2016年6月20日 星期一

Day23-25 奧斯陸、奧斯陸機場交通及抵港




Day 23


酒店自助早餐的食物選擇雖然不多,但水準不俗。


早餐後到遊客中心逛逛。


酒店對開的商場範圍放有一部平台式鋼琴,丈夫在家從不走進琴房,惟每次在外見到鋼琴總喜歡鬧著玩,待他演繹完一首錯位曲後,我將他的手移回正確位置,他立即高高興興地再彈一次,今回全對了,有進步啊!


早餐後回房整理一下儀容就開始新一天行程,這日全天步行,漫步於微涼的天氣下,十分舒服寫意。



酒店附近商場林立


走進奧斯陸的主要大街Karl Johans gate,沿路都是店舖。


Oslo Cathedral有逾300年歷史,挪威皇室和政府都喜歡在這裡舉辦公開活動。



沿路往前走至國會大樓Stortinget,為甚麼每次到來,陽光總是不大配合的,印像中不曾為這幢建築拍攝過一張好照片。




攝於國會前臨的公園內




National Theater國家劇院,為挪威最大型的戲劇表演場地。





國家劇院正對面為大學廣場




然後離開Karl Johans gate大街右轉到Norwegian National GalleryHistorical Museum




跟著返回Karl Johans gate大街直走到皇宮Slottet,皇宮為現有挪威皇室成員的住處。有興趣入內參觀的話,可參與導賞團








Oslo Concert Hall


記得Oslo Concert Hall附近在五年前遊覽時有不少舊店舖及已空置的店舖,牆上滿是塗鴉,走在那裡會有不安感,現在可好了,經過大型翻新後,那裡成了煥然一新的時尚社區,部份店舖看來剛營業,有些還在招租,也有些工程尚未完成,這才是北歐嘛,應該都是光光鮮鮮的。



續向海皮的新發展區走,這裡洋溢著一種高尚、悠閒的氛圍。記得上回我們走到這兒都嚷著要在這裡置業,今回還是強烈地有著相同的感覺,原來喜歡就是喜歡,不會因年月而有所改變呢!










可眺昨晚夜訪的阿克斯胡斯城堡。



小型雕塑公園是新的,上次來的時候還未有。



















Tjuvholmen skulpturpark公園沿海旁一直走,到達Nobel Peace Center,顧名思義,即頒發諾貝爾和平獎的場地。


這幢啡色外牆的建築為Rådhuset,即Oslo City Hall奧斯陸市政廳。




返回酒店途中經過五年多前住過的酒店Thon Hotel Oslo Panorama,入內拍了張照,這家酒店也是由舊建築改成的,當年入住時覺得房間和早餐質素也不錯,見當年未有介紹,今次順道補回。


又走到了歌劇院,美麗的外型配上美麗的天色,不就是百看不厭。



回酒店休息一會再出動看日落和吃晚飯,大自然美景千變萬化,永遠不會叫人生厭。



















就那樣過了悠閒而滿足的一天。

Day 24-25


很喜歡這家酒店餐廳,兩個早上都沒有客人坐到離自助餐桌較遠的位置,我們倆肯多走幾步,即像獨霸餐廳一樣,或許外國人都喜歡聚集在一起,喜歡熱鬧;亞洲人口卻太稠密,見人太多,固然想獨享寧靜吧!




早餐後丈夫回房梳洗為長途機作準備,我則爭取時間再到歌劇院拍攝一回。






不論是早上、中午、黃昏,還是夜晚,歌劇院景致依舊動人。


梳洗執拾過後要啟程往機場了,見時間多著,今回採用普通火車前往機場。

金錢可買來快捷方便是必然定律,這回買票即遇上麻煩,丈夫發現以信用卡在售票機買票需要輸入密碼,於是只好到櫃枱排隊刷咭買票。


不過二者票價有一定差距,有見NSB的火車車廂環境不俗,所需時間也相去不遠,個人會偏向選乘普通火車。敗家,一程就夠,感受一下挪威的先進,還是值得的。



機場快線flytoget
火車NSB
從市中心來往機場
19分鐘
23分鐘
票價
NOK180
NOK90
據網上資料,現為NOK92






由於去程時知道卡塔爾航空Qatar Airways和國泰的codeshare機致令香港來往多哈航段不能於網上check-in劃位,於是我們很早到達機場,幸劃得相連位置。


Check-in後見時間尚早,到機場外拍拍照。



入禁區先過安檢


過閘後還有不少商舖可逛



見關員後再沒商舖,建議逛夠才進入




再見挪威大陸



從奧斯陸Oslo到多哈Doha需時六個多小時,卡塔爾航空供應了兩餐膳食,不過有濃厚的中東味道。





富裕的中東產油國,機場既新且大,相當喜歡到中東轉機,不論是杜拜機場,還是首度前往的多哈機場,設備都很好。地理位置又剛好是香港與歐洲的一半距離。



在多哈機場待個多小時就乘國泰航機返港,航程七個多小時,也是供應了兩餐,唯一好處是食物沒有中東味。



這程機發生了一件令丈夫和我很氣的事情,與其中一個空服的處事態度和手法有關,相信現在要我複述一次的話,還是會氣上心頭,為免氣壞身體,不詳述了,只想記得這件事情是發生在這次旅行就夠。


抵港了





北極三島郵輪極光遊記正式完結。奧地利之旅返港後開始寫南美、南極遊記facebook專頁見了!


北極三島郵輪極光2015目錄頁


「Venus遊世界」總目錄


您可能會對以下博文感興趣:
白馬市 墨爾本 阿根廷布誼諾斯 林口三井
加拿大白馬市
澳洲墨爾本
阿根廷布誼諾斯
台北林口三井outlet


Copyright © 2016 by Venus. All rights reserved.

21 則留言:

  1. 人家環境保育得好, 城市裡也能見到海獅, 中國就難見到了.

    回覆刪除
    回覆
    1. 完全冇諗到會有小海獅影, 我諗水質真係好好
      好在快手, 影咗幾張佢就潛水

      刪除
  2. 最怕嗰啲"加拿大"嗅味,聞到就想嘔,
    所以唔會揀中東嘅航空公司,阿聯酋好啲,但可免則免,好多航空公司管理唔理想
    唔少工作人員態度亦好有問題,至令客人不快,
    我亦遇不少,投訴亦無用,唯有自己EQ高啲😕

    回覆刪除
    回覆
    1. wakakakakakakakaka, 路霸兄, 我實在係睇一次笑一次, 我諗以後我聽到人哋話去加拿大, 我會笑得開心過人, 以後一定會講番canada, 免得飛咗去underarm, wakakakakakakaka......
      哎呀, 未答過問題添
      我第一次搭qatar, 來回都好少人, 我哋可以每人坐一行, 所以感受唔到加拿大風味(我又笑過, 係咪痴咗, 哈哈哈哈)
      至於emirates呢, 我都好彩冇遇過, 所以觀感好好, 中東剛好係香港飛歐洲嘅一半航程, 覺得中間落機抖一抖都唔錯 ^^
      唉, 今次遇到一個衰, 其他都好好

      刪除
  3. 咁回來後有冇寫信去CX投訴?
    Oslo海傍和公園散步好舒服,可以hea一整天呢^^
    老公交稅萬歲!!!!XXXD 咁之後有冇請佢食返餐慰勞下佢呢....

    回覆刪除
    回覆
    1. 我覺得作為一家咁有國際水準嘅航空公司, 條友嘅處理手法真係好有問題, 連一向好gentleman嘅老公, 都慫恿咗我兩次要投訴。但今次個case有少少複雜, 因為唔小心做錯事嗰個, 佢同佢成team人嘅處理手法同態度都好好, 我哋一路都好滿意嘅, 及後反而係佢阿頭出手時, 先唔衰攞嚟衰激嬲我哋! 我驚寫投訴信的話, 會累咗唔小心做錯事嗰個女仔, 所以我選擇唔投訴囉 >.<
      係呀, 天氣又好, 超正!
      yeah \(^0^)/ 講心架嘛, 我會用仰慕嘅眼神望多佢幾眼架喇 ^.*

      刪除
    2. 你呢個顧慮不無道理....你好叻呀!!!咁樣可能係最好解決方法~eq高~人善心美~

      刪除
    3. 咦, 又落重藥讚人, 邊有咁誇呢 ^^ 我EQ唔高呀, 只係比較理性。EQ高嗰啲係乜事都唔動氣架嘛, 但我堅嬲架, 同埋肯定諗番細節會再扯火, 所以先唔講之嘛。反而我老公好想我寫呀, 佢睇完篇blog又問我做乜唔寫。

      刪除
  4. 好靚既黃昏景色. 北歐大部份地方都係令大家人見人愛. 有人提仲幫埋交稅, 何止勁, 簡直係超級細心及窩心啦!! 真係要比個LIKE佢....HAHA!

    回覆刪除
    回覆
    1. 呢個黃昏又係一絕, 睇住個天同啲雲變唔同嘅顏色, 好靚好靚
      佢年年都提我架, 每人負責唔同嘢嘛, 我對數字嘢又冇乜概念
      嘩, 佢睇到實好開心, 有人讚喎, 希望呢啲好事要多做, 年年做, 呵呵呵呵!

      刪除
  5. 個日落好靚~~~~~~~~~~d色真係不得了~~~~
    搭6個鐘有兩餐食幾勤力喎~~~~~北歐真係好舒服~~~

    回覆刪除
    回覆
    1. 係呀, 好靚, 配合埋海風, 好完美
      一路寫又一路掛住北歐, hea hea哋, 夠靜夠少人又有靚景, 超正

      刪除
    2. 咁唔得喎~要去多次喎~~~
      夏天去都幾好丫~~唔怕熱~當渡假~~
      你去左旅行呢度好寂寞~~~掛你~~

      刪除
    3. 相信會去多好多次,實在太鍾意喇 :)
      多謝掛念,錫晒

      刪除
    4. 如果有時間...我直情想去哥度過暑假~~~~~~
      依家仲係掛緊架~~但最想你玩得開心~

      刪除
    5. 暑假日照長, 好正嘅選擇 ^.*
      返咗嚟喇, 玩得開心呀, 不過又係唔捨得個trip咁快完囉
      我都有掛妳架, 睇埋新嗰篇, 我一路睇一路戥妳驚囉, 宜家過去留番言先 ^^

      刪除
    6. 係囉~然後佢暑假又涼涼地~咁就可以避暑~~
      野~人地好掛住你囉~成兩個禮拜無你d blog睇喇~~~~~心掛掛~今次既旅行完結就係另一個旅程既開始嘛~~~~~
      真係乖呀你~~~~我數數下...你仲有成3個遊記未寫囉~~~~~~~~~~~~~~~~

      刪除
    7. 努力緊, 發覺南美南極嘅Day 1-2只係轉機&轉機, 都唔洗點揀相, 應該好快出到 ^.*
      唯有咁諗啦, 本來想8月嚟多個family trip, 但老公話8月好多同事請假, 佢應該行唔開, 所以下個trip應該係年尾甚或要到下年lu, 灰晒 >.<
      係呀, 要慢慢清喇, 好在解決咗個台北

      刪除
    8. 好野~~~~~好快同你一齊出南美~~~~~同埋我真係勁想睇伊瓜蘇同埋南極!!!!緊張仔~
      下!下!下!!!!!!!!下年.....真心灰!!!!!!!!!我地呢種應該都係靠去旅行先有動力既人......
      我諗沖繩都好快JE~可~

      刪除
    9. 一齊喇, yeah!!!!!! 其實我係出發先架囉, 但宜家先跟到妳 >.<
      伊瓜蘇都靚, 最重要係機程比較短, 終於覺得當日放棄冰川係正確決定!
      去完南極返嚟仍然覺得呢個地方好夢幻, 好唔真實, 所以我都期待緊寫blog可以鞏固番個記憶 ^^
      係啦, 下年真係有啲遠, 絕對係!
      嘻嘻, 南極完先沖繩, 保守估計係廿幾個星期後 ^^

      刪除