2015年4月26日 星期日

Day1──溫哥華 Vancouver



長假期的威力,香港機場人山人海,預算East Hall的候機室會達到「迫爆級」的程度,於是到了West Hall,人龍也排到門外呢,真誇張!


離港指定動作──魚蛋河


加拿大航空直飛溫哥華不消十二小時就到,雖然每次乘長途機都是"眼光光"的睡不著族,惟十二小時不算長,實在不太難熬。往後除歐洲外,可多踏足美洲啊!


由於溫哥華比香港慢15小時,因此可同日抵達。






溫哥華機場一隅

約下午五時取得行李,由於當日沒有安排行程,因此沒有堅持乘的士前往酒店。丈夫嚷著要乘sky train,說不會塞車云云。算了吧,不塞車只是較堂皇的理由,想"搞機"才是真正原因,這個大細路是任何機器都愛搞的,反正不趕時間,就Sky Train吧!


其實從溫哥華機場發車的的士並不昂貴,我們當晚下榻於Fairmont Waterfront,屬下圖35加元(約210港元)的收費區域,比從家中出發到香港機場的的士收費還要便宜。




常以為"鬼地方"甚麼都貴,其實並不然,現在歐洲物價已不覺得怎樣貴(瑞士、挪威、冰島除外),這趟加拿大之行更讓人有物價低的感覺。

下方截圖出自http://thecanadaline.com/

乘無人駕駛的SkyTrain加拿大線,總站Waterfront就在酒店附近。
公共交通資料http://www.translink.ca/



丈夫先往7-11購買Fare Saver,然後自行到售票機加票價,詳見下方連結

初到貴境"傻更更",及後才知道酒店有地道通往Waterfront站,不用走到街上。



酒店外觀

酒店正對面就是溫哥華的其中一個景點──Canada Place



安頓後到Canada Place走走,四月初的溫哥華晚上近八時始日落。












可眺對岸北溫哥華的景致





回望Canada Place





Fairmont Waterfront酒店另一面的外觀









然後在會議中心地下的Bellaggio Cafe吃晚飯,truffle parmesan friescaesar saladcarbonara均有不俗的水準,pizza則較差。總的來說,幾款食物的份量皆多且易生飽滯感,四人最後吃剩了些Carbonara,而這餐只接近400港元,餐飲消費一點也不高昂啊!




加拿大極光之旅2015目錄


「Venus遊世界」總目錄

Copyright © 2015 by Venus. All rights reserved.


您可能會對以下博文感興趣:
冰島 奧地利 南極 大加納利島
冰島環島自駕
奧地利高原公路
走進南極圈
大加納利島

26 則留言:

  1. Vancover sunset view is beautiful.

    回覆刪除
    回覆
    1. 好在o個日有出去睇, 因為之後兩日都多雲有驟雨, 天文野都係可遇不可求~

      刪除
  2. 我未過加拿大呢~~~要好好追blog了~~緊張~
    第一日天氣唔錯喎~
    加航好無坐呀?

    回覆刪除
    回覆
    1. 多謝小t捧場
      係呀, 真係只限第1日, 之後兩日都間中有雨 >.<
      加航出左名服務麻麻, 不過直航, 又平平地, 所以試下。長途機咪久唔久有空服過o黎斟水o既, daddy俾個空姐淋到一身水, 真係好在唔係熱水咋! Daddy話條友樽大水係滿晒o既, 但斟落佢個杯時完全冇就住度力就倒, 於是d水沿住手一路漏落件衫度, 最離譜係daddy冇出聲, 又唔話我知, 激死! 不過除左呢件個別事件, 大體上ok, 再次證實平野冇好野係不變定律 >.<

      刪除
    2. 間中有雨都好過全日有雨既~~~無事既無事既~~~
      下~~我仲以為幾好既添~因為我未搭過~~~咁佢有無同你爸爸講對唔住呀???
      其實我想知有幾平呀~~~令到你心動而復活節飛~~~同埋復活都有特價出??唔通加航好唔掂?
      同埋我想知~~~d飛機餐好食無~

      刪除
    3. 冇呀, daddy冇出聲, 唔知個空姐係因為機艙太暗睇唔到, 定係睇到都當冇野喇! 俾我一定出聲囉, 擺明係服務態度有問題, 係人都知樽水咁滿要就住倒啦! 聽完daddy講就估到係邊個, 得呢個態度咁差, 其他係ok架
      中晒easter都係$6800連稅, 出發前半年買, cx當時已經賣緊萬萬聲。加航如果唔係旺季, 加上promo價, 可以平到挨近$5000連稅。
      每程有兩餐+一餐輕食, 我當來回食左6餐啦, 全家一致認為只有1餐好食, 大家都可以清晒個餐

      刪除
    4. 我哥次搭南非航空又係咁........有一次搭維珍番香港又係咁......d態度衰到....
      華~~~~真係平到呢~~~~~~去到咁遠先6800...抵過去歐洲
      咁都搭好長喎.....一程食成3個餐~~~

      刪除
    5. 所以我成日話, 搭國泰時唔覺得國泰服務點好, 但一比較其他航空, 又真係覺得國泰係好d喎~
      我去得旅行都係最peak的時候, 所以最平一定冇份, 但近來真係多左平機票, 以前要等到出發前2-3個月先買到平野, 但加航呢張同原定7月o個張都係早半年已經買到。
      抵呀, 去美洲啦, 唔止機票平, 當地洗費都平, 仲可以擴大版圖喎

      刪除
  3. 搭的士睇地圖分開zone fares都幾好喎,至少要幾多錢大致上可以先心裏有數吧

    回覆刪除
    回覆
    1. 係呀, 我都鍾意咁, 明碼實價, 有個預算。但由機場出市區先係分區計費, 入番機場的話會照睇錶

      刪除
  4. 去啦去啦! 仲可去中美,南美啦~~~
    極光遊記我死跟架! 哈哈~

    回覆刪除
    回覆
    1. 好, 我都想去遠d, 睇多d, 有日去南美的話, 相信會係為左實現南極夢!
      多謝捧場, 但.....今次睇到o既極光好弱呀 >.<

      刪除
    2. 快去多D啦,其實我對歐洲早已無乜興趣了,因為來來去去都係差不多; 反而較落後D既地域更有獨特既色彩,所以我越去越山卡拉。
      極光弱邊緊要啫,仲有45678次嘛:P

      刪除
    3. 銀生一向都擴闊緊我視野, 2016應該會試下plan南美, 搵下資料了解多d先, 因為到左呢個年紀, 好唔想捱苦, 旅行會想lux lux地
      嘩......緊要架, 最好次次都強啦, 一天都係同得一條, 個感覺差十萬八千里呀

      刪除
    4. 介紹個卜友你識叫毛毛,佢坐頭等去南美夠lux未!? 哈哈~~

      刪除
    5. 乜野擴闊緊你視野,玩野⋯ 你去得比我少咩!

      刪除
    6. 我已經search到佢喇, 坐頭等梗係lux啦, 我都會努力儲分換架喇, 咁飛長途冇咁痛苦, 仲可能唔捨得落機添 ^0^
      唔係多少o既問題, 你揀o既地方特別嘛 ^^ 仲有牙買加講到咁危險, 我呢d隱陣派點敢去, 所以多謝你帶我睇多左個世界呀, 其實講到幾危險o既地方都有好人, 見你個旅程都遇上唔少好人, 但要親身去就真係未必夠膽囉

      刪除
    7. 咁好啦! 你帶我睇lux(因為我無錢) 我就帶睇落後國度啦~

      刪除
    8. 其實我都係affordable lux, 礙於奄尖港女性格, 有少少潔癖, 所以對落後國家有少少怕。
      睇o黎天空之鏡我唔會去喇, 又冇得沖涼, d住宿同厠所又恐怖, 等當地旅遊業發展下先 >.<

      刪除
  5. 香港來溫哥華是12小時, 但回去時, 要13小時. 溫哥華除了住屋貴外, 其他的也不是很貴. 但本地人賺錢本地來花, 就可能不太平宜. 溫哥華搵食也不容易, 這個是很多香港人移民後十年的心聲吧!

    你們有否租車四圍去? 溫哥華本身很美, 但溫哥華之外的景點, 也很美.

    回覆刪除
    回覆
    1. 係呀, 番香港要耐d, 可能因為天氣情況, 見到飛機條路線比原定路線再飛遠左, 用左接近14個鐘。我覺得richmond區好多唐人食肆呀, 以為搵食唔難添 ^^
      有呀有呀, o係whitehorse飛番落o黎之後有租車, 主要用o黎來回whistler

      刪除
    2. 你們參加團去whitehorse嗎? 那裡荒蕪到無朋友呀.

      溫哥華打食肆工不難找, 但就工時長人工低, 做死一世, 工資追不上時代的洪流.

      溫哥華的專業工作, 大多不離林木業和資訊, 行業窄, 搵食難啦.

      刪除
    3. 差d忘記了, 由溫哥華回港, 要飛耐d, 係因為地球的轉動方向, 回去香港, 是逆著地球轉動方向, 所以要飛耐d, 我這加國東岸, 以前回港, 因為逆地球轉動方向, 單單航程就要18小時, 無飛機可以飛咁長, 一定要在溫哥華或西雅圖轉機, 現在同俄羅斯協議好, 飛機經俄羅斯的北極回港, 16小時半, 777-300ex或747-400飛到咁長, 可以不用在溫哥華轉機了

      刪除
    4. whitehorse我地自己去呀, 其實都多人過greenland, 如果等車應該會食到一口塵, 但自駕ok啦, 都去到想去o既地方 ^^
      原來如此, 真係要o係當地生活先知, 人睇人好啦, 我仲諗住住o係全世界最宜居城市一定好爽, 生活愜意添
      係呀, 所以歐洲o個邊就相反。原來您o係東岸, 真係好好好好遙遠呀! 原來有直航喇--16小時半真係救命呀, 如果瞓得到覺d時間會易過d

      刪除
  6. 成個美洲,基本上我只敢去加拿大,美國我成日驚有恐襲,南美治安又唔好,不過似我咁驚青的師奶仔,應該好多地方都唔駛去了! XDXD

    回覆刪除
    回覆
    1. 我都係驚青類喎, 好在淨係加拿大都好多地方去 ^^

      刪除