間仍然透過舷窗見到鯨尾。



休息一會再到甲板拍攝,波平如鏡、倒影醉人,不就是人間仙境。








到餐廳晚飯及到郵輪上的唯一店舖購物,貨品價格合理,偶爾見店內簇擁著客人。


晚上八時許抵達第三站Ísafjörður,乘客可隨意下船遊覽,我們則決定翌日才動身,反正時間多著。





停了船,可試打乒乓球了。



北極三島郵輪極光2015目錄頁

「Venus遊世界」總目錄


您可能會對以下博文感興趣:
挪威北部 十二門徒國家公園 聯合國總部 馬德里
挪威北部郵輪
澳洲十二門徒國家公園
紐約曼哈頓
西班牙馬德里

41 則留言:

  1. 200mm 影到鯨魚同北極熊,即係佢地都好近了。
    新相機買左咩呢? 企鵝應好近喎

    回覆刪除
    回覆
    1. 有段時間好近, 條鯨魚直情o係郵輪側邊玩, 超開心, 冇諗過可以近到咁
      係呀, 企鵝近, 唔洗買長鏡囉, 我係嫌d相o既質素未合心水, 心思思想買部full frame, 原本鎖定canon 5D mark3, 但拎上手就即刻打消左念頭, 於是又係買番無反, sony部alpha 7II, 宜家支天涯鏡都用得番。

      刪除
  2. 我呢次紐西蘭之旅都睇到抹香鯨一條

    回覆刪除
  3. 作者已經移除這則留言。

    回覆刪除
    回覆
    1. 好呀, 多一樣野影下 :)
      鯨魚對於我只係一條大魚, 我聽完d名都暈暈地, 分唔清係乜, 又只係露得一忽出水面 ^^

      刪除
  4. 今次去南極影企鵝記得帶長鏡去囉
    原來開船打乒乓球會頭暈
    我只認得殺人鯨,有黑白紋
    個gym room好似唔多人用咁,經常畀你地包場^^

    回覆刪除
    回覆
    1. 唔會喇, 企鵝可以登岸影, 反而北極呢次有認真諗過買唔買, 最後都係覺得用得少, 我又唔想孭多支鏡, 所以決定慳番 ^.*
      係呀, 因為要集中望住, 所以打左幾板已經覺得暈
      係呀, 黑白色, 好似海上熊貓咁
      個gym room之後多人呀, 可能餐餐食自助餐, 大家都覺得需要消耗一下 ^^

      刪除
  5. 好緊張呀你就出發~~~
    買左機票同爸媽去邊呀~~真係乖乖女喇~~~~~~~
    好正呀~~咁近就睇到鯨魚!!!!!仲係郵輪上就睇到~~~~
    佢地好似好近岸咁既~~

    回覆刪除
    回覆
    1. 我都好緊張呀, 但只係擔心南美o既治安 >.<
      我係好乖架, 我認 (^0^)v 小t都好乖女 ^.*
      正呀, 冇諗過佢會游到咁近, 我支鏡都算係影到下野
      據expedition team個leader講, 由Flateyri去Ísafjörður呢個海域係觀鯨熱點, 所以郵輪條航線咁樣plan

      刪除
    2. 你地兩個成日好似約埋咁,一齊去冰島,格陵蘭,依家又話南美

      刪除
    3. 就係冇約埋, 所以到宜家都未見到 >.< 好期待同小t o係地球o既另一邊相遇, 一齊食個大餐 ^0^

      刪除
    4. 我諗又未必咁差既~我覺得阿根廷都應該還好...
      我地記得著得難身難勢d就好啦~~~(其實我都好驚)
      我地都係乖女~~~~~
      如果係我哥部相機就......應該拉唔到過去影~~我部5年前既老爺爺~~~
      0我!!!!!!!!!!!唔怪得咁易睇到啦~

      刪除
    5. 我地又查實真係幾岩喎!
      2013年去冰島..
      2014前後一個月去澳洲
      2015又係冰島~~~~
      2016又係差唔多時間去南美!!
      我同你真有緣喎!

      刪除
    6. 都係o既, 未必咁差, 正如實地唔覺得馬德里治安差一樣, 但之前自己嚇一自己一輪先。
      會呀, 完全係我o既諗法, 次次去呢d危險地方, 我都會搵全屋至樣衰, 顏色最低調o既, 總之要成為最唔起眼o個個!
      其實我冇盡用過200mm, 超低能, 一zoom得多就搵唔番條鯨~.~ 成日話要練攝影技巧都係得個講字

      刪除
    7. 嘩, 原來咁多次! 2015係冰島同格陵蘭中晒呀!
      最後都係冇見到呢, 只證明我地品味差唔多 ^.*

      刪除
    8. 我地兩個都唔好自己嚇自己喇咁~我好彩d~你出發先過我~~你可以多d係fb page報導實況嘛?
      我都係諗住一路著將d野一路唔要咋~~~~~~不過都要有番d好d既外套既~話哂都要影相嘛~
      其實.......我用普通相機都係....一zoom左埋去:咦~條鯨魚呢~....我真係好低能~

      刪除
    9. 係呀~我地連續4年喇~~~~~~

      刪除
    10. 我停不了地自己嚇自己, 不過警覺性高都好o既, 乜都會小心d。一定會, 南美d酒店應該有wifi, 希望可以話俾妳知當地安全, 放心著靚衫 ^.*
      唔緊要囉, 著得衰都可以照影, 唔post咪得囉
      嘻嘻, 我咪一樣, 見到條鯨魚o係老遠, 起勢係咁扭支鏡, 但之後搵唔番條鯨

      刪除
    11. 其實我應該跟妳同一個期, 咁我就可以勁睇極光喇!
      其實妳呢個trip究竟睇左幾多次極光? 宜家妳寫到第7次已經平晒我幾個極光trip紀錄, 好利害呀!

      刪除
    12. 警覺性高總好過警覺性低...話哂去到咁遠~~(但去冰島我從未有呢種感覺..因為人影都無隻)..好呀好呀~~~靠你做先頭部隊^^
      可能我著得太衰毛寶會唔幫我影靚靚架~~~~~
      wakakakak~感覺我地兩個都好傻仔~

      刪除
    13. 如果你後一個禮拜出發既話~~可能真係係海上睇仲震撼!!!!!!
      後面都有既...不過就唔再有之前睇哥d咁勁喇...因為又有雲~
      不過我唔貪心喇...因為我睇左好幾次咁靚的...已心足

      刪除
    14. 市面感覺同治安方面o既形像好重要, 去到北歐好少會見到鬼鬼祟祟o既目光, 個人會自然放低個防護罩, 但仔細諗番, o係丹麥同冰島分別遇過色狼同蠱惑職員, 睇o黎要練習下低警覺性時個樣都唔可以太豬 >.<
      妳話考下毛寶功力, 著件至樣衰o既都要影到公主咁 ^.*
      所有技術都係要反覆練習, 我地唔練咪變傻仔囉 ^^

      刪除
    15. 係呀, 但我要就郵輪個期, 所以日子都冇乜得走盞, 極光呢家野, 真係講運氣, 講緣份, 妳第一次就睇到kp9極光, 連妳個host住左咁耐都話未見過, 我相信我去多10次都係唔會見到強到咁o既極光, 所以算啦, 我都滿足架喇, 至少我每次都睇到, 身邊都有朋友係食白果架, 都唔可以要求咁多喇 :)

      刪除
  6. 有當地人話西北角才體會到更加冰島,看來是真的。
    不到兩星期南極之旅就出發,攪到我都想再去呀!!!

    回覆刪除
    回覆
    1. 你11年去南美嘛, 我有睇呀, 睇到好緊張, 你朋友俾人搶野嘛!
      我宜家南美個行程, 最危險應該係布宜諾斯o個幾日, 夜晚一定打死都唔出街!
      南美好想去天空之鏡, 但幾想都好, 一諗到沿途要捱苦就乜夢想都假, 等佢發展下, 遲d有lux lux地住宿先, 今次若果唔係為左南極, 我都一定唔會踏足南美, 因為會唔會遇到壞人都好, 我都會自己嚇死自己先

      刪除
    2. 係,打錯南極XP
      唉,我嘅遭遇是個別事件,真係慘⋯ 其實只要小心點應該無問題的,期待你精彩旅程。講真真係又攪到我燃起去南極嘅興趣。

      刪除
    3. 唔緊要啦, 我知你打錯呀, 打打下就亂架喇, 睇左你個blog咁多年, 你都唔會係亂認亂作o個種人 :)
      你好勇呀, 夠膽企o係度唔走! 錢財身外物, 最重要係攞番個passport, 真係好似你話齋"盜亦有道"喎, 佢地肯掉番個passport俾你!
      會呀, 我會高度警覺架喇, 同埋去到邊我都入夜前番到酒店o既, 希望順利啦
      好啦, 番到o黎話你知南極係咪值得去, 將要達成多一個夢想喇, 好期待!

      刪除
    4. Venus真係了解我,我真係唔鍾意亂吹水作大嘅人。
      不過你近來有無發現網上多左好多旅遊專家,有好多遊記係其他網站出現。但佢地全部都唔係好似我地blog友咁記下所見所聞,而是寫到好似旅遊書咁,資料極詳盡,景點介紹的極詳細,好似為成名咁樣。
      唔使講一定係值得去啦! 我實追實你遊記架!

      刪除
    5. 文字係從心出發架嘛, feel得到o既 :)
      我又冇留意喎, 但多左人contact我囉, agent又有, 媒體又有, 搞到我都拎走左版面個contact。訪問我就唔介意o既, 一話合作做d乜乜物物就咪搞, 諗下都覺得煩
      多謝支持 ^0^

      刪除
  7. 好靚既景, 仲睇到鯨魚. 你都影得好近啦!! 去旅行又要帶多枝鏡, 又真係好重!! 我自己帶帶下都唔想拎, 最後都係帶一枝鏡走天涯.

    回覆刪除
    回覆
    1. 多謝鼓勵 ^^ 係近, 但唔識處理d光線, 我覺得換轉係d攝影高手, 就算用番我部機, 都會影得靚好多!
      完全同意呀, 一諗起要自己孭就咪搞, 希望d攝影器材可以越出越輕

      刪除
  8. 香港冬天很少這般多雨呀, 還是黃雨, 真是令人納悶.

    這裡的地貌跟加國的北大西洋海岸很近, 不過, 那裡很多像圖中這些小鎮是沒有路去到的, 只能靠船運補給, 當地的東西十分貴, 居民主要靠政府的補助過日子. 不過, 在你相中見到有巴士, 即是當地有公路去到, 十分神奇, 竟然有路入去這些200人的小鎮.

    我想那些可能是 FIN WHALE, 因為KILLER背上有大魚旗, 而 HUMPBACK是很大的.

    回覆刪除
    回覆
    1. 係呀, 好似話係最早出現o既黃雨, 不過只係維持左好短時間, 我偏偏正正o個段時間活動 >.<
      咦, 其實都係同一個洋喎, 都係北大西洋
      有呀, 呢度有陸路去, 咁之後greenland同svalbard應該更似你形容o既地方, remote到要靠船運補給。後來聽講座時, 講者會提我地盡量唔好o係佢地超市買咁多野, 否則當地人o既物資就會少左
      yeah, 幫我分埋, 太好喇! 我對魚同鳥都冇乜興趣, 只係當多樣野影下 :)

      刪除
    2. 我都係估下係乜鯨魚吧.

      我想, 你那郵輪不單帶動旅遊業, 連帶航運貨物入去偏遠小鎮.

      其實 GREENLAND 和 ICELAND西部 係北美版塊上, 地質應該跟我們東岸十分相近.

      刪除
    3. 你分析得有道理喎, 我都search過呢3種個樣, 真係似fin whale呀 :)
      冇呀, 船上講座有講到, 只係有d船員識當地人, 會私下幫手o係冰島買物資帶俾佢地
      係呀, o係同一個板塊上, 相信北美都會係一個好吸引o既地方

      刪除
  9. 妳&小t都喺乖乖女(^^)
    妳地又咁啱去南美,
    南美冶安喺咪好差,我又覺得唔喺喎,見迪易達去墨西哥特輯,市面好太平,TVB 莫家淦 李天縱 南美特輯好開心又靚。

    回覆刪除
    回覆
    1. 嘻嘻, 多謝路霸兄!
      係呀, 又咁啱喇^^
      我都有睇莫家淦、李天縱o個輯呀, 佢地有鏡頭對住, 應該唔會搵佢地落手。我固然希望係自己嚇自己, 希望順順利利啦 :)

      刪除
    2. 我見到有我個名~~~~~多謝路霸哥哥^^

      刪除
  10. 好彩出太陽, 景物靚好多.

    回覆刪除
    回覆
    1. 係呀, 一冇太陽就灰灰濛濛咁, 藍色、綠色呢d大自然嘅顏色真係好靚!

      刪除