2017年2月12日 星期日

Day 15南極第六站──說好的Port Lockroy與Base Brown


**南美、南極篇使用粵語

好叻呀,要自讚!南極咁多相,我竟然keep到一星期一篇呀,係咪抵讚先\(^0^)/


其實今篇咁快嘅原因呢,相信同冇land過有關,啲相唔算好多。話說之前嗰晚郵輪上個行程簡介會話會land兩個地方嘅,朝早land Port Lockroy;下晝land Base Brown,點知兩度都land唔到,於是夜晚補咗個boat cruise,咁呢日都叫做有離開過艘郵輪。


朝早起身食過早餐就去聽講座。
愈南遇到愈多大型浮冰,見到餐廳落地玻璃外由冰川甩出嚟嘅大浮冰嘛?


聽完講座就出甲板望望,啲風吹到人都企唔穩,再睇吓海面,啲浪真係好唔嘢少,霧又大。



其實呢,Day 14嗰晚已經到咗Port Lockroy架喇,睇下方地圖。之前land嗰個Damoy Point就喺Port Lockroy正隔鄰,真係我呢啲游水唔多叻嘅都游得到去嗰種距離,所以喺地圖上好似兩點重疊咁,如果大家仲記得Day14嗰篇,我哋land Damoy Point時天氣奇差,所以郵輪嗰晚冇航行,諗住等到朝早天氣好的話就可以landPort Lockroy,而Port Lockroy係大家都期待嘅登岸點嚟,因為呢度有間郵局,可以喺南極寄出信件到世界各地。


Expedition Team Leader終於宣佈因為天氣差而放棄land Port Lockroy,郵輪啟航去下個登岸點Base Brown由於Port Lockroy係重要景點,因此回程時郵輪會land番。



食午飯,郵輪上啲麵包好香脆!













飯後上甲板,呢邊天氣好似幾好喎,雖然有霧,但有太陽呀!

















好靚、好有規模嘅冰川,雖然風大,但真係唔捨得離開甲板!



嚟到位於天堂灣Paradise Harbour Base BrownAlmirante Brown喇,呢個係阿根廷喺南極嘅基地。之前嗰晚個簡介會話原本駐守喺呢個base嘅醫生,因為適應唔到極地嘅生活而患咗精神病,仲放火燒毀咗個基地,好在所有人都俾美國搜救隊拯救咗。宜家我哋見到嘅係喺八十年代尾開始,由阿根廷派員喺每個夏天逐啲重建而成嘅,可惜近年阿根廷經濟麻麻,已經再冇派員嚟駐守喇。



呢度仲有Gentoo Penguins架,上圖橙色小屋旁,不過我支天涯鏡zoom唔到咁近喇。
以為有得land啦,點知只係有得睇咋,expedition team leader宣佈風大不宜登岸,我估係海嘅current太勁,搭快艇登岸會危險。











郵輪啟航繼續南下。企喺甲板太耐,好凍,入室內食個下午茶同飲杯熱飲先,跟住再影過!


聽翌日行程講座,郵輪翌日將會越過南極圈線,然後情況許可就可以踏足南極圈內嘅土地。好期待呀,一向對緯度好有追求嘅我覺得踏足南極洲唔算係真正嘅南極,一定要入咗南極圈先算數!


講座後又上甲板投奔我愛嘅冰雪世界!









下圖白色羽絨個球體就係我喇!甲板條走廊都鋪滿雪霜,係南極夏天嘅雪,好愛好愛呢個咁特別嘅地方!世上只此南極一家有夏雪,北極要到初秋先有。


Lemaire Channel喇,呢度係出名景色靚嘅南極水道,兩邊有高山夾道,呢個南極水域因為被高山所擋,所以冇乜強風,海面都比較平靜,不過據講某啲月份有機會被冰山堵塞。





















由於今日冇land過,於是補咗個boat cruise,晚飯後就到我哋嗰組出發喇。









我哋架小艇由墨西哥籍嘅expedition team member帶領,可以睇到幾多冰、幾多動物,就全靠佢嘅經驗喇。


船河中遇過兩次海豹


好近呀,上圖左下角就係我喇!





















回程遇到一舊好特別嘅海冰,好藍、好靚!







最怕唔知自己去咗邊,影番低郵輪上個mon先,船河呢度喺Booth Island附近嘅海域。



上返郵輪剛好係日落時間,二月份南極嘅夏天,日落時間大約係晚上十點。







紫色嘅晚霞,總算為land唔成嘅呢日做番啲心靈補償。



下篇郵輪將會越過南極圈,待續


南極郵輪、阿根廷、巴西伊瓜蘇2016目錄頁


「Venus遊世界」總目錄


您可能會對以下博文感興趣:
加拿大白馬 大加納利島 wanaka 極光
加拿大白馬周邊
大加納利島
新西蘭南島
格陵蘭海上極光

Copyright © 2017 by Venus. All rights reserved.

16 則留言:

  1. 我唔貪心,睇到你拍攝既靚靚相已經好心滿意足喇。

    回覆刪除
    回覆
    1. 多謝1733兄
      我影相勝在數量多, 點都撞手神有張靚, 講到技術同您冇得比呢^^

      刪除
  2. 回覆
    1. 係呀, 不過溫度喺日落後急降, 好有寒風刺骨嘅感覺, 所以啲紫色未褪晒我都已經頂唔順入番船艙喇

      刪除
    2. 多謝基爾, 情人節快樂呀 ^^

      刪除
  3. 唔知點解依家凍冰冰既天氣睇南極..會有不一樣既感覺~
    好彩無得land都有船仔坐下je~

    回覆刪除
    回覆
    1. 愈睇愈凍? 定好似冬天食雪糕嗰種感覺? ^^
      係囉, 好過冇啦, 但覺得嘥咗一日囉, 因為本身個船程都唔係長嘛, 所以都失望架 >.<

      刪除
  4. 郵輪應該算駛得幾埋d冰川度, 睇相好近好大座冰川山. 冇得land有返個cruise都算係有小小心理補償,係咪join tour前講明架?

    回覆刪除
    回覆
    1. 都算近, 真係好靚、好震撼、好有氣勢!
      係呀, 好過冇。唔..都算係有講明嘅, 由報名到每日行程簡介都洗腦式提到極地天氣變幻莫測, 冇嘢保證到。理論上郵輪公司應該同啲客同一陣線嘅, 始終競爭大, 如果口碑唔好就冇生意

      刪除
  5. 睇完哩幾篇都佩服妳出post咁快,
    我唔知安排上岸參觀喺咪要同某啲國家or組識申請,之前好似話南極洲唔屬任何國家?

    回覆刪除
    回覆
    1. 噢, 我今個星期要令大家失望喇, 上星期先呱呱嘈自讚, 今個星期就keep唔到 >.<
      如果有科研基地就要得到批准, 好似之前land中國長城站就係咁嘅情況。基本上南緯60度以南喺南極條約入面係唔屬於任何國家, 不涉軍事及政治, 只可以做科研

      刪除
  6. 南極圈期待呀!!!
    這天終於有久違了的太陽,真係好~

    回覆刪除
    回覆
    1. 多謝銀仔捧場!
      有啲陽光啦, 但都唔算係好好天, 旅行睇唔睇到靚景真係要靠個天同靠運數 >.<

      刪除
  7. 還以為南極之旅已經完了,好彩追看到。
    祝您們新年愉快!

    回覆刪除
    回覆
    1. 未呀, 因為想清咗啲短trip先, 所以停寫咗一排。多謝您返嚟捧場呀 :)
      多謝, 大家咁話 ^.*

      刪除