2016年3月29日 星期二

Day 15-16極地郵輪—格陵蘭海上航行


還有幾日就開始下個旅程,那個地方總會叫人聯想起陽光與海灘。我已打算穿長袖衫上陣,如果不太熱的話,樽領更合意,呵呵,希望旅程中有充沛的陽光,但不會曬黑,facebook專頁見了!

續遊記,連續兩天的海上航行日


這兩天大部份時間在下雨,因此沒有到甲板拍照,上圖是從室內落地玻璃往外攝的。

Day 15

早餐後往聽講座


午餐後再聽講座,由Erik主講,講題為Sirius Sled Patrol天狼星雪橇巡邏隊,這是整個郵輪旅程中最精彩的一場講座。


Sirius Sled Patrol屬丹麥海軍小隊,須經嚴格挑選和訓練,負責以雪橇巡邏格陵蘭東北部的領土。巡邏隊在二戰時成立,起初是保護格陵蘭免落入德軍之手,戰後就是為了向世界宣示丹麥擁有格陵蘭的主權。據說格陵蘭對開海域的石油蘊藏量可媲美北海,也有豐富的貴金屬礦藏,只是在極端環境下以現今技術難以開發,因此丹麥長年派駐這海軍小隊,積極保有對格陵蘭的主權,免得其他國家虎視眈眈。


Erik由小隊成立的目的、歷史,到選拔和訓練過程,到如何實地在格陵蘭的嚴冬和永夜下生活都一一分享。低至零下50多度的嚴寒和兩個月全無日照的日子,對於我們都十分陌生,Erik輔以精彩照片、無數故事和幽默的方式表達,這是唯一一次掌聲停不了的講座,看得出講者也被我們的熱情所感動。如果大家有意參與這條航線,記著ErikSirius Sled Patrol,非常值得一聽!

講座後駐船攝影師辦了個鏡頭清潔工作坊。


又到另一個講座


我們的郵輪在格陵蘭海不斷避海冰,應向東北方向走,卻往南去。


下午茶時間


晚飯適逢格陵蘭海刮起大風浪,船身不穩,餐廳冷清。在船艙內行走已不能走出直線來,飯後回房時更撞上樓梯扶手,瘀了一片。


晚上風浪仍大,睡得不大安寧,沒吃止暈丸的我被風浪搖醒。睡夢中船身更突然傾斜,整個人向床尾方向飛出,現在回想起來,覺得有點滑稽。記得飛了半個人出床後,腳於床尾著地,朦朧中努力地爬回枕頭方向,望到隔鄰睡床上的丈夫也在一起爬行,十分有趣呢!

Day 16


早餐後到六樓集合,終於能夠參觀駕駛艙了,之前因天氣和海冰狀態不穩定已兩度改期。船長先簡單介紹儀器和設備,然後自由發問和拍照。






駕駛艙有職員輪班搜尋海上動物和極光,見下圖窗前,我們能夠看到多少就全賴他們的眼力了!


郵輪終於走著對的方向,不用再南下避海冰了。


鯨魚講座後吃個午飯


下午有多個講座,先來海冰,一個極感興趣的講題,講座中介紹冰的形態、fast icedrift icepack ice對船隻的影響。聽後很高興,覺得長了知識,感謝講者Lauritz的準備。



下午茶後是有質素保證的ThereseFox & Ox講座,她還帶了麝牛毛來給我們傳閱。



ThereseLauritz兩位都是經常遇上的講者,兩位的簡報內容也豐富,而Therese的準備總是多做一步的,能具信心地回答聽眾問題,比Lauritz更優勝,是必聽之選。

行程預告講座,又有驚人消息,這個expedition team leader每每刺激著我們的神經!


郵輪原預算先到Ny-Ålesund新奧勒松(下圖橙色標示),然後才到尾站Longyearbyen朗伊爾城。


一般前往Svalbard斯瓦爾巴群島的郵輪都會順道到這兩個地方,因為Svalbard就只有這兩個較具規模的有人定居地,但expedition team leader竟說時間不足以前往Ny-Ålesund!此話一出全場哄動,然後是各項建議和質詢,expedition team leader的態度和脾氣愈來愈差,席上有對老夫婦和氣地問在Svalbard有沒有時間找北極熊,他竟回應「在格陵蘭已經看過,要再看可到動物園!」這回應引來嘩然,Svalbard向以觀看北極熊為旅遊賣點,因此我認為這是合理期望,再者合理與否,也不應該那樣無禮地回應吧!聽到這兒,我不想再留在講堂了,免得壞了心情!


到餐廳晚飯,這晚是主題自助餐,叫菲律賓之夜。



郵輪之旅快要結束,是時候消耗已購買的wifi時數,於是獨自到大堂上網。這晚人緣很旺,很多船友過來攀談,更玩中西交流,由我當翻譯,消耗了不少腦力,回到房間有點累呢!


這晚的節目還未完,晚上九時許有慈善拍賣,籌得的善款用來幫助格陵蘭Ittoqqortoormiit的小孩就學。較相熟的內地船友一見我即到來耳語,指指那幾個來自東北的有意競投,需要翻譯。其實大部份內地船友都溫文有禮,就只有東北那幾個是看得出的財大氣粗,在餐廳見他們喝酒喝得很利害,對這類「土豪」不存好感,馬上推說丈夫更適合。


拍賣品中,除了船公司旗幟土豪們不喜歡沒參與競投,被一外國人投得,其餘都成了土豪們的囊中物,的確豪氣!


後來聽丈夫說,土豪們見投得船公司旗幟那位外國人得到女職員主動獻吻,竟指示丈夫叫女職員吻他們,見丈夫不加理會,還好意思重覆說幾遍,實在太慶幸自己沒有過去當翻譯!


拍賣過後已屆晚上十時,還有船上職員的歌舞演出環節,我還是想過一個靜靜的晚上,先自行回到房間休息。



郵輪將於翌日抵達斯瓦爾巴群島並進行最後一次登岸,待續


北極三島郵輪極光2015目錄頁


「Venus遊世界」總目錄


您可能會對以下博文感興趣:
lake tekapo 布魯塞爾 茱莉亞音樂學院 南極
新西蘭南島住宿
比利時布魯塞爾
購物及藝術在紐約
南美、南極資訊


Copyright © 2016 by Venus. All rights reserved.

38 則留言:

  1. 作者已經移除這則留言。

    回覆刪除
  2. 呢個郵輪團的某些服務真的要大大改變。

    回覆刪除
    回覆
    1. 係呀, 仲有好多改善空間。有時都要講吓彩數, 天氣同海冰係其一啦; 遇到邊個船長同expedition team leader係其二, 因為係佢哋決定條路線點行嘅

      刪除
  3. 其實, 海冰是很難避開, 又花時間, 所以到最後, 為到安全, 船公司都係去少個地方了.

    回覆刪除
    回覆
    1. 安全固然最重要, 但我覺得船長同expedition team leader呢兩個決定條路線點行嘅人, 好似完全唔知啲客諗乜咁, 唉 >.< 個cruise係賣greenland national park, 當然要land多幾次, svalbard以北極熊聞名, 應該要喺svalbard見到北極熊, join得呢啲極地路線, 對緯度一定會有追求, 都唔知喺低緯度花咁多時間做乜

      刪除
    2. 搭咀一下:P
      我地都要過左北緯80 度, 嚮spirtbergen 既一點鐘方向先見到熊.
      睇到你地既原本預定線路又冇去到咁疵, 不過 skip 左 Ny-alesund 又真係好可惜.

      刪除
    3. 隨便搭啦, 歡迎歡迎 ^^
      (流口水中)北緯80度, 諗吓都開心! 1點方向即係東北偏北, Ny-alesund真係唔啱方向喎, 但唔land真係可惜, 太remote, 未必會去番

      刪除
  4. 指那幾個來自東北的有意競投,需要翻譯====>其實佢地唔係有領隊導遊隨團㗎咩,做乜成日叫你哋?你地又無收佢地導遊費....kakakakaka....
    船上咁多talk要聽,D大陸團友如果唔識聽英文係咪會好鬼悶

    回覆刪除
    回覆
    1. 船上嘅內地人來自兩個攝影團, 細嗰團個領隊係廢嘅; 大嗰團個領隊其實好好, 唔合理嘅嘢都幫佢哋做到, 仲會幫佢哋譯行程同餐單, 土豪們係跟好領隊嘅, 但我諗個領隊workload大, 夜晚啲節目冇見佢出現。我有少少同情阿好領隊添呀, 所以幫到就幫, 反正自己當識多個朋友。有次喺餐廳聽到阿好領隊走埋去同佢friend啲客度求救, 話土豪們成日捉佢劈酒, 佢已經飲咗幾晚, 問有冇人可以幫佢頂吓, 真係慘慘。
      係呀, 得英文同德文, 佢哋要自己打發時間喇

      刪除
  5. 土豪去到邊玩都係咁誇張, 我都受不了! 真好意思叫人開口要求抱抱.

    回覆刪除
    回覆
    1. 唔止攬, 要錫添呀救命 >.< 老公話幫土豪們影完相之後, 仲問佢點解唔譯要錫錫嗰句, 真係痴線架!

      刪除
  6. 下...咁無啦啦cut左個行程係人都有d嬲啦...更何況可能對上一次睇哥時有人咁岩無睇呢...
    咁無禮貌架!!

    回覆刪除
    回覆
    1. 係呀, cut咗嗰度緯度高啲, 又難去啲, 呢次去唔到, 睇嚟都唔會再去喇 >.<
      咪囉, EQ極低, 根本有一萬種婉轉嘅方法回答, 撩起大家嘅火對佢自己完全冇好處, 都唔知點諗嘢架

      刪除
    2. 不過我真係麻麻地郵輪...仲係有種好唔踏實既感覺~~~~不過睇你個遊記..又知道有d地方係飛機去唔到既..........愁~
      呢個時候佢都唔安撫大家既情緒咁佢不如每人係房sip張紙入黎同你交代算...佢既出現就係尊重咁話俾乘客知同埋解釋嘛!!!你解釋話之前大浪要行遠左唔再去哥度唔通我又怪你咩....天氣問題嘛!!都係會嬲但係嬲自己唔好運囉.....唔會怪落佢度!

      刪除
    3. 我好鍾意郵輪呀, 因為淨係上甲板已經有好多嘢影, 啱晒我呢啲體能差嘅人。但唔踏實嘅感覺又真係有喎, 唔知關唔關郵輪呢種方式事, 所以我覺得寫blog可以幫我強化番我真係去過呢啲仙境 ^^
      阿leader脾氣差, 直接對話真係唔啱佢, 可能真係印張紙派入房更好。但佢都係解釋唔到架喇, 都掌握唔到啲客要啲乜。最後land唔到Ny-Ålesund, 我哋之後落咗郵輪想join番local tour過去, 但要around 1萬港紙per head, 我真係相信阿leader收唔少投訴信! national park嗰邊係難land嘅, 嗰邊好易結冰, 可以放過佢, 但Ny-Ålesund 9月應該係open water, 根本就係時間預得差搞到去唔到

      刪除
    4. wakakaka~原來係寫blog幫左你既~~~~~我未試過真係齋坐郵輪玩呀....我淨係試過哥時去北歐由某國去某國訓一晚哥種囉~同埋埃及哥時都係郵輪咁樣玩(可能用郵船會好d..因為好細~)
      下?!?!?!?!咁貴架?!??!?!咁去唔到又真係好火滾喎!!!!!!多口一問...你有無送封投訴信俾佢呀?????無野補番又無錢退??平時跟團都會去唔到個行程退錢啦...佢犯哂香港哥d說明條例喎!!!好嬲呀我突然間!!

      刪除
    5. 係呀, 睇住啲相再行多一次個旅程, 印象深刻好多。
      咦, 我哋又喺唔同時間去相同地方喎, 北歐一晚嗰種同埃及nile river嗰啲幾晚船河我都有玩過呀 ^.*
      由6千幾至挨近2萬都有, 梗係冇得退啦, 路線係參考架嘛, 保障晒佢公司架。要投訴真係好方便, 因為落船前嗰晚有問卷派入房, 趁住火火哋都想寫架, 因為Ny-Ålesund我完全冇諗過佢會唔land! 點知老公話"算啦, 出嚟玩吓啫, 唔洗投訴嘛?!" 於是我冇特別寫嘢, 但就如實評分。落船前幾日周圍都聽到唔少人不滿阿leader, 我估大把人投訴, 咁就當多我一個唔多, 放過人即係放過自己啦!之後喺南極郵輪上見番阿leader, 佢冇得做leader喇, 轉咗做幕後嘢, 啱晒佢啦, EQ咁低對客真係c得!

      刪除
    6. 哈哈~不過我都幾鐘意寫旅遊blog既其實...因為可以經歷多次開心^^
      咦~我地樣樣夾..係時空錯喎~
      下...阿leader咁快俾人鄧左冬菇喇....你老公好好脾氣..俾我都可能爆左~
      咁佢地絕對可以玩哂你又無得追究....參考嘛......(但內心只想講一句:妖!!!)

      刪除
    7. 同意呀, 將個旅程再行一次 :)
      時空錯 <-呢句有啲傷感添, 希望將來總有次啱啦
      我諗應該係喇, 我哋南極嗰次私底下叫佢做「冬菇」
      我唔發脾氣嗰陣都好好脾氣架(超級廢話, wakakakakaka), 其實因為佢對極地冇乜追求, 都係陪我去, 咁自然地冇咁在意去唔去到邊度, 同埋極地嘅選擇已經剩番唔多, 佢唔信我將來會唔補番去
      個心就必定妖架喇, 但都會諗係咪自己遇著呢個船長同leader先咁黑仔, 或者遇著醒啲、叻啲、勇啲、經驗豐富啲嘅就唔會差咁遠 >.<

      刪除
    8. hehe~我地總有機會見的~(講完有d緊張..好似就黎會見咁~~~~)
      下~~~~冬菇~~~~~好應景呀~~~~
      哈哈~~原來係陪太子讀書~~~唔怪得佢咁冷靜啦~~~~~~咁佢落船後見到要俾多6000先再去到哥個地方有無嬲嬲呀?
      但我記得你個fb page好似有講話後你一班船d人去到喎....係咪講呢次呀??

      刪除
    9. 好在妳係女仔, 我竟然覺得有啲浪漫 ^^
      係呀, 難得有人肯陪我癲!
      冇啦, 仍然用冷靜低沉嘅聲音話"應該叫佢賠償損失喎", 總算係有人性嘅回應啦, 只係無打算有行動啫
      嗰次係南極, 我哋僅僅入咗南極圈, 但下一船落得再南啲, 傷心 >.<

      刪除
    10. 哎呀~~唔得架~~~你老公會打我架~~~~~~
      wakakaaka~~~我仲以為佢會連睇完要俾多6000都係咁冷靜添~~~以為男仔多數係咁~~係咪我地女仔真係計較d呢?
      下~係喎~原來係南極哥次~不過你去過南極已經好叻叻啦~我有排盼~
      我諗緊..你未來一年都唔再需要寫食評....因為你仲有兩個旅行未寫~~~~~

      刪除
    11. 佢唔會架, 因為佢鍾意睇小t個blog多過我個blog, 但我都冇打佢 ^^
      我覺得係睇性格架, 有啲男人小器小家計較得好緊要!
      只要妳想去, 好快就成事!
      今年遊記都有排寫喇, 同埋我食嚟食去都係嗰幾個商場/酒店嘅食肆, 自己都厭厭哋喇

      刪除
  7. 原本以為遇上了麻煩海冰,左兜右兜,看來尋日不是老作,感覺好了一點。殊不知斯瓦爾巴又咁,語氣仲講到不負責任,又有返被騙感覺了⋯
    呢兩個土豪,見到都感到厭惡!

    回覆刪除
    回覆
    1. 係嘅, 見條航線竟然向南, 相信真係避海冰嘅, national park嗰邊係難land嘅, 好易結冰, 但奇又奇在啲客叫佢貼海冰圖, 起初係每日或隔日更新, 但叫完佢要貼番新嘅, 反而一路至到落船都冇再貼過。唔知呢個蠢人係鬥氣定點樣喇, 不過算啦, 我好肯定呢個大把人投訴, 淨係態度都夠晒衰
      有4個土豪, 或者咁睇, 文明咗架喇, 至少識叫人開口要求, 唔係佢哋自己動手/口

      刪除
    2. V小姐又去邊先,你好似去唔停咁⋯

      刪除
    3. 啋, V for Venus, 可以叫我金星小姐或者Venus, 千萬唔好用字母, 通常啲字母先生或者字母小姐都冇乜好嘢架嘛, wakakakaka
      沖繩呀, 今年上半年會密啲, 但眨吓眼都番咗香港個半月架喇。你都好密啦, 仲未寫番非洲!

      刪除
    4. 係喎! 用字母真係無好野,wakaka~~~
      沖繩,我剛有同事去完返嚟。我去D超短嘛,點同呢~ hehe~ 不過看來我都要加速寫遊記了

      刪除
    5. 幾年冇去日本喇, 治安好囉, 都係短trip嘅好選擇。
      咪一樣係亞洲, 一樣係幾日, 有乜分別~~
      喂, 你個印尼一樣驚險喎, 都好睇呀

      刪除
    6. 有時驚險返而會有深刻體會,都唔知自己係咪犯賤⋯
      你返左嚟幾耐?仲唔po埋北極郵輪⋯ 跟住我又心急睇南極呀~

      刪除
    7. 深刻體會都有好同壞之分喎, 不過最重要係to a certain extent接受到/承受到啦!
      我就對自己好好, 唔好嘅嘢可免則免喇
      星期日返到喇, 唔好意思呀, 原來銀生等緊, 多謝支持先! 旅途中已經接到公司同事求救, 所以返到嚟都砌緊公司嘢, 琴日搞掂喇, 會快快手寫blog

      刪除
  8. VENUS, 你快去遊玩, 祝你玩得開心. YEAH

    回覆刪除
  9. 郵輪入面都好精彩,
    船上做介紹及安排的職員都好寸嘴,若內地團友知悉佢態度一定有好戲睇...

    回覆刪除
  10. 我唔敢一次過寫太長,費事又被cut
    有時幫下人做翻譯無所為,大家做下朋友..
    但過份就無為 !

    回覆刪除
  11. 謝謝Joseph, 已經到咗沖繩喇,今日有個好靚嘅藍天 :)

    回覆刪除
  12. 內地船友們差唔多全部去過南極,用另一間船公司,所以佢哋識比較,土豪們唔投船公司支旗就係話行程安排得差,所以如果佢哋知道leader個態度咁差,一定拆天
    係呀,對於斯文有禮貌嗰啲,我哋係好樂意架,大家傾吓偈,又俾我練吓語言,自己都得益 ^^

    回覆刪除
    回覆
    1. 其實, 大陸人有些十分好人的, 不過, 卻被D土豪們攪壞了,.

      刪除
    2. 係呀, 每個地方都有好人壞人, 有品同冇品嘅人, 冇得一概而論嘅。
      正所謂發財立品, 我諗佢哋都進步緊架喇, 但要加快文明嘅步伐, 嗰種格係幾令人反感>.<

      刪除