2016年3月14日 星期一

Day 12極地郵輪—格陵蘭海上巧遇北極熊與殺人鯨



每天規律地做著相若的事情,吃過早餐到甲板走一趟,天氣寒冷、天色灰暗,甲板和欄杆結了一層薄薄的霜。




拍攝過後返回船艙等待十時半舉行的講座,惟講座開始不久,即傳來發現殺人鯨的廣播,講者Erik馬上解散我們,我們火速回房間取相機到甲板。


殺人鯨尖尖的背鰭






飛的鳥兒拍不到,只好拍停下來的。


兩個多小時後,廣播再次響起,今回遇上的是北極熊!秒速加衣到甲板,船上廣播非常清晰,會以目標在幾點鐘位置來表達,照著辦就能輕易找到。



北極熊的好奇心十分強,經常定睛望著郵輪。(可按圖放大照片)








很可愛啊!雪白的、肥美的、毛茸茸的、樣子傻傻的,不就是一隻會動的毛毛公仔,超想摸牠幾下!






當然,這幻想在見到牠拖起那血淋淋的獵物後就破滅了!


那是一頭海豹,上圖可見北極熊咬起了海豹的尾巴。












相信是我們的郵輪太靠近了,令北極熊有點不安,於是牠將獵物帶到較遠處的海冰上再行開餐,而我們的郵輪也發動引擎繼續北上了。下圖可見我們的大概位置。


拍過北極熊後,大夥兒湧到餐廳午飯,大家臉上都掛著燦爛笑容,是拍得北極熊的興奮和滿足吧!幾位來自內地攝影團的船友坐到我們身旁,看到他們拍得的照片都是大特寫來的。後來還聊些別的話題,原來他們那個三十多人的攝影團中,不少人在談論我們,說我們那麼年輕就跑到北極來,他們認為我們夫婦倆的歲數加起來也小於他們最年少的那位,我聽後笑傻了!橫看豎看,同桌的四位男士不過四十多至五十出頭,年齡差距不算大啊!拍得北極熊為一樂,聽了美言更是樂上整天!真心與否實在無需深究啊!


又吃,這天的下午茶有新意思,侍應生即場弄窩夫,見上圖。


下午五時,到講堂聽翌日行程預告。











下午六時許發現絕美的海上倒影,馬上取來相機拍攝。

九月中的格陵蘭,晚上近八時才日落,於是我們先到餐廳吃晚飯,免得誤了日落時間。




















飯後回到甲板,景物美得難以形容,不知不覺待在甲板兩個多小時,就讓相片代替文字吧!

下一站將抵達北緯73°29'Myggbukta,待續



北極三島郵輪極光2015目錄頁


「Venus遊世界」總目錄


您可能會對以下博文感興趣:
墨爾本酒莊 首爾 加拿大極光 南極
墨爾本酒莊及農場
韓國首爾
加拿大白馬市
南美、南極資訊


Copyright © 2016 by Venus. All rights reserved.

30 則留言:

  1. 送首歌你聽, 昨夜渡輪上.

    回覆刪除
    回覆
    1. 謝謝Joseph, 即刻睇咗, 好有回到80年代嘅感覺
      我昨晚播嘅時候, 個旋律我係未聽過嘅, 反而老公即刻識哼埋落去 :)

      刪除
    2. 以前D男仔很多都識這首歌.

      刪除
  2. https://www.youtube.com/watch?v=5s1lTF5onqE

    回覆刪除
  3. 冰海日落實在很美....
    一次過睇晒殺人鯨和北極熊實在興奮

    回覆刪除
    回覆
    1. 係呀, 靚得好利害, 實景多咗嗰種廣闊嘅空間感, 仲靚^^
      超興奮, 好記得呢日嘅lunch, 全間餐廳都好熱鬧, 平時啲人頂多都係細聲講吓嘢, 呢日係聽到大家都用好興奮嘅語調講嘢, 又係咁share相睇

      刪除
  4. 我回來了~~~~~
    我去旅行都有睇你blog架~我好乖~
    羨慕你睇到北極熊呢!!!!!!!!!!!!!!!!!!!!!我都唔知有會機會睇到~你仲要影到~叻叻呀!!!
    日落都好美呢~

    回覆刪除
    回覆
    1. 嘩, 番嚟喇, 我有掛住妳架 ^.*
      乖, 錫晒 :)
      傻嘅, 妳咁後生就去咁多地方, 只要妳想去, 隨時都得, 我唔覺得妳會冇機會睇囉 ^^
      好靚, 好鍾意呢晚嘅日落

      刪除
  5. 黃昏時你拍了好寧靜嘅北冰洋,很美~
    北極熊呀! 我同港女都想去睇。不過見到佢有飯開都總好過皮黃骨瘦嘅~

    回覆刪除
    回覆
    1. 連影相屬於專業級嘅銀仔都讚, 搞到我都偷笑咗幾聲 ^.*
      想去就去啦, 夾吓假期, 蘊釀吓就成事架喇, 隻會郁嘅毛公仔真係好得意架 ^^
      呢隻好肥美, 我諗佢捉嘢食好叻! 不過話時話, 我真心慶幸自己冇長鏡, 如果帶咗冇理由唔zoom到最近, 但zoom到最近就會睇得好清楚嗰隻可憐海獅, 都唔知會唔會嚇到嘔。所以你去睇的話, 都要諗諗呢個問題

      刪除
    2. 從來無人話過我專業級,只有你,你就真係搞到我都偷笑咗幾聲,哈哈~
      多謝提醒,唔食咁飽可能會好D嘅~
      南極,就算我d唔愛plan嘅人,有份工作始終不得不plan,要好好思考一下幾時去。今年應會去多一次北面高緯度進發

      刪除
    3. 咩呀, 你講攝影講座架, 唔係專業級就唔會有人請你講同聽你講啦!
      或者男士會ok啲嘅, 船友show大特寫俾我睇時, 我真係嚇咗一嚇 >.<
      咦, 我都會繼續高緯度地區喎, 南極係突然間醒起要趁呢年唔洗番工去嘅, 其實原本打算係去北挪威嘅, 我諗下年都會實行番原定嘅挪威北部trip

      刪除
    4. 咩攝影吖,只不過我去過古巴及影過極光,有一位退休攝影老師睇得起我,想我分享吓;而另一位老師想偷懶想我代吓攝影入門班嘅課堂啫。講真,要分享極光邊有你咁Pro吖,哈哈~
      你去高緯度都唔係新鮮事啦,極光達人~ 咦! 你咁喜愛高緯度地區,介紹你睇一本書“北緯66",講一個內地人,去左好多次高緯度架~ 我出發前都會睇晒佢

      刪除
    5. 銀仔好謙虛bor :)
      pro乜鬼, 搵我分享點先可以喺極光勁弱嘅日子將"白煙"影成極光?! 咁呢樣我真係強囉>.<
      影相就有排都唔得pro, 今次難得遇到強極光喇, 但喺船上面喎, 自己都覺得影成晚先得一兩張滿意, 可能真係要去上下堂, 下次你開班叫我!
      謝謝推介, 下次行書局留意吓, 但「北緯66度」個書名唔夠霸氣, 我希望終有一日我會有篇blog個title係「北緯90度」, 等我!

      刪除
    6. 拿拿拿! 你又玩我,係船上影極光我都影得唔靚,我只係第一時間諗起推高iso來縮短快門⋯
      一定等! 你可以叫埋幾個志同道合出書噃。好似之前有一本南美書一樣,六七個一齊出,講不同地方不同故事。如果你到時搵埋我就好了,不過我未去到 「北緯90度」⋯

      刪除
    7. 拿拿, 銀仔真係高幾班, 你係會諗點先會影得好, 我只係會搏命影多幾張大包圍 ^.*
      細個時會想出書, 宜家反而冇諗過 ^^

      刪除
  6. 黃昏既冰海好靚. 之前睇好多報導都知道北極熊好慘. 見到咁肥美既北極熊, 仲見到佢覓食, 真係好厲害.

    回覆刪除
    回覆
    1. 我最鍾意呢晚嘅日落 :)
      呢隻肥肥白白勁可愛, 都係嘅, 大自然定律, 搵到食先至生存到

      刪除
  7. 想像到你地一大班人由lecture room衝出黎係幾咁搞笑喎 ! XDDD

    我地就一次清晨5點出擴播, 不少人著住睡衣出甲板, 另一次就係我沖緊涼出擴播 ! XDDD

    回覆刪除
    回覆
    1. 我D 相, 不過冇你D 咁豐富喇~~

      https://www.flickr.com/photos/ah_donlee/albums/72157657102422520/page1

      刪除
    2. 係呀, 我自己都覺得自己衰, 我係馬上彈起身, 妳知啲鬼反應冇咁快架嘛, 後面嗰幾個見我彈起即刻喺度笑, 啲人好有禮貌, 我好鍾意呢船人, 真係要學習吓, 佢哋企晒起身向講者拍完手掌先散, 當然, 我都乖乖哋跟住做 :)
      清晨5點?! 好激呀! 我都試過沖緊涼時廣播, 下一篇影北極熊就係咁喇 >.<
      嘩, 多謝"些牙", 即刻去睇 ^.* 點會, 係各有各精彩至真 ^^

      刪除
    3. 嘩嘩嘩嘩嘩....種子庫呀, 我哋喺山腳影上去咋

      刪除
    4. 仲有北極黃河站呀, 哈哈..地氈式嘅北極熊, 我又想摸佢喇 ^0^
      北極熊腳印原來咁大隻!
      我哋一齊見到北極熊開餐, yeah \(^0^)/
      IMG_4342張北極熊同IMG_4078, 4074嘅海象, 我覺得係專業級呀, 應該喺national geographic出現!

      刪除
  8. 種子庫係參加taxi tour 去的.
    邊係專業級丫, 係佢地夠近罷了, 隻海象愈游愈近, 我地都唔知幾開心呀.

    回覆刪除
    回覆
    1. 咦, 咁淨喺外面? 有冇得入埋去? 我哋喺遊客中心問有冇得去種子庫, 分別喺唔同日子問咗兩個職員, 佢哋話冇囉, 激死呀, 其中一個仲反問我哋去嚟做乜 >.<
      真係影得好好呀 ^0^ 隻海象咁近架船仔, 有冇少少驚? 定已經興奮到狂影, 唔會諗其它嘢呢? ^^

      刪除
    2. 出發前已知道唔開放比公眾, 不過朋友都想嚮門口影到此一遊. 之後嚮 svalbard 見到d 小冊子, 又話會不定期開放.....

      海象遊埋黎唔驚呀, 因為我地有後路可退, 而且一道人牆嚮度, 兩隻海象都識得保持一段距離 XDD

      刪除
    3. 喺網上見過有人入到去參觀, 但就冇詳細講幾時開放。去到咁近都好, 我喺山腳zoom上去得蚊滋咁細。
      咁安全嘅情況下, 真係唔洗理咁多, 勁影 ^^

      刪除
  9. 作者已經移除這則留言。

    回覆刪除